Monday 25 Magh, 2072 |
Menu

republica-headerdiscount-subscribe1

istl

आठ सुनचाँदी पसललाई मुद्दा दायर

(0 votes)
आठ सुनचाँदी पसललाई मुद्दा दायर
काठमाडौं -तौल र गुणस्तरमा उपभोक्ता ठगी गरेको आरोप लागेका उपत्यकाका आठ ठूला सुनचाँदी व्यवसायीविरुद्ध सरकारले मुद्दा दायर गरेको छ। वाणिज्य विभागले आइतबार जिल्ला अदालत काठमाडौंमा मुद्दा दायर गरेको हो।
nepalipatro-nagarik
विभागले गत वैशाख र जेठमा अनुगमन गरेका पसल दोषी भएको भन्दै आठ सुनचाँदी पसलविरुद्ध मुद्दा दायर गरेको हो।
सुनचाँदीका गरगहनामा ठगिएको गुनासो बढेपछि १० सुनचाँदी गरगहना पसलमा अनुगमन गरेको विभागले ८ पसल दोषी पाइएकाले मुद्दा दायर गरेको बताएको छ। विभागले आरबी, तेजमिन, गणपति, न्यु शाक्य, न्यु कुमारी, गीताञ्जली, शालिमार र रिद्धीसिद्धी सुनचाँदी पसलविरुद्ध मुद्धा हालेको हो। यी पसललाई पालैपालो एक महिनाअघि र गत साता मुद्धा हालिएको हो।
विभागका महानिर्देशक नारायणप्रसाद बिडारीका अनुसार १० पसलमा अनुगमन गरी २१ नमुना संकलन गरिएको र त्यसमा ८ पसलका १८ कैफियत पाइएपछि कारबाहीका लागि जिल्ला अदालतमा मुद्दा दायर गरिएको हो। 'आठवटै पसलमा घोषणा गरिएको गुणस्तर र अनुगमन गर्दाको गुणस्तर फरक पाइयो, यो सिधै उपभोक्ता ठग्ने काम हो,' उनले भने, 'त्यही भएर कारबाही गर्न मुद्दा हालेका हौं।' हाल ८ मध्ये ६ पसलको बयान सकिएको र दुईको बयान बाँकी रहेको उनले बताए।
सरकारले सुनचाँदी व्यवसायीलाई पेलेरै जाने रणनीति अपनाएको नेपाल सुनचाँदी व्यवसायी महासंघका अध्यक्ष मणिरत्न शाक्यले बताए। गत महिना आन्दोलनपछिको वार्तामा कार्यदल निर्माण गरी कार्यविधि बनाउने र अन्योल रहेको कानुनमा अहिलेको मुद्दा पनि उठाउने सहमति भएको थियो। तर, विभागले सहमतिविपरीत मुद्दा दायर गरेको उनले दाबी गरे।  
सुनचाँदी व्यवसायीले वैशाखमै अनुगमनको विरोधमा उत्रिएर पसल बन्द गरेका थिए।  त्यसबेला मूल्य एक्कासि सस्तो हुन पुग्दा व्यापारीले कालोबजारी गरेको शंकामा वाणिज्य विभाग, उपभोक्ता अधिकारवादी संस्था र स्थानीय प्रशासनसहितको टोलीले वैशाख ९ मा  तीनवटा पसल अनुगमन गरेको थियो। त्यसको विरोधमा १० गतेदेखि व्यवसायीले पसल बन्द गरेर आन्दोलनमा उत्रिएका थिए। तर, व्यवसायीले अव्यवस्थित अनुगमनको मात्र विरोध गरेको बताउँदै अनुगमन व्यवस्थित बनाउन मापदण्ड निर्धारण गर्नुपर्ने तथा सुनका गरगहनाको गुणस्तर निर्धारण गर्न सरकारले प्रविधि र संयन्त्र तयार गर्नुपर्ने माग गरेका थिए।
२४ क्यारेटको सुन भन्दै कम गुणस्तरको बेचेको, ज्याला बढी लिएको, बिक्री गर्दा जर्ती बढी काट्ने गरेको, ढक तराजु ठिक नभएको भन्दै विभागले व्यवसायीलाई दोषी बनाएको छ। व्यवसायीले अनुगमन मापदण्ड, कारोबार निर्देशिका र व्यवसायीलाई कारबाही नगर्ने मागसहित जेठ अन्तिम सातादेखि ११ दिन पसल बन्द गरेर पुनः आन्दोलनमा उत्रेका थिए।
आन्दोलनपछि असार पहिलो साता सरकार र व्यवसायीबिच अनुगमन मापदण्ड बनाउने र कार्यदलमार्फत कार्यविधि बनाउनेलगायत सम्झौता भएको थियो। त्यसपछि व्यवसायीले आन्दोलन फिर्ता लिएका थिए।
वार्तामा दोषी पसल र व्यवसायीलाई कारबाही नगर्ने कुनै सम्झौता नभएको महानिर्देशक बिडारीले बताए। 'त्यो बेला कारबाहीको विषयमा केही बोलिएको छैन,' उनले भने।  कार्यविधि बनाउने भन्नेमात्र कुरा भएको बताउँदै बिडारीले कसुर गर्नेलाई कारबाही हुने जानकारी दिए।
नेपाल सुनचाँदी तथा रत्न आभूषण महासंघका अध्यक्ष रमेश महर्जनले त्यसबेला कारबाही नगर्ने नै सम्झौता भएको दाबी गरे। लिखित रुपमा अरु कुरा समेटिए पनि मौखिक रुपमा कारबाही नगर्ने, कार्यदललाई कार्यविधि बनाउन सघाउने र त्यसपछिको अनुगमन प्रभावकारी बनाउने सहमति भएको बताए।
'मुद्दा लगाउने विषयमा छलफल गर्ने भनिएको थियो तर, हामी र कार्यदलका संयोजकलाई छलफल गर्ने मौकै नदिई मुद्दा दायर गरियो, यसमा हाम्रो आपत्ति छ,' उनले भने, 'सहमति भएको दुई महिना हुन लाग्दा मुद्दा लगाइयो तर, बाँकी सहमति पूरा गरिएन। यो त सरकारले व्यवसायीलाई अपराधीका रुपमा गरेको व्यवहार हो।'

प्रतिक्रिया

जीवनदियोमा तेल थप्दै बस्नेत

जीवनदियोमा तेल थप्दै बस्नेत

काठमाडौं—  – जब उनी सडकमा बेसहारा बिरामी भेट्छन्, झटपट उठाएर अस्पताल पुर्यारउँछन् र उपचार व्यवस्था मिलाएर नयाँ जीवन दिलाउँछन् ।– जब उनी मदिराले सकिनै लागेका दुव्र्यसनी भेट्छन्, उसलाई जीवनको महत्व बुझाउँछन्...

अख्तियारको 'ब्ल्याकमेलिङ'पछि डिनको राजीनामा

अख्तियारको 'ब्ल्याकमेलिङ'पछि डिनको राजीनामा

काठमाडौं— मेरिट प्रणालीमा आधारित भई ३५ लाख रुपैयाँसम्म शुल्क लिएर मात्र एमबिबिएसमा विद्यार्थी भर्ना गर्नुपर्ने नियम कार्यान्वयन नगराउन आफूमाथि परेको दबाब थेग्न नसकेपछि चिकित्सा शास्त्र अध्ययन संस्थान (आइओएम) का डिन डा....

भारतीयले खुलाए वीरगन्ज नाका

भारतीयले खुलाए वीरगन्ज नाका

वीरगन्ज- भारतीय नाकाबन्दीले अवरुद्ध वीरगन्ज नाका १ सय ३४ दिनपछि शुक्रबारबाट सञ्चालनमा आएको छ। संविधानमा असन्तुष्टि जनाउँदै मधेसी मोर्चाले असोज ७ देखि जारी राखेको धर्ना केही दिनयता खुकुलो भएसँगै शुक्रबार...

राष्ट्रपति भ्रमण : मठमन्दिरदेखि गजल गोष्ठीसम्म

राष्ट्रपति भ्रमण : मठमन्दिरदेखि गजल गोष्ठीसम्म

काठमाडौं- राष्ट्रपति विद्यादेवी भण्डारी एक कार्यक्रममा सहभागी हुन बुधबार काठमाडौंबाट पोखरा पुगिन्। कार्यक्रम थियो– विश्व शान्ति पूजा तथा सालिक अनावरण। कार्यक्रम उद्घाटन १ बजे तय भए पनि एक घन्टाअघिबाटै पोखराका...

गाँजाको जुत्ता, चरेसको सोल

गाँजाको जुत्ता, चरेसको सोल

काठमाडौं- विदेशीमाझ प्रिय गाँजाका बोटको रेसाबाट बनेका खैरा जुत्ता। अनि त्यही जुत्ताको कालो सोल। स्थलमार्गबाट भारत पठाएर त्यहाँबाट समुन्द्री मार्ग हुँदै युरोपेली मुलुक पुर्याखउन तयारी अवस्थामा रहेको जुत्ताको चाङ अहिले...

५० अर्ब लागतमा चाइना टाउन बनाउन चीनको प्रस्ताव

५० अर्ब लागतमा चाइना टाउन बनाउन चीनको प्रस्ताव

काठमाडौं-चीन सरकारले काठमाडौंमा झन्डै ५० अर्ब रुपैयाँ (३ बिलियन युआन) लगानीमा 'चाइन टाउन' निर्माणका लागि अनुमति मागेको छ। सेनजेनको क्षेत्रीय आर्थिक कोअपरेसन एसोसिएसन (एरेक) ले काठमाडौंलाई औद्योगिक सहर बनाउन दुई...

अराजक बन्दै आन्दोलनकारी

अराजक बन्दै आन्दोलनकारी

जनकपुर- संविधान संशोधनपछि सुस्ताएका आन्दोलनकारी नेपाली कांग्रेसको अधिवेशन बिथोल्ने नाममा अराजक प्रदर्शनमा उत्रिएका छन्। संयुक्त लोकतान्त्रिक मधेसी मोर्चा र संघीय समावेशी मधेसी गठबन्धनका कार्यकर्ताले सोमबार छानीछानी कांग्रेस सांसदको घर आगजनी...

निमुखालाई छानो न न्यानो

निमुखालाई छानो न न्यानो

सिन्धुपाल्चोक- बिहानको १० बज्न नपाउँदै सदरमुकाम चौतारास्थित प्रोफेसनल दियालो बैंकअघि लागेको लामो लाइन झन्झन् लम्बिन्छ। डब्लुएफपी (विश्व खाद्य कार्यक्रम) को 'नगदका लागि काम' कार्यक्रम अन्तर्गत ४० दिन काम गरेर उनीहरु...