Tuesday 7 Ashwin, 2071 |
Menu

softworica

भ्वाइस मेलमा मौसमी सन्देश

(0 votes)
भ्वाइस मेलमा मौसमी सन्देश
काठमाडौं - घर या कार्यालयबाट कतै निस्कँदै हुनुहुन्छ? पानी परिहाल्ने पो हो कि? चिन्ता नलिनुस्, आउँदो २४ घन्टा मौसमले कस्तो रूप लिनेछ, अब फोनबाटै सन्देश पाउनुहुनेछ। मौसम विज्ञान विभागअन्तर्गत मौसम पूर्वानुमान महाशाखाले सबैको चासो मौसमी अदलीबदलीलाई भ्वाइस मेलमार्फत सूचित गर्ने व्यवस्था गरेको हो।
'नमस्कार! जल तथा मौसम विज्ञान विभागअन्तर्गतको मौसम पूर्वानुमान महाशाखाको दैनिक साँझको बुलेटिनमा यहाँलाई स्वागत छ, आज २०७० जेठ २० गते बुधबार गत २४ घन्टाको मौसमी विवरण ...,' तीन दिनअघि सुरु यो सेवामा अघिल्लो २४ घन्टाको मौसमी विवरण र पछिल्लो २४ घन्टाको पूर्वानुमानको सन्देश प्रदान गरिन्छ।
'भ्वाइस मेलका लागि तपाईंले १६१८०७०७३३३३३ नम्बर डायल गर्नुपर्नेछ', महाशाखाका प्रमुख सुमनकुमार रेग्मीले नागरिकसँग भने। 
उनले मौसमको अवस्था सर्वसाधारणको दिनचर्यासँग जोडिएकाले भ्वाइस मेल सेवा प्राथमिकतासाथ सुरु गरिएको जानकारी दिए। 'पछिल्लो समय झन् चासो बढेको पाएर हामीले यो सेवा सुरु गरेका हौं,' रेग्मीले भने। 
मौसम विवरणका लागि उल्लिखित नम्बर डायल गर्दा उपभोक्ताको प्रतिसन्देश एक रुपैयाँ खर्च हुन्छ।
भ्वाइस मेलमा पाँच प्रकारका मौसमी विवरण समेटिएका छन। बितेको २४ घन्टामा देशभर कहाँ, के भयो? दिनभरको अवस्था कस्तो रह्यो? अबको २४ घन्टाभित्र कहाँ, के हुँदैछजस्ता। 
'यो मनसुन भित्रिने समय पनि हो,' रेग्मीले जानकारी दिए, 'यसमा मनसुन के हो, कसरी भित्रिन्छ, यसको अवस्था कस्तो छ भन्ने जिज्ञासा पनि मेट्ने प्रयास गरेका छौं।' मौसमविद रेग्मीका अनुसार देशका कुन–कुन ठाउँमा वर्षा हुँदैछ, कहा–कहाँ बादल लागिरहेको छ? कहा खडेरी पर्ने सम्भावना छ, मौसमको विकास कसरी भइरहेको छ भन्नेजस्ता विवरण फोनमै सुन्न सकिन्छ।
'यस्तो भयो भन्ने विवरण त आउँछ नै, किन र कसरी भन्ने कौतुहल पनि मेट्ने प्रयास हो यो,' उनले भने, 'कारणसहितको विवरण दिनुपर्छ भन्ने हाम्रो मान्यता हो। साधनस्रोतले भ्याएसम्म मौसमको सम्भावना भरपर्दो बनाउने प्रयास गरिरहेका छौं।'
सेवा भर्खरै सुरु गरिएकाले सर्वसाधारणबाट सुझावको अपेक्षा गरेको जनाउँदै उनले प्राप्त सुझाव विवरणमा समेटिने प्रतिबद्धता जनाए। 
भ्वाइस मेलको मौसमी विवरण हरेक दिन साँझ ६ः३० बजे आद्यवधिक गरिन्छ। तर मौसम तत्काल वा एक्कासि कुनै फेरबदल भए कुनै पनि बेला विवरण अपडेट गर्न सकिने रेग्मीले बताए। यो विवरण महाशाखाले आफ्नो वेभसाइट डब्लुडब्लुडब्लु डटएमएफडी डटजीओभी डटएनपीमा पनि राख्दै आएको छ।
यी सबै काम त्रिभुवन अन्तर्राष्ट्रिय विमानस्थल परिसरमा रहेको महाशाखामा कार्यरत मौसमविद समूहले गर्छ। 
कार्यालयका अनुसार उक्त समूहले भू–उपग्रहबाट प्राप्त तस्बिर, नेपालका विभिन्न स्थानमा भएका १५ वटा मौसमकेन्द्रबाट ३/३ घन्टामा प्राप्त तथ्यांक, विश्व जलवायु संगठनको सञ्जालबाट प्राप्त तथ्यांकसमेत विश्लेषण गरेर त्यसको निचोड भ्वाइस मेल र वेभसाइटमा राख्छ।
'पृथ्वीको सतहदेखि १६ किलोमिटर माथिसम्मका विभिन्न स्ट्यान्डर्सका तथ्यांक लिने गरेका छौं,' रेग्मीले भने। उनका अनुसार युरोपेली र चिनियाँ भू–उपग्रहबाट प्राप्त तस्बिर पनि हेरिन्छ। महाशाखासँग यस्ता तस्बिर सिधै लिन सक्ने प्रविधिसमेत छ।
सहना प्रधानः दोस्रो विश्वयुद्धदेखि जनआन्दोलन–२ सम्म

सहना प्रधानः दोस्रो विश्वयुद्धदेखि जनआन्दोलन–२ सम्म

काठमाडौं—नेपाल कम्युनिष्ट पार्टीका महासचिव पुष्पलालसँग सम्बन्ध जोडिनु अघि उनले काठमाडौंमा राणाविरुद्ध आन्दोलन सुरु गरिसकेकी थिइन्। बाल्यकालदेखि नै उनको समग्र जीवन राजनीति वरिपरि बित्यो। उनै साहना प्रधानको मस्तिष्कघात र छातीको सङ्क्रमणका...

बढ्दैछन् आँखाको ज्योति दिनेहरू

बढ्दैछन् आँखाको ज्योति दिनेहरू

काठमाडौं- आँखाको कर्निया (आँखाको नानीको झिल्ली) संकलनमा  ठूला अस्पताल सक्रिय बनेपछि एक वर्षमै दोब्बर जम्मा भएको छ।

चिनियाँ राष्ट्रपति सी नेपाल किन आएनन्?

चिनियाँ राष्ट्रपति सी नेपाल किन आएनन्?

नयाँ दिल्ली (भारत)- दक्षिण एसियालाई फन्को मार्दा चिनियाँ राष्ट्रपति सी जिनपिङ काठमाडौं उत्रेनन्, तर उनले क्षेत्रीय भूराजनीतिमा नेपाललाई जोड्न छाडेनन्। छिमेकी देशसँगको सम्बन्धलाई प्राथमिकतामा राखेका राष्ट्रपति जिनपिङ पहिलो क्षेत्रीय भ्रमणमा...

माङ्खाका त्रिपालभित्र दसैं छिर्दैन

माङ्खाका त्रिपालभित्र दसैं छिर्दैन

माङ्खा (सिन्धुपाल्चोक)-‘दसैं आयो, दसैं आयो!,' छेउमा खेलिरहेकी सानी छोरी डोल्मा दगुर्दै आएर सोमबहादुर तामाङको काँधमा झुन्डिइन् र लाडिँदै भनिन्, ‘आप्पा, मलाई के किनिदिने?' अचानक सोमबहादुरका आँखा टिल्पिलाए। भित्र कतै लुकाएको...

अक्टोबर फेष्टमा रमाउदै म्युनिख

अक्टोबर फेष्टमा रमाउदै म्युनिख

म्युनिख- विश्वको ठूलो लोकपर्वको रूपमा मानिने अक्टोबर फेष्ट शनिबारदेखि जर्मनको म्युनिखमा सुरू भएको छ। अक्टोबर फेष्टमा सहभागि हुन विश्वभरका विभिन्न भागबाट ६५ ंलाख मानिस म्युनिखमा जम्मा भएका छन्।

घुम्दैछन् नेपाली

घुम्दैछन् नेपाली

काठमाडौं– संसारभर आन्तरिक पर्यटकलाई नै दिगो पर्यटनको आधार मानिन्छ। वर्षौंदेखि पर्यटन गन्तव्यका रूपमा आफूलाई चिनाउँदै आएको नेपालमा भने यो अवधारणा ‘क्रसरोड' मा छ। पुरानो पुस्ता घुमफिरमा खर्च गर्न मन पराउँदैन,...

कहाँ हराउँछ राहदानी?

कहाँ हराउँछ राहदानी?

इलाम- 'राहदानी हराएको सूचना छाप्न कति रुपैयाँ लाग्छ?' सञ्चारकर्मीलाई फोन र भेटमा जनसाधारणले सोधिरहने एउटा प्रश्न हो, 'अलि सस्तोमा मिलाउन सकिँदैन?' गृह मन्त्रालयले 'स्थानीय पत्रिका'मै प्रकाशित गर्दा हुने प्रावधान राखे...

दसैं खर्च साढे आठ सय!

दसैं खर्च साढे आठ सय!

दाङ- ‘तपाईंहरु चिन्ता नगर्नुस्, आफ्नै घरमा मिठो–मसिनो खाएर दसैं मनाउन पाउनुहुनेछ,' वाणिज्य तथा आपूर्तिमन्त्री सुनिलबहादुर थापाले यहाँका बाढीपीडितको घाउमा मल्हम लगाउन दिएको आश्वासन हो यो।