Wednesday 18 Chaitra, 2071 |
Menu

समाज

कालीगण्डकीमा पानी खेर फालियो

  • मङ्गलबार १७ बैशाख, २०७०
  • टेकनारायण भट्टराई
  • DISQUS_COMMENTS
(2 votes)
कालीगण्डकीमा पानी खेर फालियो
स्याङ्जा - विद्युत प्राधिकरण र कालीगण्डकी 'ए’ जलविद्युत केन्द्रबीच तालमेल नहुँदा बिजुली उत्पादन नगरी पानी खेर फाल्ने गरिएको छ।
मुलुकभर लोडसेडिङ कायमै भएको अवस्थामा यही वैशाख ८, ९, ११ र १५ मा बिजुली उत्पादन नगरी पानी खेर फाल्नुपरेको केन्द्रका कर्मचारीले जानकारी दिए।



प्राधिकरण भारप्रेषण केन्द्रका अधिकारीको लापरबाहीका कारण केन्द्रबाट क्षमताभन्दा कम परिमाणमा बिजुली उत्पादन भइरहेको ती कर्मचारीले बताए। भारप्रेषण केन्द्रको आदेश नभएसम्म कुनै पनि आयोजनाले बिजुली उत्पादन थपघट गर्न सक्दैन।
'पानी खेर फाल्दा एक दिनमा २ लाख ५० हजार युनिटसम्म बिजुली खेर गएको छ,’ ती कर्मचारीले भने, 'उत्पादन बढाउन माथिको आदेश नपाएपछि पानी खेर फाल्नुपरेको हो। जनतालाई ढाँट्न पानी नभएर बिजुली उत्पादन भएन भन्छन्, हामीले गेट खोलेर पानी फाल्नुपरेको छ।’
उनका अनुसार फागुनमा पनि ९ लाख युनिट बिजुली उत्पादन क्षमता बराबरको पानी खेर फालिएको थियो। पटकपटक लापरबाही हुँदा लोडसेडिङमात्र नभई प्राधिकरणले करोडौं घाटा सहनुपरेको छ।
भारप्रेषण केन्द्र प्रमुख भुवन क्षेत्रीले हावाहुरीका कारण प्रणालीमा समस्या हुँदा कहिले काहीँ तालमेल नमिलेर पानी खेर फाल्नुपरेको स्वीकार गरे। 'यो लापरबाही हैन प्राविधिक दुर्घटना हो,’ उनले भने, 'तीनवटा उत्पादन युनिटमध्ये एउटा बिग्रिएकाले कालीगण्डकी 'ए’ मा समस्या हुँदै आएको छ।’
कालीगण्डकी 'ए’ को १ सय ४४ मेगावाट उत्पादन क्षमतामध्ये ४८ मेगावाट क्षमताको एउटा मेसिन बिग्रिएका कारण अहिले ९६ मेगावाटमात्रै उत्पादन हुँदै आएको छ। बेलाबेलामा हुने लापरबाहीका कारण यही उत्पादन पनि नियमित हुन सकेको छैन।
भारप्रेषण केन्द्रका अधिकारीको लापरबाहीले पानी खेर गएको भन्दै प्राधिकरण ट्रेड युनियन सम्बद्ध कर्मचारी र स्थानीयवासीले सम्बद्ध अधिकारीलाई पटक–पटक ध्यानाकर्षण गराउँदै आएका छन्।
वर्षा हुने र पानीको बहाव बढ्ने सम्भावनालाई हेर्दै अहिले उत्पादन बढाएर जलाशयको तहलाई घटाई राख्नुपर्नेमा बेवास्ता गरिएको छ। काली गण्डकी ए को मिर्मीस्थित जलाशयको ६ सय २४ मिटर तहलाई घटाएर ६ सय २१/२२ सम्ममा झार्नुपर्नेमा उत्तिकै तहमा राखिएको छ।  
ठूला विद्युत सञ्चालन एवं संभार विभागले फागुन ९ मा भारप्रेषण केन्द्रलाई परिपत्र गरेर पानीको सञ्चयलाई व्यवस्थित गर्न निर्देशन दिएको थियो।
ठूला विद्युत सञ्चालन एवं सम्भार विभागका निर्देशक हितेन्द्र शाक्यले के कारणले पानी खेर फाल्नुपरेको भन्नेबारे खोजि गर्ने बताए। 'जलाशयको अवस्था निरन्तर अध्ययन गरेर कति उत्पादन गर्ने भन्ने योजना बनाउने काम भारप्रेषण केन्द्रको हो,’ शाक्यले नागरिकसँग भने 'उत्पादन क्षमता हुँदाहुँदै कम हुनु राष्ट्रकै लागि घाटा हो,।’

विद्यार्थी कुट्ने शिक्षक पक्राउ

लहान–लहान ८ स्थित जिविस द इलाईट बोर्डिङ स्कुलका विद्यार्थीलाई कुटपिट गर्ने दुईजना शिक्षकलाई प्रहरीले पक्राउ गरेको छ। यो स्कुलमा कक्षा ८ पढ्ने सप्तरी मलहनमाका विद्यार्थी विद्याकान्त यादवलाई कुट्ने स्कुलका प्रिन्सिपल...

पति विदेशमा रहेकी युवतीको शव अर्धनग्न अवस्थामा भेटियो (फोटो भिडियो)

पति विदेशमा रहेकी युवतीको शव अर्धनग्न अवस्थामा भेटियो (फोटो भिडियो)

काठमाण्डौं-राजधानीको धुम्बाराहीस्थित प्रगती टोलमा करिब ३२ वर्षकी एक महिला सडकमा मृत अवस्थामा फेला परेकी छिन्। हत्या गरेर फालिएको हुनसक्ने प्रहरी र स्थानीयले अनुमान गरेका छन्।

काउन्सिल घेर्न गएका विद्यार्थीलाई प्रहरीको डण्डा

काउन्सिल घेर्न गएका विद्यार्थीलाई प्रहरीको डण्डा

काठमाडौं–विभिन्न दश सुत्रीय माग राखेर एघार दिनदेखि अनशनरत डा. गोविन्द केसीको माग पुरा गर्न दबाव दिन मेलिडक काउन्सिलमा तालाबन्दी गर्न गएका चिकित्सा शास्त्र अध्ययन संस्थान महाराजगञ्जका विद्यार्थीमाथि प्रहरीले हस्तक्षेप गरेको...

दार्चुलामा ट्युब पल्टियो, दुईको मुत्यु, एक बेपत्ता

भीमदत्तनगर—दार्चुलाको अति दुर्गम क्षेत्र लाली क्षेत्र महाकाली नदीमा ट्युब पल्टिँदा दुईजनाको मृत्यु भएको छ।

बस ठोक्किएर दुई चिरा, दुईको मृत्यु ३३ घाइते (अपडेट)

विराटनगर-कोसी राजमार्गस्थित मोरङको निमुवामा बुधबार बिहान दुईवटा बस एक आपसमा ठोक्किँदा दुईजना यात्रुको मृत्यु भएको छ। घटनामा कम्तिमा ३३ जना घाइते भएको मोरङ प्रहरीले जनाएको छ।

मुस्ताङमा जर्मन पर्यटकको मृत्यु

मुस्ताङ—लेक लागेर मुस्ताङको मुक्तिनाथ गाविसमा एक जर्मनी पर्यटकको मृत्युभएको छ। मनाङबाट थोराङपास गरी गएका ४६ वर्षीया जुलिया सिवल्टको मृत्यु भएको प्रमुख जिल्ला अधिकारी नरहरि बरालले जानकारी दिए।

१८ वर्षे युवती मृत भेटिइन्

चरिकोट—दोलखाको भुसाफेदा गाविस–६ को जङ्गलमा मङ्गलबार दिउँसो एक युवतीको शव फेला परेको छ। शव १८ वर्षीया लालुमाया तामाङको रहेको स्थानीयले जानकारी दिएका छन्। शव आफ्नै गोठ नजिकैको जङ्गलमा स्थानीयले देखेपछि...

धमाधम समातिँदै सुन–मुद्रा तस्कर

काठमाडौं-हवाई मार्गबाट सुन तस्करी नियन्त्रण गर्न नसकेकोमा आलोचनाको घेरामा परेको विमानस्थल सुरक्षार्थ खटिएको प्रहरी पछिल्लो समय तस्करीको सुन र विदेशी मुद्रा समात्न सक्रिय देखिएको छ।