Tuesday 11 Jestha, 2073 |
Menu

शुक्रबार

republica-headerdiscount-subscribe1

istl

लुटेराको बकितम्

  • मङ्गलबार २५ असार, २०७०
  • विनोदविक्रम केसी
  • Be the first to comment!
(1 Vote)
लुटेराको बकितम्
लुट्नु महानतम् कला हो। यसको जगेर्ना हुनुपर्छ। कलाको जगेर्ना नगर्ने देश असभ्य र जंगली हुन्छ। 

लुट्न पाउनु मानव अधिकार हो। यसको रक्षा हुनुपर्छ। मानव अधिकारको रक्षा नहुने देश बर्बर र आततायी हुन्छ। 

आजसम्मको मानव इतिहास के हो? लुटेराहरूको विजय गाथा र लुटिनेहरूको आर्तनाद! मानव समाजले पूजा गर्ने सिकन्दर र कोलम्बस को हुन्? महान् लुटेरा! बाइबल र वेद के हुन्? लुटशास्त्र!

(सबैभन्दा चलेको फिल्म कुन हो? 'लुट'। )


nepali-patro-may
त्यसैले भन्छु म– लुट्न पाउनुपर्छ। 

यसै पनि देश लुटेराहरूको भूस्वर्ग हो। यो जति लुट्न सजिलो देश अर्काे कुन छ

कसले लुटेको छैन यहाँरातारात उमि्रने आलिशान महलको जगमा के छलुट! नमस्कार र प्रतिष्ठाका जन्मजात हकदार को छन्लुटेरा! मानव जीवनको श्रेष्ठ पुरुषार्थ के होलुट्नु! 

हामीलाई लुट्नबाट रोक्ने कसलेराज्यलेराज्य स्वयम् लुटेराहरूको क्रीडास्थल हो। 

नेताहरूलेती स्वयम् पारंगत लुटेरा हुन्। एक लुटेराले अर्काे लुटेरालाई नलुट् भन्न सक्दैन। प्रश्न व्यावसायिक नैतिकता र मर्यादाको छ।  

कसले रोक्नेकसले छेक्ने हामीलाईपुलिसलेवकिललेन्यायाधीशलेशिक्षकलेपत्रकारलेकविलेलुटमा संलग्न को छैन यहाँ

नेपाली भन्ने जीव बिछट्टै गजबको हुन्छ। लुटिन र लुटाउन सदा तत्पर! हाडछाला टाक्सिएर लौरीपिञ्जर हुँदा पनिबाढीले जायजेथा बढारेर निरीहतम् हुँदा पनि उसँग लुटाउनका लागि सधैँ केही न केही अवश्य बाँकी हुन्छ। त्यसैले भनेको यो देश लुटेराहरूको भूस्वर्ग हो। 

यस देशका लुटेरा यति प्रवीण र छट्टु छन् कि कुनै दिन यस देशमा फूलको सुवास लुटिनेछजूनको शीतलता लुटिनेछपर्वतको उचाइ लुटिनेछनदीको प्रवाह लुटिनेछ। लुटेराहरूको तर्फबाट म ग्यारेन्टी दिनसक्छु। 

जनता भनेको कहिल्यै पूर्ण भोग गर्न नपाउने उपभोक्ता हो। नामै त उप! 

उपभोक्ता यहाँ लुटिइन्छठगिइन्छ। लुटिनु र ठगिनु त उसको नागरिक दायित्व हो। ऊ लुटिएको छर त देशको धुकधुकी चलेको छ। ऊ लुटिएन भने देश निष्प्राण हुन्छ। त्यसैले लुटेराका अधिकार हनन् हुनुहुन्नसीमित हुनुहुन्न। लुटिनेका हकअधिकारका कुरा गर्नु सर्वथा 'वेस्ट अफ टाइमहोसमयको सत्यानाश! संसारको नियमै यस्तो छ। ठूलो माछाले सानो माछा खान्छ। ठूलो माछाको मुखमा पर्नु नै सानो माछाको जीवनको एकमात्र औचित्य हो। त्यसैले त भनेको नि लुट्न पाउनुपर्छ। मत्स्यन्यायमा चल्ने यो संसारको नियमचलनसंस्कार र परम्परालाई कसैले चुनौती दिन्छ भने त्यो मूर्ख हो। त्यसको मूर्खताको औषधि यथाशीघ्र गर्नुपर्छ। विडम्बनायो संसारमा केही मूर्ख छन्। यो देशमा पनि छन्। तिनीहरू लुटिनेप्रति सहानुभूति राख्छन्। अरूलाई लुट्न अस्वीकार गर्छन्। लुटेराहरूको विरोध गर्छन्। इतिहासविरोधी कुरा गर्छन्। तिनलाई कानुनको कठघरामा उभ्याउनुपर्छ। रन्यूनतम सजाय तोक्नुपर्छ– फासी। 

 यस देशका सम्पूर्ण लुटेराहरूको तर्फबाट म फेरि पनि माग गर्छु– लुट्न पाउनुपर्छ। निर्बाधबेफिक्री लुट्न पाउनुपर्छ।  

एक छाक टन्न नखाईपेट मारीमारी एक छेस्को सुन जोड्न खोज्नेलाई लुट्न पाउनुपर्छ। सुनमा पित्तलको 'फ्युजनगर्न पाउनुपर्छ। अन्यथा सडकमा ओर्लिनेछौँ हामी र देशै ठप्प पार्दिनेछौँ। घरमा घुनयुक्त अन्न पनि नहुने गरिब नेपालीले किन लाउनुपर्‍यो शुद्ध सुन?   

हानिकारक जीवाणु भएको दूध बेच्न किन नपाउने हामीलेप्रदूषित पानी बेच्न किन नपाउनेउपभोक्तालाई हामीले जे दिन्छौँउसले हात थापेर लिनुपर्छ। उसले उपभोग गर्न पाइरहेको छत्यही ठूलो कुरो हो। चिजको मूल्य तिर्नुको अर्थ चिजको गुणस्तर/दोषस्तरमा प्रश्न गर्ने अधिकार पाउनु किमार्थ होइन। हामी लुटेराहरूको नियतमा प्रश्न गर्नु हाम्रो मानहानि हो। मानहानि गर्न पाइँदैन भनेर कानुनमा लेखिएकै छ। गर्नेलाई दण्डसजायको व्यवस्था छ। के उपभोक्ता कानुनभन्दा माथि छ

खबरदार! हामीले लुट्न पाएनौँ भनेहाम्रो लुट्ने अधिकारमा कसैले अंकुश लगाउन खोज्छ भने त्यसको मूल्य सिंगो देशले चुकाउनुपर्नेछ। लुटिनेहरूका आन्दोलनमात्र देखेको छ यो देशले। हामी लुटेराहरूको आन्दोलन देखेको छैन। हाम्रो 'सुपर चेतनशीलर विशाल जमातले चाह्यो भने यो इँटाकार देशका एकएक इँट बजाइदिनेछौँ। इतिहास साक्षी छ– यो देशले सदा लुटेराहरूको खिदमत गरेको छ। सदा उनीहरूको पक्षमा रहेको छ यो देश। 

लोकतन्त्र र गणतन्त्र लुटिनेहरूको मात्रै होइन। लुटेराहरूको पनि हो। लोकतन्त्र र गणतन्त्रको भोगचलन आआफ्ना नियत र औकातअनुसार गर्ने हो। अधिकांश नेपाली लुटाएर गर्छन्हामी लुटेर गर्छौं। हामीले के गल्ती गर्‍यौँ?

Leave a comment

सेलिब्रिटी-पत्रकार सम्बन्ध

अभिनेत्री निशा अधिकारीले केही दिनअघि पत्रकारहरूको वर्गीकरण गरिनुपर्छ भन्दै व्यंग्यात्मक स्ट्याटस फेसबुकमा लेखेकी थिइन्। पत्रकारहरूले एक प्लेट मःमःको भरमा समाचार लेख्छन् भन्ने आरोप उनको स्ट्याटसमा मुछिएको छ। उनको व्यंग्यप्रति केही...

शर्मिलाको 'नो कमेन्ट'को चाहना

शर्मिलाको 'नो कमेन्ट'को चाहना

काठमाडौँ, कमलपोखरी स्थायी घर भएकी सुन्दरी शर्मिला थापा दन्तचिकित्सा पढिरहेकी छिन्। पाँच फिट तीन इन्च उचाइ भएकी थापाको जिउडाल बान्की परेको छ। गत वर्ष मिस ई-कलेजमा पार्टिसिपेट भएपछि उनलाई ग्ल्यामरको...

शुक्रबार सम्पादकीय : डरलाग्दो अतीतमोह

जनता आफूले विभिन्न कालखण्डमा गरेका संघर्ष तथा आन्दोलनका उपलब्धि संस्थागत भएको हेर्न चाहिरहेका छन्। तर, राजनीतिक नेतृत्व जनताको शक्तिबाट प्राप्त उपलब्धिलाई रक्षा गरेर अघि बढ्नुको सट्टा ‘नोस्टाल्जिक मुड'मा देखिन्छ। वर्तमानमा...

गाउँदागाउँदै 'इमोसनल' भइन्छ

गाउँदागाउँदै 'इमोसनल' भइन्छ

पन्ध्र वर्षको उमेरमै सोलो एल्बम 'परी' ल्याएर नेपाली संगीत क्षेत्रमा प्रवेश गरेकी रजिना रिमाल अहिले पार्श्वगायिकाका रूपमा स्थापित छिन्। फिल्म र कलेक्सन एल्बममा गरी आठ सयभन्दा बढी गीत गाइसकेकी उनले...

मिस तमुस्यो प्रशिक्षण सुरु

मिस तमुस्यो प्रशिक्षण सुरु

चौथो मिस तमुस्यो नेपाल २०१४ को एक महिने प्रशिक्षण सुरु भएको छ। 'मिस तमुस्योको सान, मौलिक संस्कृतिको पहिचान' भन्ने नाराका साथ यो प्रतियोगिता नेपाल तमू विद्यार्थी छोँज धीँ कास्कीले आयोजना...

जो निरन्तर दौडिरहेछन्

जो निरन्तर दौडिरहेछन्

खेलकुद क्षेत्रमा सुनौलो पहिचान स्थापित भइसकेको नाम हो, वैकुण्ठ मानन्धर। नेपाली म्याराथनका महापुरुष भनेर चिनिने उनले सक्रिय खेलकुद जीवनबाट सन्न्यास लिएकै साढे दुई दशक पुग्न लागिसक्यो। औपचारिक रूपमा खेल जीवन...

सीमा नटेकी बलिउडमा

सीमा नटेकी बलिउडमा

केही दिनअघिमात्रै नेपालबाटै बलिउड फिल्मको घोषणा भएको थियो। उचाइ र अनुहारले बलिउड हिरोइनकै नापनक्सासँग मिल्ने एउटी युवती त्यो फिल्मकी हिरोइनका रूपमा चिनाइएको थियो। बलिउड सपना पालेर नेपाली फिल्ममा लागिरहेका एकसे...

तन्नेरी राजनीतिप्रति किन उदासीन?

तन्नेरी राजनीतिप्रति किन उदासीन?

राजनीतिमा सक्रियहरूले नै देखाउने प्रवृत्तिले यहाँ सबैतिर राजनीतिको आलोचना भइरहेको छ।राजनीतिप्रति तन्नेरीमा वितृष्णा जाग्नुमा केही कारण जिम्मेवार छन्। पहिलो त, राजनीतिक नेतृत्वले क्षमताभन्दा परका ठूलठूला सपना वितरण गर्यो। सपना कार्यान्वयन...