Friday 4 Poush, 2071 |
Menu

खेल

लगातार हारले यात्रा कठिन

  • बुधबार १८ बैशाख, २०७०
  • विनोद पाण्डे
  • DISQUS_COMMENTS
(1 Vote)
लगातार हारले यात्रा कठिन
काठमाडौं  - लगातार दोस्रो हारसँगै विश्व क्रिकेट लिग डिभिजन ३ मा नेपालको यात्रा कठिन बनेको छ। बर्मुडामा भइरहेको प्रतियोगितामा सोमबार युगान्डासँग ७ विकेटले हारेसँगै नेपालसामू रेलिगेसनको समेत चुनौती थपिएको छ। बाँकी तीनै खेल जिते नेपालको शीर्ष २ टोली बनेर डिभिजन २ मा उक्लने सम्भावना पनि यथावत् नै छ।

समरसेट क्रिकेट मैदानमा टस जितेर ब्याटिङ रोजेको नेपाल ४४.२ ओभरमा १ सय १६ रनमै समेटियो। विश्व क्रिकेट लिगमा नेपालको यो तेस्रो न्युन स्कोर हो। सन् २००८ मा जर्सीमा भएको डिभिजन ५ को सेमिफाइनलमा अफगानिस्तानसँग १ सय ५ रनमा सीमित नेपाललाई दुई वर्षपछि इटालीमा तान्जानियाले डिभिजन ४ मा १ सय ८ रनमा अलआउट गर्नु नेपालको यसअघिका न्युन स्कोर थिए।
आइतबारमात्र समरसेटको यही मैदानमा अमेरिकाले ६ विकेट गुमाई ३ सय ६६ रन बनाउँदा नेपालले २ सय ७२ रन बनाएको थियो। युगान्डाले २७ ओभरमै लक्ष्य पूरा गर्योु। रोजर मुकासा ४९ रन बनाई अविजित रहे। अमृत भट्टराईलाई विजयी चौका प्रहार गरेका मुकासाले ७४ बल खेल्दै ५ चौका प्रहार गरे। बेन्जामिन मुकासेले २२ रन बनाए। विश्व क्रिकेट लिगमा नेपाल पहिलोपल्ट लगातार दुई खेलमा पराजित भएको हो।
'हामीले ब्याटिङ राम्रो गर्न सकेनौं। १ सय १६ रनमात्र बनाएर आशा गर्न सकिँदैन, हाम्रो क्षमताअनुसार यो कमजोर प्रदर्शन हो। यस्तो प्रतियोगितामा हामीले क्षमताअनुसार खेल्न सकेका छैनौं, जुन दुःखद पक्ष हो,' नेपालका कप्तान पारस खड्काले आइसिसीको बुलेटिनलाई भनेका छन्। प्रतियोगिताका बाँकी खेलका लागि उनी सकारात्मक थिए। उनले भने, 'गणितीय हिसाबमा अझै माथि उक्लने हाम्रो सम्भावना छ। तीन खेल अझै बाँकी छन्, जुन हामीले जित्नुपर्छ। पहिलो दुई खेल बिर्सेर सकारात्मक हुनुपर्छ। यी दुई खेल विगत भइसके अब हामीले अगाडि हेर्नुपर्छ। हामीले निकै मेहनत गरेका छौं, त्यसैले राम्रो प्रदर्शन गर्न नसक्दा निराश छौं। अब हामी बाँकी तीन खेलमा केन्द्रित हुनुपर्छ।'
युगान्डाको सुरुआत पनि राम्रो रहेन। ओपनर ब्रायान मासाबालाई चन्द्र साउदले २ रनमै आउट गरे। अर्का ओपनर आर्थुर कयोबेलाई अमृत भट्टराईले १८ रनमा आउट गर्दा युगान्डाको २२ रन थियो। मुकासाले मुकेसेसँग स्कोरलाई ८० रनमा पुर्यााएपछि युगान्डा विजयतर्फ अगाडि बढ्यो। मुकेसे र लावरेन्स सेमाटिम्बा (१८) लाई वसन्त रेग्मीले आउट गरे पनि नेपाललाई त्यो सान्त्वनामात्र बन्यो। उनले ९ ओभरमा १ मेडन राख्दै ३३ रन खर्चे।
पहिला ब्याटिङ गरेको नेपालले प्रदीप ऐरीलाई ओपनरमा ओरालेको थियो। अमेरिकासँगको खेलमा खाता खोल्न नसकेका अनिल मण्डलको स्थानमा पृथु बाँस्कोटालाई तल्लोक्रममा खेलाई प्रदीपलाई ओपनरमा पठाइएको थियो। अर्का ओपनर सुवास खकुरेल ५ रनमा आउट भए। प्रदीपले आफ्नो स्वभावअनुरुप खेल्दै ४ चौका र १ छक्का प्रहार गरी २९ बलमा २४ रन बनाए।
उपकप्तान ज्ञानेन्द्र मल्ल १० र पारस ६ रनमै आउट भएपछि नेपाल दबाबमा परेको थियो। शक्ति गौचन र विनोद भण्डारीले इनिङ्स तान्ने प्रयास गरे। विनोदले २९ बल खेली ३ चौकासहित १८ रन बनाए। शक्ति आउट हुने नेपालका अन्तिम ब्याट्सम्यान थिए। उनले ८३ बल खेली १८ रन बनाए। शरद भेषावकरले खाता खोल्न सकेनन् भने वसन्त रेग्मी पनि ४ रनमै पवेलियन फर्के। पृथुले १८ रन बनाए। शुन्यमा आउट हुने अमृत पनि थिए।
म्यान अफ द म्याचमा युगान्डाका कप्तान डेविस एरिनाइटवे चुनिए। उनले र फ्रान्क एनसुबुगाले ३–३ विकेट लिए। एरिनाइटवेले ९.२ ओभरमा २ मेडन राख्दै १२ र एनसुबुगाले १० ओभरमा १ मेडन राख्दै २५ रन खर्चे। निर्णायकसरह मानिएको खेलमा विजय हात पारेपछि एरिनाइटवेले भने, 'यो खेल हाम्रा लागि निकै महŒवपूर्ण थियो। नेपालजस्तो ठूलो टोलीलाई हराउनु निकै महŒवपूर्ण हुन्छ। नेपालको स्तर हाम्लाई थाहा थियो, त्यसैले यो खेल महŒवपूर्ण थियो। यो हाम्रा लागि ठूलो खेल हो। हामी जतिसक्दो उनीहरूलाई सुरुआतमै दबाबमा ल्याउन चाहन्थ्यो। हामीले जुन योजना बनाएका थियौं, त्यो सफल भयो। '
चन्द्रको 'डेब्यु'
तीब्र बलर चन्द्र साउदले राष्ट्रिय टोलीबाट एकदिवसीयमा पहिलो खेल खेले। अमेरिकासँगको हारपछि सञ्जम रेग्मीको स्थानमा चन्द्रलाई खेलाइएको हो। चन्द्र एकदिवसीयमा नेपालको 'क्याप' जित्ने ५७औं खेलाडी हुन्। ब्याटिङमा अविजित ३ रन बनाएका चन्द्रले बलिङमा ६ ओभरमा १७ रन खर्चेर १ विकेट लिए।
सेप्टेम्बरमा मलेसियामा भएको डिभिजन ४ मा नेपाली टोलीमा रहे पनि चन्द्रले एउटै खेल खेल्न पाएका थिएनन्। ढाडको चोटका कारणले उनले त्यसको एक महिनापछि युएईमा भएको एसिसी ट्रफी इलिटबाट आफ्नो नाम फिर्ता लिएका थिए। गत वर्ष युएईमा भएको विश्व ट्वान्टी–२० छनोटमा चन्द्रले पहिलोपल्ट खेल्दै हङकङसँगको सुरुआती खेलमै ४ विकेट लिएका थिए।
आज बर्मुडासँग खेल्ने
नेपालले बर्मुडासँग पहिलोपल्ट एकदिवसीयमा खेल्दैछ। गत वर्ष युएईमा भएको विश्व ट्वान्टी–२० छनोटमा नेपालले बर्मुडालाई २४ रनले पराजित गरेको थियो। पारस खड्काको अविजित ६५ र शरद भेषावकरको ४४ रनमा नेपालले ६ विकेट गुमाई १ सय ५१ रन बनाएको थियो। अबुधाबीमा बर्मुडाले ५ विकेट गुमाई १ सय २७ रन बनाउन सक्दा शक्ति गौचनले ३ विकेट लिएका थिए।
२ सय २३ रन बनाउन नसकेपछि पहिलो खेलमा युगान्डासँग १ सय १४ रनले पराजित बर्मुडाले अघिल्लो दिन दोस्रो खेलमा ओमानलाई ३४ रनले पराजित गरेको थियो। ४५ ओभरभित्र १ सय ९४ रन बनाएको बर्मुडाले ओमानलाई १ सय ६० रनमा रोकेको हो।
युगान्डा र अमेरिकाले पहिलो दुवै खेल जितेका छन्। ओमान र बर्मुडाले १–१ खेल जितेका छन्। इटाली र नेपालले दुवै खेल हारेका छन्। पहिलो दुई टोली डिभिजन २ मा उक्लने छन् भने पुछारका दुई टोली रेलिगेसन पर्नेछन्।
नेपालको रजत जित्ने लक्ष्य

नेपालको रजत जित्ने लक्ष्य

काठमाडौं-प्रथम दक्षिण एसियाली आमन्त्रित महिला भलिबल च्याम्पिनयसिपमा नेपालले शुक्रबार माल्दिभ्ससँग खेल्दैछ। च्याम्पियनसिपमा रजत पदक जित्ने लक्ष्य लिएको नेपालका लागि माल्दिभ्ससँग सजिलो प्रतिद्वन्द्वी हो। दुई टोलीले पाँचपल्ट आमनेसामने भएका छन्। सबैमा...

पाकिस्तानको उच्च स्कोर

पाकिस्तानको उच्च स्कोर

शारजहाँ– ओपनर अहमद सेहजादले सानदार शतक र शहिद अफ्रिदीले तीब्र गतिमा ५५ रन बनाउनुका साथै ३ विकेट लिएपछि पाकिस्तानले आइतबार तेस्रो एकदिवसीयमा न्युजिल्यान्डलाई १ सय ४७ रनले पराजित गरेको छ।

अस्ट्रेलियाली टेस्ट कप्तानमा स्मिथ

अस्ट्रेलियाली टेस्ट कप्तानमा स्मिथ

ब्रिसवेन– आक्रामक क्रिकेट खेल्ने बाचा गर्दै २५ वर्षे स्टेभन स्मिथले बुधबार गाबामा सुरु हुने भारतविरुद्धको दोस्रो टेस्टबाट अस्ट्रेलियाको कप्तानी जिम्मेवारी लिएका छन्। नियमित कप्तान माइकल क्लार्कले चोटका कारण चार टेस्टको...

लाम्पार्ड रिलिज गरेको पश्चाताप छैन : माउरिन्हो

लाम्पार्ड रिलिज गरेको पश्चाताप छैन : माउरिन्हो

लन्डन– फ्रान्क लाम्पार्डले म्यानचेस्टर सिटीको मैदानमा प्रभावकारी प्रदर्शन गरिरहे पनि उनलाई रिलिज गर्ने निर्णयमा कुनै पश्चाताप नभएको चेल्सीका प्रशिक्षक जोजे माउरिन्होले बताएका छन्।

लायनको बलले मोडियो नतिजा

लायनको बलले मोडियो नतिजा

एडिलेड- बलले लागेर निधन भएका फिलिप ह्युजको सम्झनामा भारत र अस्ट्रेलियाबीचको पहिलो टेस्ट सुरुआती दिनदेखि नै भावनात्मक बनेको थियो। शनिबार यसको अन्त पनि त्यहीअनुरुप भयो।

विश्वकपका अनुभवी बन्लान्?

विश्वकपका अनुभवी बन्लान्?

लन्डन- श्रीलंकाका माहेला जयवर्द्धने र पाकिस्तानका शहिद अफ्रिदी विश्वकप क्रिकेटको अनुभवी खेलाडी बन्ने सूचीमा उभिएका छन्। फेब्रुअरी १४ बाट अस्ट्रेलिया र न्युजिल्यान्डमा सुरु हुने प्रतियोगिताका लागि यी दुवैलाई आफ्नो राष्ट्रको...

कोहलीको शतकमा भारतीय रवाफ

कोहलीको शतकमा भारतीय रवाफ

एडिलेड- कार्यवाहक कप्तान विराट कोहलीले मिचेल जोन्सनको बाउन्सर झेल्दै बनाएको शतकमा भारतले अस्ट्रेलियाविरुद्धको पहिलो टेस्टमा राम्रो जवाफ फर्काएको छ। जोन्सनको पहिलो बल सामना गर्दा कोहलीको हेलमेटमा नराम्रोसँग लागेको थियो। यसले...

लिभरपुल बाहिर, मेसी पछ्याउँदै रोनाल्डो

लिभरपुल बाहिर, मेसी पछ्याउँदै रोनाल्डो

जेनेभा- एफसी बसेलले एनफिल्डमा १–१ को बराबरी नतिजा निकाल्दै च्याम्पियन्स लिग फुटबलको अन्तिम १६ मा स्थान पक्का गरेपछि लिभरपुल युरोपका शीर्ष क्लबको सूचीबाट यो सिजन तल झरेको छ। पाँच पटकको...