Thursday 3 Poush, 2071 |
Menu

अर्थ

पूर्वाञ्चल पर्यटन मेला सुरु

  • २१ बैशाख, २०७०
  • रोहित राई
  • DISQUS_COMMENTS
(0 votes)
धरान – क्षेत्रीय विकासका लागि पर्यटन भन्ने नाराका साथ शुक्रबारदेखि धरानमा तीन दिने दोस्रो पूर्वाञ्चल क्षेत्रीय पर्यटन मेला सुरु भएको छ। पूर्वाञ्चलका पर्यटकीय गन्तव्यहरुको पहिचान तथा प्रर्वद्धन गर्ने उद्देश्यले सुरु भएको मेलाको उद्घाटन सँस्कृति, पर्यटन तथा उड्यनमन्त्री रामकुमार श्रेष्ठले गरे। 

धरानको सभागृहमा भएको मेलामा पूर्वाञ्चलका विभिन्न जिल्लाका पर्यटन व्यवसायीले जानकारीमुलक स्टल राखेका छन्। स्टलमा जिल्लाका पर्यटकीय गन्तव्यको सचित्र जानकारीका साथै विशेष उत्पादन राखिएको छ। मेलामा पूर्वका १६ जिल्लामध्ये खोटाङबाट प्रतिनिधिहरु नआएको स्थानीय आयोजकले जनाएको छ।
मेला उद्घाटन गर्दै सँस्कृति तथा पर्यटनमन्त्री श्रेष्ठले पर्यटन व्यवसायीलाई सहयोग गर्न सरकार तयार रहेको बताए। उनले सरकारले ऐन, कानुन र आवश्यक नीति बनाएर पर्यटन विकासका लागि वातावरण तयार गर्न चाहेको बताए। विज्ञहरुको टिम बनाएर उनीहरुको सुझावका आधारमा पर्यटन विकासमा सरकारले काम गर्न चाहेको उनको धारणा थियो। 'सरकार पर्यटनमैत्री ऐन, कानुन र नीति बनाउन चाहेको छ, तपाईहरुमध्येका विज्ञहरुको एउटा टिम बनाऔं, उहाँहरुको रायको आधारमा सरकार काम गर्न चाहन्छ’–मन्त्री श्रेष्ठले भने।
नेपाल पर्यटन बोर्डमा प्रमुख कार्यकारी अधिकृत नियुक्तिको प्रक्रिया अन्तिम चरणमा रोकिएको प्रति असन्तुष्टी जनाउँदै उनले कोही व्यक्ति वा समुहको दबाबमा सरकारले काम नगर्ने अडान व्यक्त गरे। 'सरकार जो दक्ष छ, उसैलाई जिम्मेवारी दिन चाहन्छ’ उनले भने। बोर्डका निमित्त कार्यकारी अधिकृत सुवास निरौलाले सरकारको भुमिका वातावरण तयार गर्ने एवं सहजीकरण मात्रै भएको उल्लेख गर्दै पर्यटनमा निजी क्षेत्रको अगुवाईमा लगानी भएको बताए।
यस्ता मेलाले विभिन्न जिल्लाका व्यवसायीबीच व्यवसाय वृद्धि गर्न, पहिचान भएको पर्यटकीय गन्तव्यका बारेमा सुचना आदानप्रदान गर्न सघाउ पुग्ने उनले बताए।
पोखरा पर्यटन परिषदका अध्यक्ष सुर्य भुजेलले पर्यटन व्यवसायी अझै जुट्नपर्नेमा जोडदिदै संयुक्त पहल गर्न आग्रह गरेका थिए। धरानलगायत पूर्वको पर्यटन विकासमा पोखराका व्यवसायीहरु सहकार्य गर्न तयार रहेको उनले बताए। 'पोखरामा १ खर्ब बढी लगानी भएको छ, तबमात्र त्यहाँको पर्यटन यो स्तरमा माथि उठेको हो, त्यसैले तपााईहरु पनि आफै जुट्नस्, आफै उठ्नुस् सहयोग गर्न हामी तयार छौं’, उनले भने।
विराट क्षेत्र पर्यटन प्रर्वद्धन समितिका अध्यक्ष भवेश श्रेष्ठले सरकारले विराटनगर विमानस्थलबाट माउण्टेन फ्लाइटको अुनमति दिए पूर्वको पर्यटनमा महत्वपुर्ण टेवा पुग्ने बताए। उनले विराटनगरलाई क्षेत्रीय विमानस्थलमा र धरानमा पहाडी जिल्लाका लागि विमानस्थल बनाउन जरुरी रहेको बताए।
मेलामा पूर्वका बाहेक अन्य जिल्लाका पर्यटनसम्बद्ध व्यवसायीको स्टल र साँस्कृतिक प्रर्दशीन रहने स्थानीय संयोजक महेन्द्र प्रधानले जानकारी दिए। उनका अनुसार शनिबार पर्यटन व्यवासीसँग छलफल हुनेछ।
आठ संस्थान ससर्त निजीकरण

आठ संस्थान ससर्त निजीकरण

काठमाडैं-बन्द अवस्थतामा रहेका आठवटा सार्वजनिक संस्थानलाई सर्त सहित निजिकरण गर्न उद्योग मन्त्रालय सहमत भएको छ। नेपाल सरकारको कम्तीमा ४९ प्रतिशत सेयर हुनेगरी व्यवस्थापन करारमा दिएर उद्योग संचालन गर्न मन्त्रालयले प्रकृया...

६ वर्षपछि निगमले नाफा कमाएर ऋण तिर्‍यो

६ वर्षपछि निगमले नाफा कमाएर ऋण तिर्‍यो

काठमाडौं- झण्डै ६ वर्षपछि नेपाल आयल निगम आफैले नाफा कमाएर इन्डियन आयल कर्पोरेसन र सञ्चय कोषको ऋण तिरेको छ। २०६५ सालमा निगम नाफामा जाँदा ऋण तिरेपछि निरन्तर घाटा बेहोर्दै आएको...

दोस्रो चिनियाँ जहाज बिहीबारबाट पोखरा उड्ने

दोस्रो चिनियाँ जहाज बिहीबारबाट पोखरा उड्ने

काठमाडौं- राष्ट्रिय ध्वजावाहक नेपाल वायुसेवा निगमले चीनबाट अनुदानमा प्राप्त दोस्रो जहाजले बिहीबारबाट नियमित व्यापारिक उडान गर्ने भएको छ। यो जहाजको पहिलो गन्तव्य पोखरा रहेको छ। पोखराका लागि दैनिक दुई उडान...

सुन्तला किसानको गुनासो, पैसा राख्ने ठाउँ छैन

सुन्तला किसानको गुनासो, पैसा राख्ने ठाउँ छैन

दारेचोक-चितवन दारेचोक तोकदाङका किसानले सुन्तला फलाएर पैसा कमाए पनि राख्ने ठाउँ नपाएको गुनासो गरेका छन्। सुन्तला पकेट क्षेत्र अवलोकन गर्न गएको कृषि विज्ञसहितको टोलीसँग स्थानीयले गत वर्ष कमाएको करिब दुई करोड...

१३ वर्षपछि नेपाल बैंक सञ्चालकको जिम्मा

काठमाडौं— नेपाल राष्ट्र बैंकले १३ वर्षपछि देशकै सबैभन्दा पुरानो बैंक यसका सञ्चालकलाई हस्तान्तरण गरेको छ। नेपाल बैंक लिमिटेडको आइतबार सम्पन्न विशेष साधारण सभाले सर्वसाधारण सेयरधनीको तर्फबाट दुईजना सञ्चालक निर्विरोध चयन...

नेपाल युरोपको उड्डयन कालोसूचीबाट हटेन

नेपाल युरोपको उड्डयन कालोसूचीबाट हटेन

काठमाडौं- नेपालको उड्डयन क्षेत्रले युरोपेली आयोगको कालोसूचीबाट बाहिर निस्किन एक वर्षदेखि गरेको प्रयास असफल भएको छ। युरोपेली आयोगले युरोपेली युनियन (इयू) भित्रका देशमा उडान सञ्चालन गर्न निषेध गरिएको 'ईयु हवाई...

अस्थायी हेलिप्याड (एभटर्फ) को परीक्षण

अस्थायी हेलिप्याड (एभटर्फ) को परीक्षण

काठमाडौं- त्रिभुवन अन्तर्राष्ट्रिय विमानस्थलमा एक विदेशी कम्पनीले हेलिकोप्टर अवतरणमा प्रयोग गरिने अस्थायी हेलिप्याड ‘एभटर्फ' को परीक्षण गरिएको छ। डेनमार्कको एभरग्रिन एभिएसन कम्पनीले गत शुक्रबार राख्‍न र झिक्न मिल्ने एभटर्फ हेलिप्याडको...

लगानीका लागि नेपाल 'भर्जिन ल्यान्ड'

लगानीका लागि नेपाल 'भर्जिन ल्यान्ड'

काठमाडौं- प्रधानमन्त्री सुशील कोइरालाले लगानीका लागि नेपाल 'भर्जिन ल्यान्ड' भएको बताएका छन्। निर्माण व्यवसायी महासंघको १७ औं साधारणसभा तथा निर्वाचन कार्यक्रमलाई सम्बोधन गर्दै कोइरालाले नेपालमा लगानीको क्षेत्र व्यापक भएको बताए।