Wednesday 10 Baishak, 2071 |
Menu

अर्थ

बैंकले निक्षेप र कर्जाको ब्याज बढाउन थाले

  • शुक्रबार २० बैशाख, २०७०
  • सुदर्शन सापकोटा
  • DISQUS_COMMENTS
(0 votes)
काठमाडौं - लगानीयोग्य पुँजी (तरलता) अभाव हुन थालेपछि बैंक तथा वित्तीय संस्थालेे निक्षेपको ब्याज बढाउन थालेका छन्। केही बैंकले ऋणको ब्याज पनि वृद्धि गरेका छन्। बैंकहरुले निक्षेपको ब्याज तीन प्रतिशत विन्दु र कर्जाको एक प्रतिशत विन्दुले बढाएका हुन्। निक्षेपको ब्याज बढ्दा उपभोक्तालाई फाइदा हुन्छ भने कर्जाको बढ्दा बैंकबाट सापटी लिएर काम गर्नेको आर्थिक भार बढेर जान्छ।
'तरलता अभावले निक्षेप र कर्जा दुवैको ब्याज दर वृद्धि भइरहेको छ,' मेगा बैंकका प्रमुख कार्यकारी अधिकृत अनिल शाहले बुधबार नागरिकसँग भने, 'नयाँ बजेट आएपछि र आउँदो वर्ष निर्वाचन हुने भए तरलता सहज भएर ब्याज दर घट्ने छ।'
आर्थिक वर्ष सकिन लाग्दा पनि सरकारी विकास खर्च नबढेको, चैतमा करवापत ठूलो रकम सरकारी खातामा जम्मा भएको कारणले बजारमा तरलता अभाव चर्किएर गएको छ। अभावका कारण बैंकहरुको कर्जा–निक्षेप अनुपातसमेत बढ्न थालेपछि यसलाई सहज गर्न ब्याज दर वृद्धि गरिएको हो। 
'अहिले बैंकमा पैसा राख्नेले राम्रो लाभ उठाउन सक्छन्,' शाहले भने, 'ऋण लिने बेला भने अहिले होइन।' उनका अनुसार बजेट आएपछि तरलता सहज भएर ब्याज दर घट्छ। अहिले ऋणको ब्याज बढ्दोक्रममा रहेकाले बैंकबाट पैसा लिन ग्राहकले पर्खिंदा राम्रो हुन्छ। 
अहिले बैंकहरुसँग निक्षेप नै घट्न थालेको छ। पैसा घट्न थालेकाले त्यसलाई आकर्षित गर्न ब्याज बढाउनु परेको हो। बैंकहरुले स्किम नै ल्याएर ब्याज वृद्धि गर्न थालेका छन्। कर्जाको ब्याज बढ्न थालेकाले ऋण लिनेक्रम बन्द भएको छ। दुई सातादेखि बैंकहरुले ऋण लगानी गर्न सकेका छैनन्। 
तीन सातादेखि बैंकहरुको निक्षेप क्रमशः घट्दै गएको छ। ९ खर्ब २७ अर्ब रुपैयाँ पुगेको निक्षेप ९ खर्ब २४ अर्ब हुँदै अहिले ९ खर्ब १९ अर्बमा झरेको छ। कर्जा लगानी दुई सातादेखि ७ खर्ब २३ अर्बमा सीमित भएको छ। निक्षेप घट्ने र कर्जा यथावत रहेकाले बैंकहरुको कर्जा–निक्षेप अनुपात पनि ७८ प्रतिशतमाथि पुगिसकेको छ। 
दुई साताअघिसम्म आठ प्रतिशतहाराहारी रहेको निक्षेपको ब्याज दर अहिले साढे १० प्रतिशत पुगिसकेको छ। बैंकहरुले सोमबारमात्र नेपाल टेलिकमलाई १०.५५ प्रतिशत ब्याज तिरेर २ अर्ब रुपैयाँ लिएका छन्। साना निक्षेपकर्ताबाट पैसा जम्मा हुन समय लाग्ने भएकाले बैंकहरुले बढी ब्याज तिरेर संस्थापक र ठूला निक्षेपकर्तालाई बढी ब्याज दिइरहेका छन्। 
कृषि विकास बैंकले सर्वसाधारणलाई दिनेभन्दा एक प्रतिशत विन्दु बढीले संस्थागत निक्षेपकर्तालाई ब्याज दिने जनाएको छ। बैंकले ठूला निक्षेपकर्तालाई साढे आठ प्रतिशत ब्याज दिने भएको छ।
बैंकहरुले कर्मचारी सञ्चय कोष, नागरिक लगानी कोष, गुठी संस्थान, नेपाल टेलिकम, राष्ट्रिय बिमा संस्थान, नेपाल नागरिक उड्डयन प्राधिकरण, नेपाली सेना, नेपाल प्रहरीलगायत ठूला निक्षेपकर्तालाई बढी ब्याज दिइरहेका छन्। राष्ट्र बैंक, बिमा समिति, बिमा कम्पनीहरु पनि ठूला निक्षेपकर्ता हुन्। 
बैंकहरुको १२/१३ प्रतिशत रहेको कर्जाको ब्याज दर क्रमशः १४/१५ प्रतिशत पुग्न थालेको छ। विकास बैंक तथा फाइनान्स कम्पनीहरुको भने अझ बढी छ। तीन वर्षअघिबाट बढ्न थालेको ब्याज दर गत वर्षदेखि घट्न थालेको थियो। गत वर्ष निक्षेपको ब्याज घटेर अधिकतम ६ प्रतिशत थियो। विशेष कर्जा योजनाहरुका ब्याज दर साढे नौ प्रतिशतसम्म झरेको थियो।
बाख्रापालनमा २३ लाख लगानी

बाख्रापालनमा २३ लाख लगानी

लमजुङ-सूर्यपाल गाविसका एक युवाले २३ लाख रुपैयाँ लगानीमा सुरु गरेको बाख्रापालन व्यवसाय सुरु गरेका छन्। सात वर्ष इजरायल बसे फर्केका सूर्यपाल–९ साहुडिहीका राजेन्द्र श्रेष्ठ यो व्यवसायबाट ‘सन्तोषजनक' आम्दानी लिन थालेको...

अर्को वर्षबाट धान र भटमास मिसन कार्यक्रम

अर्को वर्षबाट धान र भटमास मिसन कार्यक्रम

काठमाडौं-सरकारले आगामी आर्थिक वर्षबाट धान र भटमास मिसन कार्यक्रम सञ्चालन गर्ने भएको छ। यी वस्तुको आयात प्रतिस्थापनको उद्देश्यले कृषि विकास मन्त्रालयले आगामी आर्थिक वर्ष उक्त कार्यक्रम सुरु गर्ने योजना बनाएको...

फर्किन थाले आरोही

फर्किन थाले आरोही

सोलुखुम्बु- विश्वकै सर्वोच्च शिखर सगरमाथामा शुक्रबार बिहान अकस्मात आएको हिमपहिरोमा परी १३ जनाको मृत्यु भएपछि आधारशिविरभन्दा माथि गएका आरोहण दल फर्कन थालेका छन्। हिमपहिरोमा परी शिविर १ मा आरोहीका लागि...

उपभोक्ता ठगीमा सरकारको लाचारी

उपभोक्ता ठगीमा सरकारको लाचारी

काठमाडौं-ब्रान्डेड भन्दै नक्कली सामान खुलेआम बिक्री भइरहे पनि सरकारी निकाय मौन छन्। अनुगमन गर्ने निकायले नक्कली नियन्त्रणमा सक्रियता नदेखाउँदा उपभोक्ताले महँगो मूल्य तिरेर स्वास्थ्यमा प्रतिकुल असर गर्ने सामान किनिरहेका छन्।

घरेलु उद्योगमा महिला उत्साहित

घरेलु उद्योगमा महिला उत्साहित

काठमाडौं-पाँचथर ओयनकी उमाकुमारी गुरुङ काठमाडौं भृकुटीमण्डपमा चलिरहेको राष्ट्रिय औद्योगिक वस्तु तथा प्रविधि प्रदर्शनीमा व्यस्त छिन्। उनले आफ्नो स्टलमा राडीपाखी, कार्पेट, झोलालगायत ऊनबाट बनेका वस्तु राखेकी छन्।

विमानस्थलमा बत्ति गएपछि

विमानस्थलमा बत्ति गएपछि

काठमाडौं-युनाइटेड अरब इमिरेट्स (युएई) को सारजहाँबाट आएको एयर अरेबियाको एउटा जहाज त्रिभुवन अन्तर्राष्ट्रिय विमानस्थल अवतरण गर्ने तयारीमा थियो। ९६ यात्रु बोकेको जहाजलाई चालकदलले अवतरण गराउनै लागेका थिए।

चिनियाँ जहाजले अनुमति पाएन

चिनियाँ जहाजले अनुमति पाएन

काठमाडौं- राष्ट्रिय ध्वजावाहक नेपाल वायुसेवा निगमले चीनबाट नयाँ जहाज ल्याउन १० दिनमात्र बाँकी भए पनि त्यस्तो जहाजलाई नियामक निकाय नागरिक उड्डयन प्राधिकरणले भने हालसम्म अनुमति दिएको छैन।

विद्युत प्राधिकरणबाटै ट्रान्सफर्मर चोरी

विद्युत प्राधिकरणबाटै ट्रान्सफर्मर चोरी

काठमाडौं-नेपाल विद्युत प्राधिकरणका कर्मचारीको मिलेमतोमा क्षेत्रीय कार्यालय, वितरण केन्द्र र शाखा कार्यालयबाटै ट्रान्सफर्मर चोरीका घटना बढ्न थालेका छन्। क्षेत्रीय तथा वितरण केन्द्र प्रमुखको गैरजिम्मेवारपन र प्रभावकारी सुरक्षा एवं अनुगमन नहुँदा...

Our website is protected by DMC Firewall!