Friday 17 Baishak, 2073 |
Menu

समाज

republica-headerdiscount-subscribe1

istl

एकसाता लामो आन्दोलन टुंगियो

  • बुधबार १८ बैशाख, २०७०
  • रोहित राई
  • Be the first to comment!
(0 votes)
धरान -विपी कोइराला स्वास्थ्य विज्ञान प्रतिष्ठान र जुनियर रेसिडेन्ट वेल्फेयर सोसाइटीबीच आज १९ बुँदे सहमति भएको छ। सहमतिसँगै जुनियर रेसिडेन्टहरुको एकसाता लामो आन्दोलन टुंगिएको छ। सोसाइटीले बुधबार साँझमा नै प्रतिष्ठानका चार जना पदाधिकारीको कार्यकक्षमा लगाएको ताला खोलिदिएको छ। जुनियर रेसिडेन्टहरु साँझदेखि नै काममा पनि फर्किएका छन्।
nepalipatr-april
आज दिउँसो प्रतिष्ठानका चार पदाधिकारी र सोसाइटीका प्रतिनिधिबीच वार्ता भएको थियो। यसअघि, आइतबार राती नै प्रतिष्ठान पदाधिकारी र सोसाइटीबीच मौखिक सहमति भएपनि लिखितरुपमा भने सहमति हुन सकेको थिएन। 'हाम्रो मागको विषयमा १९ बुँदे सहमति भएपछि आन्दोलन फिर्ता लियौं, आजै ताला खोल्यौं र काममा पनि फर्किसक्यौं,' सोसाइटीका अध्यक्ष डा.विकास गौचनले भने।
गत मंगलबारदेखि आन्दोलनमा उत्रिएका जुनियर रेसिडेन्टहरुले उपकुलपति डा.विपी दास, शिक्षाध्यक्ष डा.बिक्रम श्रेष्ठ, अस्पताल निर्देशक डा.अरबिन्द सिन्हा र रजिष्टार नन्दकुमार थापाको कार्यकक्षमा ताला लगाइदिएका थिए भने चरणवद्ध ओपिडी सेवा, वार्ड र आकस्मिक कक्षको काम पनि बहिष्कार गरेका थिए। प्रतिष्ठान पदाधिकारी र आन्दोलनरत पक्षबीच यसअघि पटक-पटक वार्ता भएपनि सहमति भने हुन सकेको थिएन।
खासगरी पछिल्लो पटक सोसाइटीलाई आधिकारिक मान्यता दिइनुपर्ने मागमा कुरा मिलेको थिएन। 'अरु मागको विषयमा सकारात्मक थियौं, सोसाइटीलाई मान्यता दिनुपर्ने बिषयमा समस्या थियो। अहिले प्रतिष्ठानको आन्तरिक प्रयोजनको लागि मान्यता दिने भन्नेमा दुवै पक्ष मिलेपछि समस्या रहेन,’ प्रतिष्ठानका शिक्षाध्यक्ष डा.बिक्रम श्रेष्ठले भने। 
सहमतिअनुसार प्रतिष्ठानले फ्याकल्टी डेभलपमेन्ट प्रोग्राम(एफडिपी)को लागि अर्न्तवार्ता हटाएर सन् २०१२ को पद्दतीअनुसार लिखित परीक्षा लिएर मेरिटको आधारमा नै लिने, सोसाइटीलाई प्रतिष्ठानको आन्तरिक प्रायोजनमा आधारिक मान्यता दिने, खुल्ला कोटा र एफडिपिमा सिट संख्याको ३३ प्रतिशत सिट राख्ने सहमति भएको छ।
यसैगरी सन् २०१२ को एमडि/एमएस प्रवेश परीक्षाको विवादको विषयमा छानविन भइरहेकेाले एक साताभित्रमा प्रगति विवरण सार्वजनिक गर्ने, जेआरको आश्रितहरुलाई सामाजिक स्वास्थ्य विमा व्यवस्था गर्ने, लाइब्रेरीको समितिमा जेआरको प्रतिनिधि राख्ने, जेआरको डिउटी समयलाई सम्बन्धित विभागले नै कुन वैज्ञानिक हो भनेर हल गर्ने, दुर्घटनामा परी विद्यार्थीको देहान्त भएको घटनाको छानबिन विवरण चार हप्ताभित्र प्रस्तुत गर्ने र सुरक्षा कमजोरीको मुल्याङ्कन गरी दोषीलाई कारबाही गर्ने, सुरक्षा समितिमा सोसाइटीको प्रतिनिधि रहनेलगायतका सहमति भएको छ। 
प्रतिष्ठानको आर्थिक र विरामीको हितलाई ध्यान दिएर हरेक जाँच, परीक्षणहरु भित्रै गराउने र अन्यत्र पठाउने प्रवृत्तिलाई निरुत्साहित गर्ने पनि दुवै पक्षबीच सहमति भएको छ। यस्तै, प्रतिष्ठानको पेइङ सेवाको समय ४ बजेपछि मात्रै भएकोले निर्धारित समयलाई पालना गराउन विशेष ध्यान दिइने पनि सहमति भएको छ। 'यो सहमति प्रतिष्ठान र यहाँ कार्यरत जेआरसँगै आम सर्वसाधारण विरामीहरुको हितमा छ, यसलाई कार्यान्वयन गराउन निरन्तर पहल गरिरहन्छौं,’ सोसाइटीका अध्यक्ष डा.गौचनले भने।

प्रतिक्रिया

पानी माग्दै देवताको भाकल

जुम्ला-लामो खडेरीका कारण जमिन सुकेपछि स्थानीयले देवताको भाकल गरेर पानीको माग्न थालेका छन्। जुम्ला चन्दननाथ नगरपालिका ३ भण्डारीगाउँ महिला पुरुष खडेरीले वालीनाली सुकेको भन्दै वर्षा गराईदिन माग गर्दै चन्दननाथ मन्दिरमा...

नितम्ब प्रत्यारोपण गराउनेहरु अधिकांश गाउँले

काठमाडौं- घुँडाको जोर्नी बिग्रिएर हिँड्न नसक्ने अवस्थाबाट छुटकारा पाउन गरिने प्रत्यारोपण उपचार नेपालमा लोकप्रिय हुँदै गएको छ। यस्तै नितम्बको प्रत्यारोपण गराउनेको सङ्ख्या पनि उत्तिकै बढेको छ।

घरबाट हराएका बच्चा मृत फेला

रौतहट- घरबाट हराएका एक बालकको शव गाउँ नजिकैको पोखरीमा फेला परेको छ। रौतहटको मौलापुर-६ का सियाराम ठाकुरको ५ वर्षे छोरा ललन ठाकुरको शव फेला परेको हो।

घट्टेकुलोमा शौचालयभित्र शव भेटियो

काठमाडौं— काठमाडौं महानगरपालिका–३२ घट्टेकुलोस्थित खाली जग्गामा रहेको शौचालयभित्र शव भेटिएको छ।

२० गुणासम्म बढ्यो ट्राफिक जरिवाना

२० गुणासम्म बढ्यो ट्राफिक जरिवाना

काठमाडौं— सरकारले सडकमा ट्राफिक नियमविपरित सवारी चलाउने र ट्राफिक नियम उल्लंघन गर्ने चालकसँग असुल गर्ने जरिवानाको रकम २० गुणासम्म बढाएको छ। नियम विपरित सवारी चलाउनेलाई न्यून जरिवाना हुँदा दुर्घटना बढ्नुका...

ठमेलमा इटालियनको हत्या गर्ने पक्राउ

काठमाडौं— ठमेलमा इटालियन नागरिकको हत्या गर्ने समूहका दुई जनालाई प्रहरीले २१ वर्षपछि पक्राउ गरेको छ। २०५२ साल असोज २७ गते काठमाडौंको ठमेलस्थित रेगी पवमा इटालियन नागरिक २१ बर्षीय डेभिड क्यारारोको...

घाट पुर्याएको शव प्रहरीले उठाएर परीक्षण गर्न लग्यो

दमक—झापाको गौरादहमा दाहसंस्कारका लागि घाट लगिएको लास प्रहरीले फर्काएर शवपरीक्षण गराएको छ। गौरादह नगरपालिका–२ स्थित बजारमा भाँडा पसल चलाएर बसेका ५४ वर्षे केशव थापाको शव प्रहरीले विहिबार घाटबाट उठाएर शवपरीक्षणपछि...

रङ्गीलादेवीका कारण जनकपुर बन्द

जनकपुरधाम—निलम्बित सांसद सञ्जयकुमार साहकी श्रीमती रङ्गीला देवीलाई प्रहरीले अमानवीय व्यवहार गरेको भन्दै आज जनकपुर बन्द गरिएको छ।