Wednesday 12 Jestha, 2073 |
Menu

republica-headerdiscount-subscribe1

istl

जहाजको निहुँमा दर्जनौंको विदेश शयर

(0 votes)
जहाजको निहुँमा दर्जनौंको विदेश शयर
काठमाडौं - राष्ट्रिय ध्वजाबाहक नेपाल वायुसेवा निगमको सिंगापुरमा मर्मत भइरहेको एउटा जहाज लिन जाने 'निहुँ' मा ५० जनाजति कर्मचारीले विदेश शयर गरेका छन्।
nepali-patro-may

ती कर्मचारीको विदेश शयरका लागि निगम व्यवस्थापनले झन्डै ५० लाख रुपैयाँ बेहोर्नुपरेको छ। जहाज लिन जाने भनेर काठमाडौं–सिंगापुर ओहोरदोहोर गर्ने ती कर्मचारीले अहिलेसम्म जहाज भने ल्याउन सकेका छैनन्।
'यसरी गएका कर्मचारीको काम मजाले विदेश घुम्ने र भत्ता पचाउनेमात्र हो,' निगमका एक अधिकारीले बुधबार नागरिकसँग भने, 'नत्र एउटा जहाज लान र ल्याउन त्यत्रो लावालश्कर किन जानुपर्‍यो? यो पनि अनियमितताको गतिलो उदाहरण हो।'
जहाज अभावमा पर्याप्त आम्दानी गर्न नसकेको निगमका लागि यस्तै 'अनियमितता' र फजुल खर्चले पनि थिलथिलो पार्दै आएको सम्बद्ध अधिकारी नै बताउँछन्। मर्मत गरेपछि जहाज लिन चालक दल र इन्जिनियरमात्र गए पुग्ने भए पनि वर्षौंदेखि हुलका हुल कर्मचारी जाने गरेको ती अधिकारीले बताए।
उनका अनुसार गत जेठ ३१ मा नियमित मर्मत (सि–चेक) का लागि सिंगापुरको 'सिंगापुर टेक्नोलोजिज एरोस्पेस' कम्पनी गएको निगमको बोइङ ७५७ ९एन एसिए जहाज लिन ती ५० कर्मचारी पुगिसकेका छन्। जहाज लिएर गएका निगमका इन्जिनियर राजेश श्रेष्ठ अहिलेसम्म फर्केका छैनन्, ४१ दिनदेखि सिंगापुरमै छन्।
असार २६ मा मर्मत सकेर जहाज काठमाडौं आउनुपर्ने तालिका भए पनि समयमै मर्मत खर्च नपठाएको र अन्य प्राविधिक कारण साउन ६ मा मात्र जहाज आउने जानकारी गराइएको थियो। सिंगापुरमै रहेका इन्जिनियर श्रेष्ठले साउन ६ मा जहाज उड्छ भन्ने खबर गरेपछि त्यो जहाज लिन चालक दलसहित एक हुल कर्मचारी असार २८ मै त्यता लागेका थिए।
निगमका इन्जिनियरिङ, अपरेसन र क्वालिटी एस्योरेन्स विभाग तथा उड्डयन क्षेत्रको नियामक निकाय नेपाल नागरिक उड्डयन प्राधिकरणका कर्मचारी उक्त टोलीमा सहभागी थिए। उनीहरू एक साताभन्दा बढी सिंगापुर बसे पनि जहाज तोकिएको मितिमा नआउने भनेपछि फर्किएको सम्बद्ध स्रोतले जानकारी दियो।
स्रोतका अनुसार साउन ६ मा जहाज नआउने निश्चित भएको थियो। त्यसपछि उक्त टोली फिर्ता भएलगत्तै अर्को टोली साउन ११ मा जहाज आउने भनेर लिन गयो। यो टोली भने अझै फर्र्किएको छैन। जहाज लिनजाने यो टोलीमा क्याप्टेनहरू श्यामकृष्ण धेवाजु, रवीन्द्रपुरुष ढकाल र श्रवण रिजाल पनि छन्। उनीहरूले त्यो जहाज उडाएर ल्याउन गएका हुन्। 'तर, अहिले फेरि साउन ११ मा जहाज नआउने खबर आएको छ,' स्रोतले भन्यो, 'अब अर्को टोली पनि जान बेर छैन। मर्मत गरिएको एउटा जहाज लिन जाने निहुँमा दर्जनौं कर्मचारीलाई विदेश भ्रमण गराउनु भनेको व्यवस्थापनले नै अनियमितता गर्न छुट दिनु हो।'
सम्बद्ध अधिकारीका अनुसार त्यसरी जाने टोलीका सदस्यलाई होटलमा बास, खाना, भत्ताको व्यवस्था निगमले गर्नुपर्छ। जहाज ल्याउने पाइलट र इन्जिनियरलाई भने पाँचतारे होटलमा बास र खाना सुविधा दिनुपर्छ। क्याप्टेनले दैनिक १ सय २५ अमेरिकी डलर (११ हजार ८ सय ७५ रुपैयाँ)भत्ता पाउँछन्। खाना भत्ताबापत थप ४५ डलर (४ जहार २ सय ७५ रुपैयाँ) पनि पाउँछन्। 'उडान भएका बेला चालक दलले भत्ता पाउनु स्वाभाविक हो,' ती अधिकारीले भने, 'तर जहाज नआउने भएपछि जति दिन बस्यो, त्यति नै दिनको भत्ता नैतिकताका आधारमा नलिनुपर्ने हो।'
स्रोतका अनुसार निगमका इन्जिनियर सिंगापुर गए पनि जहाज छुन पाउँदैनन्, परैबाट हेर्नेमात्र हो। इन्जिनियरको काम सम्बद्ध मर्मत कम्पनीले जे कागजपत्र दिन्छ, त्यसैमा हस्ताक्षर गरी प्रमाणित गर्नेमात्रै हो। 'सिंगापुरे कम्पनीले जहाजमा कुन कम्पनीको कति मूल्यको सामान जडान गर्‍यो, मर्मत खर्च, मजदुर ज्याला कसरी लियो भन्ने नै हेर्न पाउँदैनन्,' स्रोतले दाबीका साथ भन्यो, 'अन्य वायुसेवाको भन्दा मर्मत खर्च बढी लाग्नुको कारण यो पनि हो। अरू वायुसेवाले एक–एक बुँदा हेर्ने गरेका छन्।'
केही पनि हेर्न नपाउने भएपछि सवा महिनादेखि इन्जिनियर श्रेष्ठ सिंगापुर बस्नुको तुक नभएको स्रोतले बतायो। उनको भत्ता पनि लगभग क्याप्टेन सरह नै हुन्छ। उनले त्यति लामो अवधिमा त्यहाँ के गरे भन्ने व्यवस्थापनलाई कुनै जानकारी नभएको स्रोतको भनाइ छ।
स्रोतका अनुसार सिंगापुरमा रहेको जहाजका लागि निगमले मर्मत खर्चवापत २६ लाख डलर (२४ करोड ७० लाख रुपैयाँ) तिर्नुपर्ने भएको छ। सुरुमा १९ लाख डलर र त्यसपछि थप ७ लाख डलर खर्च लागेको निगमले जनाएको छ।
'मर्मत गर्न जाँदा र काम भएपछि फिर्ता ल्याउन कर्मचारी जानु नियमित प्रक्रिया हो,' निगमका कर्पोरेट डाइरेक्टर तथा प्रवक्ता गणेशबहादुर चन्दले भने, 'ठूलो कुरा होइन।' प्राविधिक कारण साउन १७ गतेमात्र जहाज सिंगापुरबाट काठमाडौं आउने जानकारी आएको उनले बताए।

प्रतिक्रिया

चुरेमा फेरि विनाशलीला

चुरेमा फेरि विनाशलीला

काठमाडौं-प्रधानमन्त्री केपी शर्मा ओलीले वातावरण प्रभाव मूल्यांकन (इआइए) व्यवस्था खारेज गरेलगत्तै चुरे क्षेत्रमा फेरि विनाशलीला सुरु भएको छ। जिल्ला विकास समितिकै अनुमतिमा चुरेका संवेदनशील क्षेत्रमा अत्यधिक परिमाणमा उत्खनन भइरहेको तथ्य...

बलात्कृतलाई निरन्तर 'पीडा'

बलात्कृतलाई निरन्तर 'पीडा'

दोलखा- मेलुङकी १४ वर्षीया किशोरी गत माघको एक साँझ गाउँकै एउटा विवाह भोजबाट घर फर्कदै थिइन्। पाँचजना केटाले उनलाई घेरा हाली कुलोछेउको गहुँबारीमा लगेर जबर्जस्ती गरे। अर्धचेत उनलाई त्यहीँ छाडेर...

दाइजो नदिँदा छोरी 'गायब'

दाइजो नदिँदा छोरी 'गायब'

वीरगन्ज- दाइजोको माग आफूहरुले पूरा गर्न नसकेपछि छोरीलाई बिहेको पाँच वर्षपछि उसका ससुराल पक्षले गायब पारेेको भन्दै पर्सा, घोडदौरा पिपराकी चम्पा देवी प्रहरीकहाँ धाउन थालेको वर्ष पुग्न लागेको छ। लिखित जाहेरी...

यौन जिज्ञासा मेट्न बलात्कार

यौन जिज्ञासा मेट्न बलात्कार

काठमाडौं- राजधानीका बाह्रवर्षे एक बालकलाई जब वयश्क छिमेकीले मोबाइलमा अश्लील सिनेमा देखाए, उनको बालमस्तिष्कमा त्यसको गहिरो छाप पर्योर। त्यसले उनको मस्तिष्कमा जन्मिएको जिज्ञासाले अन्ततः जघन्य अपराधतिर डोहोर्यायो।

नेपाललाई प्राज्ञिक केन्द्र बनाउने उद्‍घोष

नेपाललाई प्राज्ञिक केन्द्र बनाउने उद्‍घोष

लुम्बिनी- राष्ट्रपति विद्यादेवी भण्डारीले लुम्बिनी गुरुयोजना छिटो सम्पन्न गरेर समग्र लुम्बिनीक्षेत्र विकासमा अघि बढ्न सरकारलाई आग्रह गरेकी छन्। बुद्धसँग जोडिएका रूपन्देही, कपिलवस्तु र नवलपरासीका ऐतिहासिक संरचना संरक्षण गर्दै अन्तर्राष्ट्रिय स्तरको...

बुद्धका शान्ति सूत्र

बुद्धका शान्ति सूत्र

बुद्धको जीवनकालमा कोशान्वीको संघमा एक भयंकर विवाद उत्पन्न भयो। त्यो विवादको कारण त्यति ठूलो थिएन। वास्तवमा संसारका सारा विवादको बीज सानै हुन्छ। त्यसलाई व्यक्तिगत अहंकार र अस्मिताले बढाउँदै लैजान्छ, त्यो...

कालिकोटमा भीषण पहिरो, चारको मृत्यु, तीन बेपत्ता (अपडेट)

कालिकोटमा भीषण पहिरो, चारको मृत्यु, तीन बेपत्ता (अपडेट)

कालिकोट- कोटवाडा-६ स्थित लालीघाट बजारमा बाढीपहिरो आउँदा चार जनानको मृत्यु भएको छ। प्रहरी निरिक्षक टेक जोराका अनुसार मृत्यु हुनेमा स्युना-२ निवासी धनमती टमट्टा, स्युयना-५ का हीरा तिरुवा, धौलागोहका लक्ष्मण भण्डारी...

माओवादीमा विभाजनको शृंखला

माओवादीमा विभाजनको शृंखला

काठमाडौं- सशस्त्र द्वन्द्वबाट शान्तिप्रक्रियामा आउँदा ३५ सदस्यीय रहेको माओवादी केन्द्रीय कमिटी नेकपा (माओवादी) केन्द्रको नाममा एकीकरणपछि ६ सय ९९ सदस्यीय पुगेको छ। बिहीबार औपचारिक रूपमा एकीकृत दसवटै पार्टी र समूह...