Monday 6 Ashwin, 2071 |
Menu

समाज

softworica

धरावासीको 'गेस्टापो' विमोचन

(0 votes)
काठमाडौं- साहित्यकार कृष्ण धरावासीको २३औंकृतिका रुपमा आज 'गेस्टापो' उपन्यासको विमोचन गरिएको छ। पैरवी बुक हाउसबाट प्रकाशित सो उपन्यासको विमोचन गर्दै नेपाल प्रज्ञाप्रतिष्ठानका कुलपति वैरागी काइँलाले उपन्यासमा विश्वको इतिहासलाई मानवीय दृष्टिकोणबाट हेर्न खोजिएको बताए। उपन्यासमाथि टिप्पणी गर्दै साहित्यकार डा सञ्जीव उप्रेतीले सो उपन्यासमा आत्मकथा, उपन्यास, अनुवाद, यात्रा विवरण र इतिहासलाई मिश्रण गरी प्रस्तुत गरिएको बताए। 

उपन्यासकार धरावासीले जर्मनीमा १५ दिन घुम्न पाएको अवसरलाई सदुपयोग गर्दै पुस्तक लेखिएको बताउँदै इतिहासलाई औपन्यासिक रुप दिन निकै गाह्रो भएको अनुभव सुनाए। सो उपन्यासमा २०औं शताब्दीका जर्मनीका शासक हिटलरले जनतामाथि गरेको अत्याचारलाई प्रस्तुत गरिएको छ। उपन्यासमा हिटलरको आत्मकथाको तेस्रो भागसमेत रहेको बताइएको छ। रासस

अकुत सम्पति कमाएको मुद्दामा पौडेललाई सर्वोच्चको सफाई

काठमाडौं-सर्वोच्च अदालतले पूर्व प्रधानमन्त्री स्वर्गीय गिरिजाप्रसाद कोइरालाका निजी सहायक गोकर्ण पौडेललाई अख्तियारले अनुसन्धान अवधी नघाएर मुद्दा दायर गरेको भन्दै सफाई दिने फैसला सुनाएको छ।

बाढी पीडितको दशैं जंगलमा

डडेल्धुरा– जोगबुढा–२का दिपकप्रकाश भट्टले जंगलभित्रैकै साना झुप्रोमा दशै मनाउन थालेको चार बर्ष भयो। यस वर्ष पनि उनले त्यही पुरानो झुपडीमा मनाउने भएका छन्। पुर्नस्थापनापछि नयाँ घरमा दशै मनाउने आशा लिएका...

पोखरा विश्‍वविद्यालयबाट ८६ को जागिर गयो, आन्दोलितद्वारा तोडफोड

पोखरा- जागिरको करार सम्झौता रद्द गरेको भन्दै आन्दोलित शिक्षकहरुले पोखरा विश्वविद्यालयमा तोडफोड गरेका छन्। विश्वविद्यालयको कार्यकारी समितिले असोज २ गतेबाट ८० शिक्षक र ६ कर्मचारीको करार रद्द गरेको आन्दोलितहरुले जनाएका...

ज्ञानेन्द्र शाहको स्वास्थ्यस्थिति स्थिर : अस्पताल

काठमाडौं– हृदयाघात भएर शनिबार राति थापाथलीस्थित नर्भिक अस्पताल भर्ना भएका पूर्व राजा ज्ञानेन्द्र शाहको स्वास्थ्यस्थिति स्थिर रहेको अस्पतालले जनाएको छ।

बाढीको पीडा, न घाम छेकिन्छ न पानी

बाढीको पीडा, न घाम छेकिन्छ न पानी

दाङ-आश्रय लिइबसेको विद्यालय छाड्न दबाब परेपछि उरहरी–६ मोतीपुरका गोपीलाल चौधरी रनाहामा परे। राज्यले पुनर्वासको मेसो मिलाउने कुनै संकेत छैन। १७ जनाको परिवार च्यापेर कहाँ जाने?

आँगनछेउमा लाइन, घर अँध्यारै

गोरखा-केराबारीका प्रेमबहादुर सार्कीको आँगनछेउ काठकै भए पनि बिजुलीको पोल छ। कहिलेकाहीँ बाहेक सधैंजसो उक्त पोलबाट गाउँभरि बिजुलीबत्ती बलिरहन्छ तर उनको घरमा सधैं टुकीको भर।

सुनकोसी विपत्ति, दर्जन घर अझै डुबानमा

ड्यामसाइट (सिन्धुपाल्चोक)- निर्माण व्यवसायी अर्जुन थापा अहिले काम विशेषले काठमाडौंमा छन्। शरीर टाढा भए पनि उनको मन जुरेमै छ। जुरेमा उनका तीनवटा घर थिए। ती डेढ महिनादेखि बेपत्ता छन्।

शिक्षकले नियुक्ति पाएनन्

गोरखा-शिक्षक सेवा आयोगबाट छानिएका प्रावि शिक्षकले स्थायी भएको तीन महिना बितिसक्दा पनि नियुक्ति पाएका छैनन्। जिल्ला शिक्षा कार्यालयले व्यवस्था मिलाउन नसक्दा १ सय ९४ शिक्षकले नियुक्ति पाउन नसकेका हुन्।