Thursday 13 Jestha, 2073 |
Menu

राजनीति

republica-headerdiscount-subscribe1

istl

चुनावमा वैद्यजीसँग सहकार्य हुन सक्छ : दाहाल

  • आइतबार २२ बैशाख, २०७०
  • उपेन्द्र यादव
  • Be the first to comment!
(1 Vote)
बारा- एकीकृत माओवादी अध्यक्ष पुष्पकमल दाहालले संविधानसभा चुनावमा पार्टीबाट अलग्गिएर बनेको मोहन वैद्य नेतृत्वको नेकपा–माओवादीसँग सहकार्य हुन सक्ने खुलासा गरेका छन्। त्यसका लागि पार्टी वार्तामा रहेको उनले खुलाए।


nepali-patro-may
'चार राजनीतिक दलबीच संविधानसभा सदस्य संख्या ४ सय ९० मा सीमित राख्ने सहमति भए पनि मोहन वैद्य र उपेन्द्र यादवका दललाई चुनावमा सहभागी गराउने वातावरण निर्माण गर्न यो संख्या बढाउन सकिन्छ'- दाहाल
'वैद्यजीहरुसँग चुनावमा सहकार्य हुन सक्छ, त्यसबारे पार्टी वार्तामा छ,' पार्टी कार्यक्रममा भाग लिन तराई आएका दाहालले शनिबार सिमरा विमानस्थलमा स्थानीय संवाददातासँग भने, 'चुनावमा सबै दललाई सहभागी गराउन हामी प्रयासरत छौँ।'

वैद्य र उपेन्द्र यादवलगायत दल चुनावमा आउने अवस्थामा संविधानसभा सिट संख्या बढ्न सक्ने पनि दाहालले खुलासा गरे। 'चार राजनीतिक दलबीच संविधानसभा सदस्य संख्या ४ सय ९० मा सीमित राख्ने सहमति भए पनि मोहन वैद्य र उपेन्द्र यादवका दललाई चुनावमा सहभागी गराउने वातावरण निर्माण गर्न यो संख्या बढाउन सकिन्छ,' उनले भने।

प्रधान न्यायाधीश खिलराज रेग्मी नेतृत्वको वर्तमान सरकार संविधानसभा चुनाव गराउन गम्भीर रहेको जनाउँदै दाहालले सरकारलाई पनि त्यसप्रति संवेदनशील पाएको बताए। 'प्रधान न्यायाधीश खिलराज रेग्मी नेतृत्वको सरकार कात्तिक अन्तिम वा मंसिर पहिलो साता अर्को संविधानसभा चुनाव गराउने तयारीमा लागेकाले चुनाव हुन्न भन्ने शंका गर्नु व्यर्थ छ,' दाहालले थपे।

पार्टी उपाध्यक्षद्वय बाबुराम भट्टराई र नारायणकाजी श्रेष्ठलगायत केन्द्रीय नेतासहित आएका दाहालले चुनावमा आफू मधेसबाटै उम्मेदवार बन्ने दोहोर्यालए। 'दुवै उपाध्यक्ष र म स्वयं पनि संविधानसभा चुनाव मधेसकै जिल्लाबाट लड्ने तयारीमा छौं,' उनले भने।

शाहीकालमा जनआन्दोलन दमन गरेको आरोप लागेका पूर्व मुख्य सचिव लोकमानसिंह कार्कीलाई अख्तियार दुरुपयोग अनुसन्धान आयोग प्रमुख बनाउने निर्णय चार राजनीतिक दलका जिम्मेवार नेताको सहमतिमा भएको बताउ"दै त्यसमा व्यक्तिगत रुपमा आफनो नाम जोडिएकोमा उनले आपत्ति जनाए। 'केही दलले अहिले आएर लोकमान सिंहलाई अख्तियार प्रमुख बनाउन प्रचण्डमात्रै लागेको भन्नु बेइमानी हो,' दाहाले प्रस्ट्याए।

प्रतिक्रिया

'सांसदलाई पैसा नदेऊ'

काठमाडौं- संसदीय क्षेत्र विकास कार्यक्रमका नाममा सांसदलाई दिइँदै आएको अर्बौं बजेट दुरुपयोग भएको आरोप लगाउँदै पूर्व अर्थमन्त्रीहरुले आउँदो बजेटमा यस्तो रकम विनियोजन नगर्न सुझाव दिएका छन्। पूर्वअर्थमन्त्री तथा तत्कालीन एमाओवादी...

मोर्चाले प्रधानमन्त्रीलाई जवाफ लेख्ने

काठमाडौं- आन्दोलनरत संयुक्त लोकतान्त्रिक मधेसी मोर्चाले सार्थक वार्ताको वातावरण बनाउन आग्रह गर्दै प्रधानमन्त्री केपी शर्मा ओलीलाई जवाफी पत्र पठाउने भएको छ। बुधबार साँझ मोर्चामा सहभागी तराई मधेस लोकतान्त्रिक पार्टी, सद्भावना...

राष्ट्रसंघमा बालसैनिक मुद्दा

काठमाडौं- संयुक्त राष्ट्रसंघीय मानवअधिकार उच्चायुक्तको कार्यालयमा नेपालमा द्वन्द्वकालमा प्रयोग भएका आठ हजार बालसैनिकको मुद्दा उठेको छ। स्विट्जरल्यान्डको जेनेभामा जारी बाल महासन्धिको 'प्रियोडिक रिभ्यु' मा प्रतिवेदन पेस गर्दै अन्तर्राष्ट्रिय मानवअधिकारवादी संस्था...

बेपत्ता आयोगमा ९५ प्रतिशत उजुरी

काठमाडौं- 'बेपत्ता पारिएका व्यक्तिको छानबिन आयोग' मा द्वन्द्वकालमा भएकामध्ये करिब ९५ प्रतिशत घटनासम्बन्धी उजुरी दर्ता भएको छ। शान्ति मन्त्रालयले सार्वजनिक गरेको तथ्यांकमा १५ सय २० जना राज्य र गैरराज्य पक्षबाट...

सुरक्षा राज्यले नै दिएको हो : भट्टराई

काठमाडौं- पूर्व प्रधानमन्त्री बाबुराम भट्टराईले आफूलाई अनावश्यक सुरक्षाकर्मी राज्यले नै उपलब्ध गराएको दाबी गरेका छन्। बुधबार नागरिकमा समाचार प्रकाशित भएपछि भट्टराईले नमागेको सुविधा राज्यले दिइरहेको जनाएका हुन्।

मैले अनावश्यक सुरक्षाकर्मी लिएको छैनः बाबुराम

मैले अनावश्यक सुरक्षाकर्मी लिएको छैनः बाबुराम

काठमाडौं-नयाँ शक्ति नेपालका संयोजक तथा पूर्वप्रधानमन्त्री डा. बाबुराम भट्टराईले पूर्वप्रधानमन्त्रीको हैसियतमा अनावश्यक सुरक्षाकर्मी नलिएको स्पष्ट पारेका छन्।

अवसरवादीले पार्टी विभाजन गराए: वैद्य

दैलेख–नेकपा क्रान्तिकारी माओवादीका अध्यक्ष मोहन वैद्यले अवसरवादीले आफ्नो पार्टी विभाजन गराएको आरोप लगाएका छन्। रिपोर्टर्स क्लव दैलेखले बुधवार गरेको कार्यक्रमा उक्त आरोप लगाएका हुन्।

माओवादी केन्द्रमा जुम्लाबाटै ६ केन्द्रीय सदस्य

जुम्ला– नेकपा माओवादी केन्द्रमा जुम्लाबाट मात्रै ६ जना केन्द्रीय सदस्य बनेका छन्। यसअघि केन्द्रमा एक जना प्रतिनिधित्व गर्न कठिन हुने गरेकोमा यो पटक माओवादीहरु बीच एकतापछि जुम्लामा मात्रै ६ जना...