Monday 17 Jestha, 2073 |
Menu

समाज

republica-headerdiscount-subscribe1

istl

भारतीय राजदूतद्वारा 'नेपाल : ल्यान्ड अफ कन्ट्रास्ट' विमोचित

(0 votes)
नेपालका लागि भारतीय राजदूत जयन्त प्रसादले पिजे क्लब र फाइन प्रिन्टद्वारा प्रकाशित पुस्तक 'नेपाल : ल्यान्ड अफ कन्ट्रास्ट' को शुक्रबार होटल सोल्टी क्राउन प्लाजा काठमाडौंमा विमोचन गरे। क्लबले गत वर्ष आयोजना गरेको देशव्यापी फोटो प्रतिस्पर्धा 'मेगा बैंक फोटो प्रतियोगिता २०६८' बाट छानिएका ७६ जना फोटोग्राफर तथा पत्रकारका उत्कृष्ट १ सय ३८ फोटो समावेश गरी उक्त पुस्तक प्रकाशन गरेको हो। पुस्तकमा नेपालको जीवनशैली, पर्यटन, वन्यजन्तु तथा प्रकृति, समाचार र फोटो कथा विधाका तस्बिरहरु समावेश गरिएका छन्।
nepali-patro-may
पुस्तक विमोचनपछि राजदूत प्रसादले 'नेपालको सदृश्य आवाज' उजागर गर्ने उद्देश्यले पुस्तक प्रकाशन थालेकोमा प्रशंसा गरे। 'यो नेपालका ऊर्जाशील फोटो पत्रकार तथा नेपाल भ्रमणका उत्सुक पर्यटकका लागि फलदायी रहने मैले विश्वास लिएको छु,' उनले भने। फोटो पुस्तकको माध्यमबाट नेपालको मौलिकता र नेपालीको जीवनशैली बुझ्न सजिलो हुने उनको विश्वास थियो।

मेगा बैंकका प्रमुख कार्यकारी अधिकृत (सिइओ) अनिलकेशरी शाहले पुस्तकबाट फोटोमार्फत नेपालको सुन्दरता दर्शन गर्न पाइने बताए। 'हाम्रो सहकार्यमा सुरु भएको अभियान सफलताको बाटोमा लम्किएको पाउँदा हामीलाई गौरव लागेको छ,' उनले भने- 'आगामी दिनमा पनि पिजे क्लबसँग नयाँ कार्यक्रममा सहकार्य गर्दै जानेछौं।'

क्लबले आयोजना गर्ने प्रतियोगिताको आउँदा संस्करणको मुख्य प्रायोजक बनेको ग्लोबल आइएमई बैंक तथा आइएमई मनी ट्रान्सफरका अध्यक्ष चन्द्रप्रसाद ढकालले ३ वर्षका लागि क्लबसँग सहकार्य गर्न लागेको जानकारी दिए। 'अबको ३ वर्षमा क्लबको अभियानलाई नयाँ उचाइमा पुर्‍याउने विश्वासमा छौं,' उनले भने। प्रतियोगिताका मुख्य निर्णायकसमेत रहेका वरिष्ठ फोटापत्रकार गोपाल चित्रकारले वर्षेनी प्रतिस्पर्धी फोटोहरुको संख्या बढ्दै गएकोमा खुसी व्यक्त गरे। 'पहिलो वर्ष प्रदर्शनीका लागि फोटो समावेश गर्न संख्या नै नपुगेजस्तो भएको थियो,' उनले भने, 'गतवर्ष भने आएका धेरै राम्रा फोटोमध्ये उत्कृष्ट छान्न निकै कठिन भयो। यसबाटै यो अभियान सफलताको बाटोमा अघि बढेको प्रष्ट हुन्छ।'

गतवर्ष सर्वोत्कृष्ट फोटोग्राफरको पुरस्कार जितेका नरेन्द्र श्रेष्ठले एउटा फोटोले त्यससँग सम्बन्धित पात्रको जीवनमै परिवर्तन ल्याएको अनुभव सुनाए। उनले खिचेको अनुहारमा रौं भएकी दोलखाकी बालिका भावना थामीको तस्बिरले गतवर्षको सर्वोत्कृष्ट पुरस्कार जितेको थियो। श्रेष्ठले आफूले पाएको पुरस्कार राशि २५ हजारसहित ७५ हजार रुपैयाँ थामीको सहयोगार्थ उपलब्ध गराएका थिए।

कार्यक्रममा क्बलका अध्यक्ष प्रकाश माथेमा, संस्थापक अध्यक्ष तथा पुस्तक संयोजक चन्द्रशेखर कार्की, महासचिव विकास कार्की र फाइन प्रिन्टका प्रमुख कार्यकारी अधिकृत नीरज भारीले मन्तव्य व्यक्त गरेका थिए।

पेसागत मर्यादा र प्रतिष्ठा बनाउँदै फोटो पत्रकारितालाई प्रवर्द्धन गर्ने योजनाअनुरुप पिजे क्लबले विसं २०६८ सालबाट नियमित रुपमा फोटो प्रतियोगिता तथा प्रदर्शनी गर्दै आएको छ। फोटो प्रदर्शनीलाई क्लबले राजधानीसहित मोफसलका सहरमा पनि विस्तार गरिसकेको छ। पिजे क्लबको आयोजनामा २ वर्षदेखि लगातार हुँदै आएको फोटो प्रदर्शनीमा वार्षिक ५० हजारभन्दा बढी दर्शकको उपस्थिति हुँदै आएको छ।

नेपाली व्यावसायिक फोटो पत्रकारहरुको छाता संगठन फोटो पत्रकार (पिजे) क्लब एक दशकअघि स्थापना भएको हो। देशभरका व्यावसायिक तथा श्रमजीवी फोटो पत्रकारलाई एउटै छातामुनि गोलबद्ध गर्दै फोटो पत्रकारको हकहित तथा फोटो पत्रकारिताको प्रवर्द्धनमा लाग्ने उद्देश्य राखी क्लबको स्थापना भएको थियो।

प्रतिक्रिया

क्याम्पसको रकम दुरुपयोग आरोपमा मुद्दा दायर

काठमाडौँ-अख्तियार दुरुपयोग अनुसन्धान आयोगले बडीमालिका क्याम्पस कलदेवमाडौँका क्याम्पस प्रमुख नवराज जैसी र लेखापाल लालबहादुर रावलले रु ३७ लाख ७१ हजार ९४१ भ्रष्टाचार गरेको अभियोगमा विशेष अदालतमा मुद्दा दायर गरेको छ।

दयाशंकर स्मृति पत्रकारिता पुरस्कार पौडेललाई

पोखरा-नेपाल पत्रकार महासंघ कास्कीद्वारा प्रदान गरिने दयाशंकर स्मृति पत्रकारिता पत्राकार रमेश पौडेललाई प्रदान गरिने भएको छ। महासंघ कास्कीको बैठकले रेडियो बाराही पोखराका निर्देशक पौडेललाई पुरस्कार दिने निर्णय गरेको हो।

विपन्नको साइकल पत्रकार र वकिलका छोरीलाई

जनकपुर-भारतीय सरकारले तराई–मधेसका विपन्न एंव दलित समुदायका छात्राहरुलाई बाँड्न उपलब्ध गराएको साइकल हुनेखाने र पहुँच भएका उपल्लो वर्गकै छोरीहरुले पाएका छन्।

महानगरपालिका बनाउन गुरुयोजना तयार पार्ने योजनासँगै बहस सुरु

इटहरी–सरकारले नयाँ बजेटमार्फत विराटनगर र इटहरीसँगै आसपासका क्षेत्रलाई महानगरपालिका बनाउन विस्तृत अध्ययन तथा गुरुयोजना तयार गर्ने महत्वकांक्षी योजना ल्याएसँगै बहस सुरु भएको छ।

तीन केजी काेकिनसहित चिनियाँ नागरिक पक्राउ

काठमाडाैं-प्रहरीले तीन केजी कोकिन सहित एकजना चिनियाँ युवालाई पक्राउ गरेको छ । लागु औषध नियन्त्रण ब्युरोको टोलीले पासपोर्ट नम्बर के ०२३३४५७५ वाहक चाइनिज नागरिक २१ बर्षीय चुन मान हो लाई...

साहित्यकार सिलवालको आत्महत्या प्रयासपछि मृत्यु

काठमाडौँ-बगर फाउन्डेसनका संस्थापक अध्यक्ष साहित्यकार नकुल सिलवालले आफ्नै निवासमा आत्महत्याको प्रयास गर्दा परिवारजनले भेटी उपचारका लागि अस्पताल लैजाँदा मृत्यु भएको छ ।

अपहरित केडिया भारतबाट सकुशल मुक्त, एक पक्राउ

अपहरित केडिया भारतबाट सकुशल मुक्त, एक पक्राउ

वीरगञ्ज— बिहीबार बाराबाट अपहरणमा परेका वीरगञ्जका उद्योगी सुरेश केडिया भारतको मोतीहारीबाट सकुशल अपहरणमुक्त भएका छन्।

तेन्जिङ–हिलारी एभरेस्ट म्याराथनको उपाधी बेदबहादुर सुनुवारको हातमा

सोलुखुम्बु–सगरमाथा दिवसको अवसरमा आयोजना गरिएको एभरेष्ट म्याराथनको उपाधी बेदबहादुर सुनुवारले हात पारेका छन्।