7 Bhadra, 2071 |
Menu

अर्थ

नेप्से ६ महिनायताकै तल

(0 votes)
काठमाडौं - बैंक तथा वित्तीय संस्थाका संस्थापकको १९ प्रतिशत सेयर बिक्री गर्ने बाटो खुला भएपछि सेयर बजार ओरालो लाग्न थालेको छ। साताको अन्तिम दिन बिहीबार नेपाल स्टक एक्सचेन्ज परिसूचक (नेप्से)  ६ महिनायताकै न्यून ५ सय अंक तल (४९२.८४) आएको छ। 

नेपाल धितोपत्र बोर्डले दुई साताअघि संस्थापक सेयरधनीसँग रहेको ७० प्रतिशत सेयर घटाएर ५१ मा झार्ने योजना ल्याएको थियो। यो व्यवस्थाले १९ प्रतिशत सेयर बिक्री गर्न बाटो खुले पछि बजार घट्न थालेको हो। संस्थापकहरुको सेयर बिक्री गर्न दिने व्यवस्थापछि बजारमा सेयर आपूर्ति बढ्ने भन्दै बजार घटेको हो।
'१९ प्रतिशतको प्रभावले बजार घटेको हो,' सेयर ब्रोकर कम्पनी दक्षिणकाली इन्भेस्टमेन्ट एन्ड सेक्युरिटिजका प्रबन्ध सञ्चालक दिनेशराज सापकोटाले भने, 'बोर्डले गरेको व्यवस्था गरेपछि बजारमा एकैचोटी धेरै सेयर आउने मनोविज्ञानले गर्दा लगानीकर्ताले मूल्य घटाएर सेयर बिक्री गरिरहेका छन्।'
धितोपत्र बोर्डले संस्थापक सेयर बिक्री दुई तरिकाबाट गर्न सकिने  व्यवस्था गरेको छ। सेयरधनीले आफूले चाहेको मूल्य तोकेर बोलकबोल वा सेयर ब्रोकरमार्फत बजार मूल्य अनुसार नेप्सेमा बिक्री गर्न पाउने व्यवस्था गरेको छ। नयाँ व्यवस्थाअनुसार बजारमा संस्थापक सेयरको आपूर्ति भइसकेको छैन। तर केही सेयर ब्रोकर र ठूला खेलाडीहरुले आपूर्ति बढेर बजार घट्ने भन्दै साना लगानीकर्ताबाट मूल्य घटाएर सेयर किन्न थालेका छन्।
धितोपत्र बोर्डका अध्यक्ष बाबुराम श्रेष्ठले संस्थापक सेयर एकैचोटी बजारमा आएर समस्या पर्ने भन्ने हल्ला चलाएर सीमित लगानीकर्ताले फाइदा उठाउन खोजेको बताए। 'साधारण सेयर जस्तो संस्थापक सेयर बजारमा सजिलै आउन सक्दैन, प्रक्रिया पुरा गर्नुपर्छ,' उनले भने, 'अहिले १९ प्रतिशतको भय देखाएर केही तत्वहरुले साना लगानीकर्ताको सेयर सस्तोमा किन्न खोजिरहेका छन्।'
राष्ट्र बैंकको व्यवस्था अनुसार २ प्रतिशतभन्दा माथि सेयर बिक्री गर्नु परे नियामकको स्वीकृति लिनु पर्छ। बैंक तथा वित्तीय संस्थाको संस्थापक सेयर पहिले आफ्नै समूहका अन्य सेयरधनीले किन्नु पर्छ। उसले नकिनेको खण्डमा राष्ट्र बैंकको स्वीकृति लिएर बाहिर बिक्री गर्नु पर्ने हुन्छ।
'१९ प्रतिशतका कारणले बजार प्रणालीलाई केही पनि असर पार्दैन,' उनले भने, 'मूल्य घटाएर साना लगानीकर्ताको सेयर किन्नलाई यसको त्रास ठूला लगानीकर्ताले छरिरहेका छन्। साना लगानीकर्ता भ्रममा पर्नु हुँदैन यसको कारणले बजारलाई असर गर्दैन।'
बजारमा १९ प्रतिशतको निर्णय फिर्ता गर्नेसमेत हल्ला चलाइएको छ। राष्ट्र बैंकको सञ्चालक समितिले १९ प्रतिशतको निर्णय फिर्ता लिन बोर्डलाई पत्र लेख्न लागेको छ भन्दै अहिले बजारमा हल्ला फिजाइएको छ। '१९ प्रतिशत सेयर बेच्ने निर्णय फिर्ताको हल्लाले पनि लगानीकर्ता  अन्यौंलमा परेका छन्,' सापकोटाले भने।
तर दुवै नियामकहरुले कुनै पनि हालतमा निर्णय फिर्ता  नहुने जानकारी दिएका छन्। '१९ प्रतिशत हाम्रै सहमतिमा बेच्न दिने निर्णय भएको हो,' राष्ट्र बैंकका प्रवक्ता भास्करमणि ज्ञवालीले नागरिकसँग भने, 'बरु यो कार्यान्वयनमा ढिलाइ भएको हो। अध्ययन गरेर नै निर्णय गरिएकाले फिर्ता हुँदैन।'
१९ प्रतिशत सेयर बजारमा आउने भन्दै लगानीकर्ताले मूल्य घटेर बिक्री गरिरहेका छन्। नेप्से परिसुचक बिहीबार करिब ११ अंकसम्म घटेको थियो। बीचमा हल्का सुधार भएर बजार ७.९२ अंक घटेर बन्द भएको छ। ३ बजे बन्द हुने बजार साढे २ बजेदेखि सामान्य सुधार देखिएको हो।
यही आधा घण्टाको अवधिमा कारोबार रकममा पनि वृद्धि भएको छ। साढे २ बजेसम्म बजारमा साढे डेढ करोडको कारोबार भएको थियो। त्यसपछि बढेर कारोबार रकम ५ करोड ६९ लाख रुपैयाँ पुगेको हो। बिहीबार बजारमा ८४ कम्पनीका १ हजार ४४ वटा कारोबार भएको थियो। अन्तिम दिन १ लाख ७३ हजार ३१२ कित्ता सेयर किनबेच भएको नेप्सेले जनाएको छ।
बोर्डले साढे २ वर्षअघि नै १९ प्रतिशत संस्थापक सेयर सर्वसाधारणमा बिक्री गर्ने निर्णय गरेको थियो। लगानीकर्ताहरुले कारोबारै बन्द गरेर विरोध गरेपछि निर्णय फिर्ता लिइएको थियो। त्यस बेला फिर्ता लिइएको निर्णयलाई सामान्य संशोधन गर्दै बोर्डले फेरी कार्यान्वयनमा ल्याएको हो।
अर्ग्यानिक चियाको दोब्बर मूल्य

अर्ग्यानिक चियाको दोब्बर मूल्य

इलाम -  बहुसंख्यक किसानले प्रतिकिलो २५ रुपैयाँमा चियाको हरियो पत्ती बेचिरहँदा केहीले भने ६० रुपैयाँ हात पारिरहेका छन्। चियाको परिमाण उति नै भए पनि मूल्य दोब्बरभन्दा बढी हुनुको एउटै कारण...

दैवीप्रकोप पीडितलाई एनसेलको २० करोड

दैवीप्रकोप पीडितलाई एनसेलको २० करोड

काठमाडौं- एनसेलले देशका विभिन्न भागमा आएको प्राकृतिक विपत्तिबाट पीडित परिवारका लागि २० करोड रुपैयाँ सहयोग प्रदान गरेको छ। आफ्नो व्यावसायिक सामाजिक दायित्वअन्तर्गत एनसेलले राहत तथा उद्धारका लागि २० करोड रुपैयाँ...

मलेसियाले नेपालबाट घरेलु कामदार लिने

मलेसियाले नेपालबाट घरेलु कामदार लिने

काठमाडौं- नेपाली कामदारको मुख्य श्रम गन्तव्य मलेसियाले घरेलु व्यवस्थापनका लागि पनि नेपाली कामदार लैजाने भएको छ। अहिलेसम्म मलेसियाले निर्माण र उत्पादनमूलक क्षेत्रमा मात्र नेपाली कामदार लिँदै आएको। नेपाल भ्रमणमा रहेका...

५० करोड लगानीमा सांग्रिलाको रिसोर्ट

५० करोड लगानीमा सांग्रिलाको रिसोर्ट

पोखरा-मुलुकको होटल तथा रिसोर्ट सञ्चालक कम्पनी ‘सांग्रिला होटल एन्ड रिसोर्टले कास्कीको बेगनासमा आधा अर्ब रुपैयाँ लगानी गरी एउटा रिसोर्ट सञ्चालन गर्ने भएको छ। सांग्रिलाले हाल राजधानीमा पाँचतारे होटल सांग्रिला र...

चिया कोलकाताको हैकम

चिया कोलकाताको हैकम

श्रीअन्तु (इलाम)-‘कलर र फ्लेभरमा अझै ध्यान दिने, नत्र उताबाट डिमान्ड क्यान्सिल गर्छ,' रोलर मेसिन घुमिरहेको इलाम टी प्रोड्युसर्स प्रालिको कारखानाभित्र भेटिएका प्रोडक्सन म्यानेजर किसन गिरी चिया प्रशोधनमा संलग्न मजदुरलाई भन्दै...

बढी रकम कबोल्ने कतारलाई हजयात्री ठेक्का

बढी रकम कबोल्ने कतारलाई हजयात्री ठेक्का

काठमाडौं-गृह मन्त्रालयले साउदी अरबको मक्कामा हज गर्न जाने मुसलमान तीर्थयात्री लान–ल्याउन अन्तर्राष्ट्रिय वायुसेवा कम्पनीका लागि आह्वान गरेको टेन्डर बढी भाउ तोक्ने वायुसेवाले जितेको छ। सम्बद्ध स्रोतका अनुसार गृहअन्तर्गतको हज कमिटीले खाडी...

नेपालको आन्तरिक उडानमा जेट प्लेन

नेपालको आन्तरिक उडानमा जेट प्लेन

नेपालको नयाँ हवाई कम्पनी सौर्य एयरलाइन्सको पहिलो जहाज आज दिउँसो काठमाडौं‌ अवतरण गर्दैछ। बम्बार्डियर, क्यानाडाद्वारा निर्मित ५४ सिट क्षमताको सिआरजे २०० नेपालमा आन्तरिक उडान भर्ने पहिलो जेट प्लेन हुनेछ।

नाफाजति सबै जीवनलाई

नाफाजति सबै जीवनलाई

पोखरा-एउटा व्यावसायिक कम्पनीले नाफाको कति प्रतिशत सामाजिक उत्तरदायित्व शीर्षकअन्तर्गत समाजसेवामा लगाउँछ?सोच्नुहोला– आधा, एक, साढे एक वा दुई प्रतिशत। प्राय कम्पनीले सामाजिक उत्तरदायित्वमा खर्चने रकम यो भन्दा पनि कम हुन्छ।होइन, पोखराको...