Sunday 19 Baishak, 2073 |
Menu

republica-headerdiscount-subscribe1

istl

ग्यास ढुवानीमा मिलेमतो, टेन्डरमा सबैको एउटै भाउ

(0 votes)
ग्यास ढुवानीमा मिलेमतो, टेन्डरमा सबैको एउटै भाउ
काठमाडौं - ग्यास उद्योगी र ढुवानी व्यवसायीले 'मिलेमतो' मा ढुवानी टेन्डरमा एउटै भाडा दर प्रस्ताव गरेका छन्। आयल निगमले आह्वान गरेको टेन्डरमा छानिएका १३ कम्पनीले अहिलेको भन्दा बढी तोकेर एउटै भाडा दर हालेका हुन्। टेन्डर हाल्ने अन्तिम दिन बुधबार सबै कम्पनीले एकैपटक गएर निगममा प्रस्ताव हालेका थिए।
nepalipatr-april
निगमले बुधबार टेन्डर खोल्दा सबै कम्पनीले एउटै दर प्रस्ताव गरेको खुलेको हो। एउटै दर परेपछि वाणिज्य मन्त्रालयले टेन्डर रद्द गर्ने भएको छ। 'मिलेमतोमा टेन्डर हालेको पाइएको छ। यो रद्द हुन्छ,' वाणिज्य मन्त्रालयका सचिव लालमणि जोशीले नागरिकसँग भने, 'हामी फेरि प्रक्रिया मिलाएर टेन्डर आह्वान गर्छांै।' ग्यास टेन्डरमा सहभागी सबै भारतीय ढुवानी व्यवसायी हुन्। स्रोतका अनुसार नेपाल एलपी ग्यास संघका अध्यक्ष शिवप्रसाद घिमिरेलगायत उद्योगीले ढुवानी प्रतिस्पर्धा असफल बनाउन सबै कम्पनीलाई एउटै मूल्य हाल्न दबाब दिएका थिए। सबै व्यवसायीलाई होटल सोल्टीमा बोलाएर फरक/फरक भाडा दर प्रस्ताव गरे असहयोग गर्ने धम्की उद्योगीहरुले दिएको स्रोतको दाबी छ। 'तपार्इंहरुले वर्षौदेखि ग्यास ढुवानी गरिरहनुभएको छ। यहाँ व्यापार गर्ने हो भने सबैले एउटै प्रस्ताव हालेर जानुस्,' उद्योगीको भनाइ उद्धृत गर्दै स्रोतले भन्यो, 'होइन भने व्यवसाय गर्न नदिने वातावरण बनाइने छ। अहिलेसम्म ढुवानी गरेको बक्यौता पनि पाउनुहुने छैन।' ग्यास ढुवानी गर्दै आएका भारतीय कम्पनीले बोटलिङ प्लान्टबाट १ करोडभन्दा बढी उधारो लिन बाँकी छ। स्रोतका अनुसार सबै कम्पनीलाई डर/धम्की देखाएर महँगो मूल्य प्रस्ताव गर्न दबाब दिइएको थियो। ग्यास क्षेत्रलाई सुधार गर्न नदिने उद्योगी समूहको अहिले संघमा पकड छ। ढुवानी कम्पनीले अहिलेभन्दा दोब्बर भाडा दर प्रस्ताव गरेका छन्। निगमले टेन्डरका लागि तराई, धादिङ/पोखरा र काठमाडौं गरी तीन क्षेत्रमा वर्गीकरण गरेर ढुवानी भाडा प्रस्ताव गरेको थियो। हाल निगमले काठमाडौंसम्मको भाडा दर ग्यास उद्योगीलाई दिइरहेको छ। ढुवानी व्यवसायीले बरौनीदेखि तराईसम्म ग्यास ल्याउँदा प्रतिकिलोमिटर/प्रतिटन ६ रुपैयाँ ५२ पैसा भाडा प्रस्ताव गरेका छन्। बरौनीदेखि धादिङ/पोखरासम्म ६ रुपैयाँ ६३ पैसा र बरौनी–काठमाडौंसम्म ६ रुपैयाँ ५६ पैसा प्रस्ताव गरेका छन्। निगमले उद्योगीलाई बरौनीबाट काठमाडौंसम्म ग्यास ढुवानी गर्दा प्रतिकिलोमिटर/प्रतिटन ५ रुपैयाँ ३९ पैसामात्रै दिएको छ। यो भाडामा समेत उद्योगीले राम्रो नाफा गर्दै आएका छन्। 'यो सबै ग्यास उद्योगीको दबाबमा भएको हो। ग्यास क्षेत्रलाई सुधार गर्न नचाहनेको गलत मनसाय देखिएको छ,' वाणिज्य सचिव जोशीले भने, 'ग्यास उद्योगमा प्रवेश गरेका गलत व्यक्तिले यो क्षेत्र सुधार गर्न दिएका छैनन्। हामी यसलाई तोड्ने प्रयासमा छांै।' टेन्डरमा खत्री रोडलाइन, एमके परिवाल, इन्डिया क्यारियर, सीमा रोडलाइन, एमआर साह लजिस्टिक, अग्रवाल रोडलाइन, शक्ति रोडवेज, जगित ट्यांकर, चन्दन रोडलाइन, मनकामना ह्विल्स, जसवन्त एन्ड एसोसिएट, कृष्णवल क्यारियर, आइपी रोडलाइन र अक्षय रोडलाइनले टेन्डर हालेका थिए। यता एलपी ग्यास संघका अध्यक्ष घिमिरेले भने ढुवानी व्यवसायीलाई एउटै मूल्य हाल्न दबाब नदिएको दाबी गरे। 'मैले कुनै पनि व्यवसायीलाई दबाब दिएको छैन। निगमका हुने जुनसुकै निर्णयमा मलाई नै किन मुछिन्छ? आश्चर्यचकित छु,' उनले भने, 'यासमा सत्यता छैन।' ग्यास उद्योगी टेन्डर कम्पनीकै प्रतिनिधि ग्यास बोटलिङ प्लान्टका मालिकहरु ग्यास ढुवानी व्यवसायी कम्पनीको प्रतिनिधिका रुपमा आयल निगममा प्रस्तुत भएका थिए। संघका अध्यक्ष घिमिरेले आइपी रोडलाइनका प्रतिनिधि भएर टेन्डर हालेका थिए। उनी टेन्डर खुलेपछि मात्रै निगमबाट बाहिरिएका थिए। मनोज ग्यासका सञ्चालक मनोज दासले अक्षय रोडलाइनको प्रतिनिधि भएर टेन्डर हालेका थिए। 'टेन्डर कम्पनीको प्रतिनिधिको हैसियतमा मैले प्रतिस्पर्धामा भाग लिएको हुँ,' घिमिरेले भने, 'प्रतिनिधिका रुपमा सहभागी हुन पाउनु मेरो अधिकार हो।'

प्रतिक्रिया

कहाँ हरायो ३० अर्ब?

कहाँ हरायो ३० अर्ब?

काठमाडौं– भूकम्पप्रभावित क्षेत्रमा अन्तर्राष्ट्रिय गैरसरकारी संस्था (आइएनजिओ), गैरसरकारी संस्था (एनजिओ), निजी संस्था तथा प्रतिष्ठान, रेडक्रस/रेड क्रिसेन्टलगायत संघसंस्थाले अर्बौं रूपैयाँ भूकम्पपीडितको नाममा उठाएको पाइएको छ। यी संस्थाले भूकम्पपीडितलाई आपतकालीन राहत उपलब्ध गराउन...

किन सर्छ उत्तरी ध्रुव ?

किन सर्छ उत्तरी ध्रुव ?

काठमाडौं- 'तपाईं भन्न सक्नुहुन्छ– पृथ्वीको तौल कति छ?'यसलाई किलोग्राममा मापन गर्ने हो भने शून्य गणनामा एक, दस, सय, हजार, लाख ... भन्दै २५ पटक लगातार औंला भाँच्नुपर्छ।अर्थात् ५ हजार ९...

निजीको छात्रवृत्तिमा नेताका फोन

निजीको छात्रवृत्तिमा नेताका फोन

काठमाडौं-'हेलो सर, म नेपाली कांग्रेस महासमिति सदस्य बोलेको, मेरा आफन्तको छोराका लागि पूर्ण निःशुल्क छात्रवृत्ति सिफारिस गरिदिनुपर्यो ।'मंगलबार काठमाडौं जिल्ला शिक्षा कार्यालय, ताहाचल पुग्दा सहायक जिल्ला शिक्षा अधिकारी नारायणकाजी कासिछवालाई...

अर्बाैं बेहिसाबः चरम अपारदर्शी बने एनजिओ/आइएनजिओ

अर्बाैं बेहिसाबः चरम अपारदर्शी बने एनजिओ/आइएनजिओ

वैशाख-शुक्रबार सिन्धपाल्चोक, नवलपुर पुगेका प्रमुख जिल्ला अधिकारी गोकर्णमणि दुवाडी भूकम्पपीडितका गुनासाले घेरिए ।उनीहरूले सरकारभन्दा पनि एनजिओ-आइएनजिओमाथि चर्को आक्रोश पोखे । 'संघसंस्था मनोमानी ढंगले चले । कबोल गरेका कुनै काम गरेनन्,'...

कोरिया जान सयौं मिटर लामो लाइन, युवालाई सास्ती (फोटो फिचर)

कोरिया जान सयौं मिटर लामो लाइन, युवालाई सास्ती (फोटो फिचर)

काठमाडौं– 'भोलि त बिहान सबेरै उठेर परीक्षा फारम भर्न जानु छ,' गोरखा बुंकोट–६ घर भई डल्लु बस्ने टीकाराम श्रेष्ठ राती राम्ररी निदाउनै सकेनन्। बुधबार बिहान तीनै बजे उठे। हतारहतार नित्यकर्म...

क्रिकेट संकट टार्न विवादित पक्ष लचिलो

क्रिकेट संकट टार्न विवादित पक्ष लचिलो

काठमाडौं-अन्तर्राष्ट्रिय क्रिकेट परिषद (आइसिसी) बाट निलम्बनमा परेपछि विवादमा रुमल्लिइरहेको नेपाली क्रिकेट थप अन्योलमा धकेलिएको छ । १९८८ मा एफिलिएट सदस्य हुँदै आइसिसीसँग आवद्ध भएको नेपाली क्रिकेट प्रशासनले भोगेको यो अहिलेसम्मको...

क्रिकेट संघ (क्यान) निलम्बित

क्रिकेट संघ (क्यान) निलम्बित

काठमाडौं-अन्तर्राष्ट्रिय क्रिकेट परिषद (आसिसी) ले सोमबार नेपाल क्रिकेट संघ (क्यान) को निलम्बनलाई औपचारिकता दिएको छ ।आइसिसी मुख्यालय दुबईमा बिहीबारदेखि बसेको बैठकबाट विश्व क्रिकेटको सर्वोच्च निकायले नेपाली क्रिकेटलाई निलम्बन गर्ने निर्णय...

पूर्व धकेलियो उत्तरी ध्रुव

पूर्व धकेलियो उत्तरी ध्रुव

काठमाडौं- दक्षिण एसियामा गहिरिँदो खडेरीका कारण पृथ्वीको ध्रुवीय प्रणाली प्रभावित भएको अमेरिकी नेसनल एरोनोटिक्स एन्ड स्पेस एड्मिनिस्ट्रेसन (नासा) ले जनाएको छ। खडेरीका कारण उत्तरी ध्रुव पूर्वतिर सर्दै गएको वैज्ञानिकको ठहर...