Sunday 16 Jestha, 2073 |
Menu

समाज

republica-headerdiscount-subscribe1

istl

कलंकी चोकमा भूमिगत मार्ग बनाइने

  • आइतबार २२ बैशाख, २०७०
  • ज्ञान न्यौपाने
  • Be the first to comment!
(1 Vote)
काठमाडौं- जेठ पहिलो सातादेखि विस्तार गर्न लागिएको कलंकी–सातदोबाटो–कोटेश्वर दस लेन सडकको कलंकी चोकमा भूमिगत मार्ग (अन्डर पाथ) बनाइने भएको छ। कलंकी क्षेत्रमा सवारी साधनको अत्यधिक चाप हुने भएकाले त्यसलाई व्यवस्थित गर्न यस्तो बाटोको अवधारणा ल्याइएको चक्रपथ सडक विस्तार परियोजनाले जनाएको छ।


nepali-patro-may
व्यस्त चोकमा भूमिगत मार्ग बनेपछि सवारी आगमन सजिलो हुन्छ, यसबाट पैदलयात्रीले समेत सहजै बाटो काट्न सक्छन्।
कलंकी बाहिरबाट उपत्यकामा सवारी साधन भित्रिने प्रमुख स्थान भएकाले त्यहाँ भूमिगत मार्ग निर्माण गर्न लागिएको परियोजनाले जनाएको छ। सडक डिभिजन कार्यालय, ललितपुर तथा परियोजनाका प्रमुख अशोक तिवारी भन्छन्, 'व्यस्त चोकमा भूमिगत मार्ग बनेपछि सवारी आगमन सजिलो हुन्छ, यसबाट पैदलयात्रीले समेत सहजै बाटो काट्न सक्छन्।' भूमिगत बाटो ८ सय ४० मिटर हुने र यो बनाउन एक वर्ष लाग्नेछ। बल्खुबाट कलंकी हुँदै स्वयम्भुतर्फ जाने सवारी साधनलाई भूमिगत मार्ग तथा नैकाप कलंकी हुँदै कालिमाटी जाने सवारी साधन माथिबाट जाने व्यवस्था मिलाइने तिवारीले जानकारी दिए।

चीनको सहयोगमा जेठ ४ देखि सडक विस्तार थालिने भएपछि सडक डिभिजन कार्यालयले सवारी आवागमनका लागि वैकल्पिक बाटो खोज्न महानगरीय ट्राफिक प्रहरीलाई जिम्मा दिएको छ। ' ट्राफिकलाई वैकल्पिक सडक खोजी गर्न जिम्मेवारी दिएका छौं,' तिवारीले भने, 'भूमिगत मार्ग बनाउँन एक वर्ष लाग्ने भएकाले वैकल्पिक मार्ग खोज्न लागिएको हो।' सडक विस्तार अन्तर्गत कलंकीमा भूमिगत मार्ग बनाइने भएकाले वैकल्पिक बाटो खोज्नुपरेको ट्राफिक प्रहरीले जानकारी दिएको छ।

कलंकी चोकमा भूमिगत मार्ग बन्ने भएपछि ट्राफिक प्रहरीले बिहीबार दुईवटा वैकल्पिक रुटबारे गृहकार्य थालेको छ। नैकापबाट खसीबजार निस्किने एउटा र नागढुंगाबाट सीतापाइला निस्किने अर्को गरी दुईवटा रुटबारे छलफल भइरहेको ट्राफिक महाशाखाले जनाएको छ। 'हामीले दुइै रुट पहिचान गरेका छौं, तर यिनीहरूबारे निर्णय भइसकेको छैन,' महानगरीय ट्राफिक प्रहरी महाशाखाका प्रवक्ता डिएसपी पवनकुमार गिरीले भने, ' अन्य वैकल्पिक रुट पनि प्रयोग गर्न सकिन्छ।' चक्रपथ परिक्रमा गर्ने सवारी साधनका लागि पनि विकल्प खोजी भइरहेको महाशाखाले बताएको छ।

सडक विस्तारका क्रममा कलंकी–सातदोबाटो क्षेत्रमा बिजुलीका पोल र रुख हटाउने काम थालिएको छ। सडक निर्माणको जिम्मा चीनको सांघाइ कन्स्ट्रक्सन ग्रुपले पाएको छ। यसका लागि चिनियाँ टोली काठमाडौं आइसकेको छ। कोटेश्वर–सातदोबाटो–कलंकी खण्डको कूल १०.३ किलोमिटर सडक विस्तार गर्न पौने चार अर्ब रकम तथा चालिस महिना लाग्ने सडक डिभिजन कार्यालय, ललितपुरले जनाएको छ।

प्रतिक्रिया

क्याम्पसको रकम दुरुपयोग आरोपमा मुद्दा दायर

काठमाडौँ-अख्तियार दुरुपयोग अनुसन्धान आयोगले बडीमालिका क्याम्पस कलदेवमाडौँका क्याम्पस प्रमुख नवराज जैसी र लेखापाल लालबहादुर रावलले रु ३७ लाख ७१ हजार ९४१ भ्रष्टाचार गरेको अभियोगमा विशेष अदालतमा मुद्दा दायर गरेको छ।

दयाशंकर स्मृति पत्रकारिता पुरस्कार पौडेललाई

पोखरा-नेपाल पत्रकार महासंघ कास्कीद्वारा प्रदान गरिने दयाशंकर स्मृति पत्रकारिता पत्राकार रमेश पौडेललाई प्रदान गरिने भएको छ। महासंघ कास्कीको बैठकले रेडियो बाराही पोखराका निर्देशक पौडेललाई पुरस्कार दिने निर्णय गरेको हो।

विपन्नको साइकल पत्रकार र वकिलका छोरीलाई

जनकपुर-भारतीय सरकारले तराई–मधेसका विपन्न एंव दलित समुदायका छात्राहरुलाई बाँड्न उपलब्ध गराएको साइकल हुनेखाने र पहुँच भएका उपल्लो वर्गकै छोरीहरुले पाएका छन्।

महानगरपालिका बनाउन गुरुयोजना तयार पार्ने योजनासँगै बहस सुरु

इटहरी–सरकारले नयाँ बजेटमार्फत विराटनगर र इटहरीसँगै आसपासका क्षेत्रलाई महानगरपालिका बनाउन विस्तृत अध्ययन तथा गुरुयोजना तयार गर्ने महत्वकांक्षी योजना ल्याएसँगै बहस सुरु भएको छ।

तीन केजी काेकिनसहित चिनियाँ नागरिक पक्राउ

काठमाडाैं-प्रहरीले तीन केजी कोकिन सहित एकजना चिनियाँ युवालाई पक्राउ गरेको छ । लागु औषध नियन्त्रण ब्युरोको टोलीले पासपोर्ट नम्बर के ०२३३४५७५ वाहक चाइनिज नागरिक २१ बर्षीय चुन मान हो लाई...

साहित्यकार सिलवालको आत्महत्या प्रयासपछि मृत्यु

काठमाडौँ-बगर फाउन्डेसनका संस्थापक अध्यक्ष साहित्यकार नकुल सिलवालले आफ्नै निवासमा आत्महत्याको प्रयास गर्दा परिवारजनले भेटी उपचारका लागि अस्पताल लैजाँदा मृत्यु भएको छ ।

अपहरित केडिया भारतबाट सकुशल मुक्त, एक पक्राउ

अपहरित केडिया भारतबाट सकुशल मुक्त, एक पक्राउ

वीरगञ्ज— बिहीबार बाराबाट अपहरणमा परेका वीरगञ्जका उद्योगी सुरेश केडिया भारतको मोतीहारीबाट सकुशल अपहरणमुक्त भएका छन्।

तेन्जिङ–हिलारी एभरेस्ट म्याराथनको उपाधी बेदबहादुर सुनुवारको हातमा

सोलुखुम्बु–सगरमाथा दिवसको अवसरमा आयोजना गरिएको एभरेष्ट म्याराथनको उपाधी बेदबहादुर सुनुवारले हात पारेका छन्।