Thursday 13 Jestha, 2073 |
Menu

समाज

republica-headerdiscount-subscribe1

istl

२२ वर्षकी युवतीसँग फकिँदा अपहरणमा

  • शुक्रबार १३ बैशाख, २०७०
  • केपी ढुंगाना
  • Be the first to comment!
(1 Vote)
काठमाडौं– व्यापारी राजेशकुमार अग्रवाललाई अपहरण गरी दुई करोड फिरौती माग्ने समूहका दुई जनालाई महानगरीय प्रहरी अपराध महाशाखाले पक्राउ गरेको छ। जमिल उल्ला र मोहम्मद नसिरुद्दिनलाई प्रहरीले आज महानगरीय आयुक्त कार्यालय रानीपोखरीमा सार्वजनिक गरेको हो।


nepali-patro-may
"चिया लिएर बस्दै गर्नुस् भन्दै युवती बाहिरिइन्। त्यसलगत्तै मास्क लगाएका चार युवक छिरे। उनीहरुसँग कुनै हतियार थिएन। हामीसँग हतियार छैन भनेर भाग्न खोज्लास्, फेरि मर्छस्। हामी गोली हानेर सजिलै मार्ने मान्छे हैनौँ, टुक्राटुक्रा पारेर लाश फाल्छौँ भने। - अपहरित व्यापारी अग्रवाल नागरिकन्युजकर्मीसँग

वैशाख ९ गते कलंकीबाट अपहरणमा परेका अग्रवाललाई प्रहरीले सकुशल अपहरणमुक्त गरी अपहरणमा संलग्न पाँच जना मध्ये दुई जनालाई पक्राउ गरेको हो। अपहरणकारीले अपहरणमुक्त हुन अग्रवालका परिवारसँग दुई करोड फिरौती मागेको थियो। तर फिरौती बुझाउनु अघि नै प्रहरीले बन्धक बनाएर राखेको कीर्तिपुरको एक घरमा हस्तक्षेप गरी बिहीबार बिहान उनलाई मुक्त गरेको  महानगरीय प्रहरी आयुक्त कार्यालयमा आयोजित पत्रकार सम्मेलनमा महाशाखा प्रमुख विजयलाल कायस्थले बताए।

कायस्थका अनुसार अपहरणकारीले महिलाको सहयोग लिई ९ गते बिहान अग्रवाललाई बाबा पेट्रोल पम्प, कलंकीमा बोलाई कीर्तिपुर पुर्‍याई बन्ध बनाई राखेका िथिए। अपहरणमा संलग्न अन्य तीन जना भने फरार छन्। 

दुई फरारको नाम दिनेश र मुबारक भएको खुले पनि अग्रवाललाई फकाउँदै कोठासम्म पुर्‍याएर बन्धक बनाउनमा मुख्य सहयोगी रहेका महिलाको नामसमेत खुल्न सकेको छैन। अपहरणमुक्त अग्रवालका अनुसार अन्दाजी २२/२३ वर्षकी गोलो अनुहार भएकी उनले त्यो दिन क्रिम कलरको कुर्था सलवार लगाएकी थिइन्। २०/२२ दिनदेखि उनले फोन गरेर अति आवश्यक काम छ, भेट्नु पर्‍यो भन्दै आग्रह गरेपछि आफू भेट्न गएको उनले बताए। त्यहाँ पुगेपछि उनले बाटोमा कुरा नगरौँ, नजिकै कोठा छ भन्दै कीर्तिपुरको निर्माणाधीन एक भवनमा लगेर चार जना अपहरणकारीलाई जिम्मा लगाएर हिँडेकी थिइन्। 

निर्माण सामग्रीको व्यापारमा संलग्न अग्रवाल अपहरणमा परेको सूचनापछि अपराध महाशाखाले खोजी सुरु गरेको थियो। 

पक्राउ परेका दुवै अभियुक्त ढुंगागिट्टीसम्बन्धी व्यापारमा संलग्न रहेको र दुवैले अग्रवालको व्यक्तिगत आनीबानी र कमजोरी पहिल्याएर अपहरण गरेको महाशाखाका एसपी प्रद्युम्न कार्कीले बताए। 

प्रतिक्रिया

आरक्ष क्षेत्रबाट घरपालुवा चौपाया तत्काल लान निर्देशन

इटहरी–कोसी टप्पु वन्य जन्तु आरक्ष क्षेत्रका अर्ना, जंगली हात्ती र चित्तलको आहारा संकटमा पर्नबाट जोगाउनका लागि छाडा छाडिएका घरपालुवा चौपाया हटाउने अभियान पुनः थालिएको छ।

मनपरी शुल्क लिने विद्यालयलार्इ कारवाही गर्न ३ दिने अल्टिमेटम

मनपरी शुल्क लिने विद्यालयलार्इ कारवाही गर्न ३ दिने अल्टिमेटम

काठमाडौं– मनपरी शुल्क असुली गर्ने निजी विद्यालयलाई कारवाहीको माग गर्दै १४ विद्यार्थी संगठनले शिक्षामन्त्री गिरिराजमणि पोखरेललाई संयुक्त ज्ञापनपत्र बुझाएका छन्।

सुरक्षाकर्मी राखेर साझा बस सञ्चालन

सुरक्षाकर्मी राखेर साझा बस सञ्चालन

काठमाडौं— यातायात व्यवसायीको चक्का जाममा बिहीबार आधा दिनसम्म बन्द रहेका साझाका बस दिउसोदेखि सञ्चालनमा आएका छन्। सरकारले सुरक्षा उपलब्ध गराएपछि लगनखेल—नारायणगोपाल चोक रुटमा ८ वटा बस सञ्चालनमा आएका हुन्।

आन्दोलनकारीको नियन्त्रणमा एम्बुलेन्स

नेपालगन्ज–यात्रु ओसारेको भन्दै आन्दोलनरत यातायात व्यवसायीले बाँकेको कोहलपुरबाट एउटा एम्बुलेन्स नियन्त्रणमा लिएका छन्।

मनिषाको मृत्यु रहस्यमय, पोष्टमार्टम रोकियो

मनिषाको मृत्यु रहस्यमय, पोष्टमार्टम रोकियो

काठमाडौं–नेपाली राष्ट्रिय फुटबल टोलीका स्ट्राइकर विमल घर्ती मगरकी बहिनी १७ बर्षीया मनिषा घर्ती मगरको मृत्यु रहस्यमय भन्दै पोष्टमार्टमका लागि काठमाडौं ल्याउने तयारी गरिएको छ। पोष्टमार्टमका लागि भन्दै जिल्ला अस्पताल परासीमा...

व्यवसायीको चक्काजाममा साझाका बस चलेनन्

व्यवसायीको चक्काजाममा साझाका बस चलेनन्

काठमाडौं—ट्राफिक नियम र चार वर्षअगाडि आफैँले गरेको प्रतिबद्धताविपरित यातायात व्यवसायीले आह्वान गरेको बिहीबारको चक्काजाममा सरकारी स्वामित्व समेत रहेको साझा यातायातका बस सञ्चालन भएका छैनन्।

बेल्जियम गएका विमल शुक्रबार बिहान काठमाडौं आइपुग्ने

काठमाडौं- राष्ट्रिय फुटबल टोलीका स्ट्राइकर विमल घर्तिमगर शुक्रबार बिहान नेपाल फर्किने भएका छन्। उपचारका लागि बेल्जियम गएका उनी बहिनीको शंकास्पद मृत्युको खबर पाएपछि नेपाल फर्किने भएका हुन्।

नेपाल प्रहरीद्वारा सर्वसाधारणका लागि बस संचालन

काठमाडौं-विभिन्न यातायात मजदुर संघ,संगठन तथा व्यवसायीले गरेको चक्काजामलाई मध्य नजर गर्दै नेपाल प्रहरीले बिहीबार सर्वसाधारणलाई सुविधा दिने उद्देश्यले उपत्यकाका विभिन्न स्थानमा दुई वटा बस संचालन गरेको छ।