Sunday 19 Baishak, 2073 |
Menu

अर्थ

republica-headerdiscount-subscribe1

istl

१० महिनापछि आयल निगमलाई २० करोड नाफा

(1 Vote)
१० महिनापछि आयल निगमलाई २० करोड नाफा
काठमाडौं - अन्तर्राष्ट्रिय बजारमा कच्चा तेलको मूल्य घटेपछि झन्डै १० महिनापछि आयल निगम नाफामा गएको छ। इन्डियन आयल कर्पोरेसन(आइओसी) ले मे १ मा पठाएको मूल्यअनुसार निगमलाई २० करोड नाफा भएको छ। अन्तर्राष्ट्रिय बजारमा ब्रेन्ट कच्चा तेलको मूल्य एक सय डलर हाराहारीमा छ। गत जुलाई (एक महिना) निगमलाई १२ करोड रुपैयाँ नाफा थियो।
nepalipatr-april
नयाँ मूल्यअनुसार निगमलाई पेट्रोलमा १२ रुपैयाँ ८९ पैसा, डिजेलमा ३ रुपैयाँ ४४ पैसा, मट्टितेलमा १५ रुपैयाँ ८३ पैसा र हवाई इन्धनमा २७ रुपैयाँ ९८ पैसा नाफा छ। निगमलाई अहिले ग्यासमा अझै पनि प्रति सिलिन्डर ४ सय ३९ रुपैयाँ ५० पैसा घाटा छ। 
पहिला निगमलाई पेट्रोलमा ९ रुपैयाँ ४२, डिजलमा १ रुपैयाँ ३९ पैसा, मट्टितेलमा १३ रुपैयाँ ७८ पैसा र हवाई इन्धनमा २४ रुपैयाँ ९६ पैसा नाफा थियो। निगमलाई ग्यासमा ५ सय ४ रुपैयाँ २ पैसा घाटा थियो। 
दस महिनासम्म लगातार घाटा बेहोरेर तेल आपूर्ति गर्न सरकारसँग ऋण लिएको निगमलाई यो नाफाले राहत दिएको छ। निगमले अन्तर्राष्ट्रिय बजारअनुसार तत्कालै भने मूल्य नघटाउने जानकारी दिइसकेको छ। यो निर्णयका कारण मूल्य घटेर उपभोक्ताले कुनै राहत पाउने छैनन्। 
'अन्तर्राष्ट्रिय बजारमा तेलको मूल्य घटेर निगम नाफामा गएको हो। नाफामा गए पनि तत्कालै मूल्य भने घट्दैन,' निगमका निमित्त कार्यकारी निर्देशक सुरेशकुमार अग्रवालले बिहीबार नागरिकसँग भने, 'तेलको मूल्य घटाउने होइन स्टक बढाउनेतर्फ लाग्नेछौं।' 
भारतमा भने अन्तर्राष्ट्रिय बजारमा मूल्य घट्नेबित्तिकै पेट्रोल र ग्यासको मूल्य घटाएको छ। निगमले बुधवारदेखि लागु हुने गरी पेट्रोलमा ३ रुपैयाँ भारु र ग्यासमा एक सिलिन्डरमा ५४ रुपैयाँ भारु मूल्य घटाएको छ। भारतले अन्तर्राष्ट्रिय बजारअनुसार मूल्य समायोजन गर्ने स्वचालित मूल्य संयन्त्रको तयारी स्वरुप मूल्य घटाइरहेको छ। भारत सरकारले आइओसीलाई अनुदान दिन्छ। नेपालमा भने निगमलाई अनुदान नदिई ऋण दिने गरेको छ। ऋणको भार पनि उपभोक्तालाई नै बोकाइन्छ। 
तर नेपालमा भने स्वचालित मूल्य संयन्त्र कार्यान्वयनमा ल्याउने भनिए पनि त्यसअनुसार मूल्य घटाउने गरिँदैन। निगमले अन्तर्राष्ट्रिय बजारअनुसार मूल्य घढबढ नगर्दा मूल्य बढेको बेलामा बढाउँदा आम उपभोक्ताले विरोध गर्छन्। 
'अन्तर्राष्ट्रिय बजारमा कच्चा तेलको मूल्य फेरि बढ्ने देखिएको छ। यस्तो अवस्थामा एक महिना पनि नटिक्ने मूल्य घटाउन सकिँदैन,' अग्रवाल भन्छन्, 'योभन्दा स्टक बढाउने हाम्रो अभियान हो।' निगमलले स्टकलाई प्राथमिकता दिएको भनिए पनि तेल ल्याउन भने सकेको छैन। निगमलाई ग्यासबाहेक वस्तुमा अप्रिलमै नाफा थियो। अप्रिल महिनामा निगमले तीन हजार किलोलिटरमात्रै तेलको स्टक बढाउन सकेको छ। 
'अप्रिल महिनामा १ लाख २५ हजार किलोलिटर पेट्रोलियम पदार्थ ल्याएका छौं। तीन हजार स्टक थपेका छौं,' उनले भने, 'यहीअनुसार तेलको स्टक बढाएर अभाव हुन नदिनेतर्फ लाग्नेछौं।'
सात वर्षभित्र सबै रकम चुक्ता गर्ने र त्यसपछिका तीन वर्षमा निश्चित नाफाका लागि राख्ने प्रस्ताव गरेको निगमको दाबी थियो। नेपाल आउने ७० प्रतिशत पेट्रोलियम पदार्थ रक्सौल नाकाबाट आउने भएकाले त्यही पाइपलाइन निर्माण गर्ने अवधारणा १५ वर्ष अघि आएको थियो। पाइपलाइन निर्माणले पेट्रोलियम ढुवानी सस्तो पर्नेछ। पाइपलाइनबाट ल्याउँदा बन्द, हडताल, चुहावट र मिसावटको समस्या हुने छैन। पाइपलाइन बनाउन डेढ अर्ब रुपैयाँ लाग्ने दुई वर्षअघि निगमले गरेको अध्ययनले देखाएको थियो। निगमको विस्तृत सम्भाव्यता अध्ययन (डिपिआर) मा ४१ किलोमिटर लामो यो दुरीमा पाइपलाइन बिछ्याउन उक्त रकम लाग्ने देखिएको थियो। 
पाइपलाइन नेपालतर्फ ३९ किलोमिटर र भारततर्फ दुई किलोमिटर पर्छ। पेट्रोलियम पाइपलाइन संवदेनशील मानिन्छ। डेढ मिटरमात्र तेल पाइप गाड्दा सुरक्षाका दृष्टिकोणले असुरक्षित मानिन्छ।

प्रतिक्रिया

खडेरीले खेतबारी खङ्ग्रङ्ग

खडेरीले खेतबारी खङ्ग्रङ्ग

झापा–बोटले थामिनसक्नु गरी लागेका आँपका चिचिला धमाधम झर्न थालेका छन् । लिचीको हालत पनि उस्तै छ । सधैँ यतिबेला खेतबारीमा हरियै भएर मौलाउने मकैका बोट ओइलाउँदैछन् । चिया बगानमा अरुबेला...

'नेपालको पर्यटन अकासिँदै छ'

'नेपालको पर्यटन अकासिँदै छ'

उपल मजुमदार मुलुकको सबैभन्दा जेठो र पहिलो डिलक्स पाँचतारे होटल सोल्टी क्राउन प्लाजाका महाप्रबन्धक हुन्। उनी दुई दशकदेखि पर्यटन उद्योगमा छन्। विनाशकारी भूकम्प र नाकाबन्दीमा पनि सोल्टीको व्यापारलाई थामेका उनी...

ग्यास उत्खनन्ः पूरा भएन मन्त्रीको प्रतिबद्धता

ग्यास उत्खनन्ः पूरा भएन मन्त्रीको प्रतिबद्धता

दैलेख-एक महिनाभित्र यहाँ रहेको ग्यास र पेट्रोलियम पदार्थ उत्खनन प्रक्रिया थाल्ने मन्त्रीको प्रतिबद्धता पाँच महिना पुग्दा नपुग्दै सेलाएको छ । खनिज भएकै स्थानमा गएर अवलोकन गरेका उद्योगमन्त्री सोमप्रसाद पाण्डेले पत्रकार...

पूर्वाधार बैंक खोल्ने तयारी

पूर्वाधार बैंक खोल्ने तयारी

काठमाडौं–नेपाल राष्ट्र बैंकले 'राष्ट्रिय पूर्वाधार बैंक'लाई अनुमति दिन आवश्यक नीति बनाउन कार्यदल गठन गरेको छ । जलविद्युत, सडक तथा अन्य ठूला पूर्वाधार आयोजनामा लगानी गर्ने उद्देश्यले बैंक गठनको तयारी भइरहेको...

अभावको मौका छोपेर दोब्बर मूल्य

अभावको मौका छोपेर दोब्बर मूल्य

काठमाडौं–सुक्खायामको मौका छोप्दै खानेपानी ट्यांकर व्यवसायीले पानीको मूल्य दोब्बर बढाएका छन् । पानीको हाहाकार बढ्दै जाँदा उपत्यकामा चल्ने खानेपानी ट्यांकरले दोब्बरभन्दा धेरै मूल्य बढाउँदै कालोबजारी गरिरहेका छन्।

टमाटरसँगै उम्रिए, लहराए, फूले अनि फले उनी

टमाटरसँगै उम्रिए, लहराए, फूले अनि फले उनी

सर्लाही– 'पत्रिकामा छापिएका रोजगारीसम्बन्धी प्रत्येक विज्ञापन नछुटाई हेर्थें,' लटरम्म फलिरहेको आफ्नो कृषि फार्मको टमाटर टनेलबाट बाहिर निस्किएपछि दीपेन्द्रले सम्झिए, तीन वर्षअघि काठमाडौंमा भौंतारिँदाको आफ्नो दैनिकी।

चिनियाँ जहाज नेपाल लाने अन्तिम तयारी

चिनियाँ जहाज नेपाल लाने अन्तिम तयारी

सियान (चीन)-नेपालका लागि निर्मित चारवटा जहाज अब छिट्टै नेपाल ल्याइने भएको छ । यसको अन्तिम तयारी भएको चिनियाँ कम्पनीले जनाएको छ। सन् २०१५ को डिसेम्बरमा नै तयार भएका ती जहाज...

लाङटाङ उठाउँदै गाउँले

लाङटाङ उठाउँदै गाउँले

नुवाकोट–गतवर्ष वैशाख १२ को भूकम्पसँगै हिमपहिरो गएको १ वर्ष पुग्नै लाग्यो। भूकम्पसँगै गएको हिमपहिरोले धेरैको घरमात्र पुरिएन, सँगालेर राखेका धेरै सपनाका पहाड भत्किए। धेरैले आफन्त गुमाए, बाँच्ने टुहुरा भए तर...