Wednesday 19 Jestha, 2073 |
Menu

समाज

republica-headerdiscount-subscribe1

istl

हतियारधारी ‘गुण्डा’ले मध्यरात बस्तीमा डोजर चलाए (साथमा फोटो)

(4 votes)
हतियारधारी ‘गुण्डा’ले मध्यरात बस्तीमा डोजर चलाए (साथमा फोटो)
बुटवल- हतियारधारी युवा समूहले डोजर प्रयोग गरी मध्यरातमा बुटवल७ नेपालगञ्जरोडमा नौ घर भत्काएको छ। राति साढे दुई बजे तीन वटा डोजर प्रयोग गरी ती घर भत्काएका हुन्। झण्डै पचास युवाले सडक नियन्त्रणमा लिदै घरघरमा पसेर पेस्तोल देखाउदै सुतिरहेका व्यक्तिहरुलाई ज्यान बचाउने भए बाहिर निस्कन भन्दै धम्क्याएर डोजर चलाएको स्थानीय बासिन्दाको भनाइ छ।
nepali-patro-may
मध्यरातमा फिल्मी शैलीमा चलाएको डोजरले एउटा बनाउँदै गरेको दुई तले पक्की घर र अरु कच्ची टिनले छाएका घर भत्किएका छन्। घटनाबारे जानकारी पाएलगत्तै आएको प्रहरीले घर भत्काउदै गरेका तीन डोजर मध्ये दुईलाई चालकसहित नियन्त्रणमा लिएको छ। एउटा डोजर भागेकाले खोजी भइरहेको इलाका प्रहरी कार्यालय बुटवलका डिएसपी राजकुमार बैदवारले बताए।

मध्यरातमा मस्त सुतिरहेकालाई ढोका हान्दै सडक कार्यालयले डोजर चलाएर घरहरु भत्काउन लागेकाले बाच्ने भए बाहिर निस्केर भाग्न चेतावनी दिएपछि निद्राबाट ब्युझिएको स्थानीय विकासमान जोशीले बताए। उनका अनुसारबाहिर निस्कदा मुखमा मास्क लगाएर हातमा पेस्तोल समाएका युवाको लस्कर थियो। भत्काउदै गर्दा हामीहरु हातमा खुकुरी लिएर निस्कदा उनीहरु भागाभाग गरे,' उनले भने।

घटनाको आधाघण्टामै पुगेको प्रहरीले भाग्दै गरेका दुई डोजरलाई नियन्त्रणमा लिएर थप अनुसन्धान गरिरहेको छ। हतियारधारी युवाको घेरामा मध्यरातमा सर्वसाधारणको घरमा डोजर चलाउनुको कारण नेपालगञ्ज रोडको मूल्यवान जग्गाको स्वामित्वको विषयलाई लिएर भएको हो। जानकारका अनुसार२०३२ सालमा राजमार्ग बनाउँदा जग्गा धनी बीरबहादुर थापाले क्षतिपूर्ति लिए। तर सडकले छाडेको साढे चार धुर जग्गाको क्षतिपूर्ति पाएपनि मालपोतमा उनको स्वामित्व कायमै रहयो। खाली ठाउँभएकाले विभिन्न ठाउबाट आएका व्यक्तिहरु टहरा बनाएर बस्न थाले। समय बित्दै जादा जग्गाको भाउ उर्लियो। यो जग्गामा बीरबहादुरका छोरा थानेश्वर थापाले आँखा गाडे। लालपूर्जामा साढे चार धुर भएपनि अन्य खाली जग्गासमेत गरी दुई कठ्ठाको हाराहारीमा जग्गा भएको स्थानीयको भनाइ छ।basti ma dojar 2

यो जग्गा हात पार्न थानेश्वरले अनेक जुक्ति निकाले। कहिले प्रहरी कार्यालयमा उजुरी दिए त कहिले एमाओवादी नेताको दैलो चहारे। अन्ततः कुनै उपाय नलागेपछि भाडामा युवाहरु लिएर डोजर चलाएको स्थानीयको बुझाई छ। तीन महिना अघि काठमाडौंका डन दिपक मनाङेको समूह घर खाली गराउने जिम्मा लिएर बुटवल आएपनि प्रहरीले बेलैमा सूचना पाएर नियन्त्रणमा लिएको थियो। यसपाली प्रहरीले सूचना पाउन नसक्दा सर्वसाधारणको घरमा डोजर चलेको हो। 

स्थानीय तुलसी न्यौपानेले १२ लाख रुपैयाँमा मणिग्रामको जग्गा बेचेर १० लाख रुपैयाँमा दुई महिना अघि होटल किनेको बताइन्। व्यापार जग्दै थियोमध्यरातमा डोजर चलाएर सम्पत्ति नष्ट भयोउनले भनिन्। घर भत्केर मर्कामा भाडामा बस्दै आएका परेका छन्। ४ लाख रुपैयाँ पेश्की घरभेटीलाई दिएर किराना पसल सुरु गरेका गिरीप्रसाद अर्यालले २० लाखको धनमाल नष्ट भएको बताए। प्रहरीले गुण्डाशैलीमा लगाइएको डोजरबाट भएको क्षति संकलन गर्ने काम भइरहेको जनाएको छ। १ करोडभन्दा बढीको धनमाल क्षति भएको स्थानीयको दाबी छ। लाखौंको सम्पत्ति नष्ट भएपछि क्षतिपूर्ति र शान्तिसुरक्षाको माग गर्दै पीडित सर्वसाधारणले शनिवार बिहान १० बजेसम्म बुटवलमा सडक अवरुद्ध गरेका थिए। प्रमुख जिल्ला अधिकारी बालकृष्ण पन्थीले क्षतिपूर्तिदोषीलाई कारबाही गर्ने र शान्ति सुरक्षाको व्यवस्था गर्ने प्रतिबद्धता जनाएपछि अवरुद्ध सडक खुलेको थियो।

प्रमुख जिल्ला अधिकारी पन्थीले अपराधीलाई कुनै पनि आधारमा उन्मुक्ति नदिइने बताए। समाजमा गुण्डाराजविरुद्ध कारबाही नचाल्ने हो भने भयावह अवस्था आउछ,' उनले भने। 

तीन महिनाअघि दिपक मनाङेको समूह सक्रिय भएपनि अहिले यो समूह हो होइन भन्नेबारे प्रहरीले अनुसन्धान गरिरहेको छ। घटनामा स्थानीय वाइसिएलयुथफोर्स र तरुणदलमा संगठित भएका केही युवाको संग्लग्नता भएको प्रहरी अनुसन्धानले खुलाएको छ। केही दिनमा सबै खुल्छअहिले व्यक्तिबारे केही नभनौं,' इलाका प्रहरी कार्यालय बुटवलका डिएसपी बैदवारले बताए। मध्यरातमा बस्तीमा चलेका डोजर र चालक नियन्त्रणमा लिएकोले प्रहरीले यसलाई दरिलो प्रमाण मानेको छ। अनुसन्धानको लागि यो एउटा दरिलो प्रमाण हो,' डीएसपी बैदवारले भने। पक्राउ परेका डोजर चालक स्थानीय बासिन्दाको ढुंगा प्रहारबाट गम्भीर घाइते भएकाले भरतपुर मेडिकलमा उपचार भइरहेको छ। अर्का चालक कपिल न्यौपानेसहचालक मुक्ति पराजुली र डोजर धनी पोषराज अधिकारी इलाका प्रहरी कार्यालय बुटवलको हिरासतमा छन्। 

प्रतिक्रिया

चट्याङले २ को मृत्यु

विराटनगर–सुनसरी र इलाममा मंगलवार दिउंसो परेको चट्याङले २ जनाको मृत्यु भएको छ। पूर्व क्षेत्र प्रहरी कार्यालय, विराटनगरका अनुसार सुनसरीको नर्सिङ गाविस–८ मा चट्याङले २७ वर्षिय फटी मियाँको घटनास्थलमै मृत्यु भएको...

ग्याङ फाईट गर्ने २१ गुण्डा पक्राउ

काठमाडौं— प्रहरीले केही समयअघि एकआपसमा भिडन तयारी अवस्थामा रहेका २१ जना गुण्डालाई पक्राउ गरेको छ। ललितपुर प्रहरीले सातदोबाटो पौडीपोखरी नजिकबाट दुई समुहमा विभाजन भएर झगडा गरिरहेका २१ जनालाई नियन्त्रणमा लिएका...

हेलीकोप्टरको भाडा तिर्न नसक्दा तनाब

खोटाङ– खोटाङमा महिना दिनअघि परेको चट्याङका कारण घाईते भएका स्थानीयलाई राजधानी लैजानेक्रममा प्रयोग गरिएको हेलीकोप्टरको भाडा तिर्न नसक्दा जिल्ला दैबीप्रकोप उद्धार समितिमा तनाव सिर्जना भएको छ।

सुवेदीलाई बर्खास्त गरिएको होः आरआरएन निर्देशक

काठमाडाैं-कालिकोट रकु–२ निवासी कमल सुवेदीलाई केपी ओली पक्षधर भएकाे अाराेपमा नेपाल ग्रामीण पुननिर्माण संस्था (आरआरएन) नामक संस्थाले जागिरबाट हटाएको भन्ने अरोप निराधार रहेको सो संस्थाका कार्यकारी निर्देशक सर्वराज खड्काले स्पष्ट...

सेनानीको नाममा अक्षय कोष स्थापना

दैलेख–विनासकारी भूकम्पमा परेकाको उद्दारमा अमेरिक सेनाको हेलिकप्टर दुर्घटनामा मृत्यु भएका नेपाली सेनाका सेनानी तपेन्द्र रावलको सम्झनामा अक्षकोष स्थापना गरिएको छ। सेनानी रावल पढेको बसन्त उमावि विद्यालय किमुगाँउमा बुवा बलबहादुर रावलले...

नेशनल मेडिकल कलेजमा राजश्व अनुसन्धानको छापा

वीरगन्ज–वीरगन्ज –१८ भेंडियाहीस्थित नेशनल मेडिकल कलेजमा राजस्व अनुसन्धान कार्यालयले छापामार मारेको छ। सोमबार राजस्व अनुसन्धान विभाग मध्यमाञ्चल एकाइ कार्यालय पथलैयाका अनुसन्धान अधिकृत मनोज रेग्मीको नेतृत्वमा र सशस्त्र प्रहरी बलका अधिकृत...

एक महिनादेखि तीन विद्यार्थी गायव

चितवन-पूर्वी चितवनको कालिका नगरपालिका वडा नं ७ खोलेसिमल बजारस्थित सिद्धिविनायक आवासीय माविमा अध्ययनरत तीन विद्यार्थी एक महिनादेखि हराइरहेका छन् । 

संरक्षण क्षेत्रभित्र भरुवा बन्दुक फेला

दार्चुला–अपी नाम्पा संरक्षण क्षेत्रभित्र एक थान भरुवा बन्दुक फेला परेको छ। सशस्त्र प्रहरी बल सीमा सुरक्षा गुल्मबाट खटिएको विशेष टोलीले खण्डेश्वरी गाविस– १ तालडेरा भकारे भन्ने ठाउँबाट एक थान बन्दुक...