Monday 7 Poush, 2071 |
Menu

कला

'एसएलसी होइन जिन्दगी नै आइरन गेट'

  • बुधबार २९ जेष्ठ, २०७०
  • सामिप्य तिमल्सिना
  • DISQUS_COMMENTS
(0 votes)
'एसएलसी होइन जिन्दगी नै आइरन गेट'
काठमाडौं - हुन त नेपाली सेलिब्रिटीलाई पढ्न नसकेर संगीत र फिल्ममा लाग्ने गरेको ओरोप छ। यो आरोप कतिपय सन्दर्भमा सतही छ त कतिपय सन्दर्भमा यथार्थ पनि। अभिनेता जीवन लुइँटेल, अभिनेत्री केकी अधिकारी, गायिका श्रेया सोताङ र लेखक सुविन भट्टराईका अनुभव बुझ्ने हो भने सेलिब्रिटी पनि पढाइमा मिहेनती हुन्छन् भन्ने पुष्टि हुन्छ। चारजना नै राम्रो अंक ल्याएर एसएलसी उत्तीर्ण भएका थिए। आफ्नो करियरमा पनि राम्रै अंक ल्याइरहेका उनीहरुको अनुभवः

कति सालमा कहाँबाट एसएलसी पास गर्नुभयो?
जीवन लुइँटेलः २०५४ सालमा श्री जनता मावि हरैंचा मोरङबाट।
सुविन भट्टराईः २०५५ सालमा मैतीदेवीको सूर्योदय बोर्डिङ स्कुल।
केकी अधिकारीः २०६१ सालमा बाल सिर्जना स्कुल जोरपाटी।
श्रेया सोताङः साल त ठ्याक्कै याद भएन तर मैले लिटिल एन्जल्सबाट पास गरेकी हुँ।



कुन श्रेणीमा?
जीवनः ७४ प्रतिशत ल्याएर फस्ट डिभिजनमा।
सुविनः प्रथम श्रेणी।
केकीः डिस्टिङ्सन होल्डर हुँ।
श्रेयाः प्रथम श्रेणी।


पास हुँदा कस्तो महसुस भएको थियो?
जीवनः अलि सरप्राइज भएको थिएँ। फस्ट डिभिजन मात्र आउँदा नरमाइलो लागेको थियो।
सुविनः निराश भएको थिएँ किनकि डिस्टिङ्सनको आश गरेको थिएँ।।
केकीः हाम्रो समाजमा एसएलसीको यति बढाइचढाइँ छ कि डर, कौतुहलता र दुविधाको चंगुलमा फसियो।
श्रेयाः एकदम धेरै खुशी। पढेको पनि थिएँ र 'लक' पनि लाग्ोको थियो।

एसएलसीपछि आफैंले रोजेको विषय पढ्नुभयो कि अभिभावकले?
जीवनः अभिभावकले रोजेको। परिवारकै सल्लाहमा साइन्स पढियो। आफ्नो रुचिको साहित्य पढ्न बाँकी नै छ।
सुविनः अभिभावकै सल्लाह मानेँ। साइन्स पढ्न बाध्य भएँ। तर अहिले उहाँहरुले गरेको निर्णय पनि गलत रहेनछ भन्ने लाग्छ।
केकीः साइन्स पढेँ र छनोट आफ्नै थियो। तर प्लस टुपछि मैंले रुचि ठम्याएँ र मिडियातिर लागेँ।
श्रेयाः आफैंले रोजेर म्यानेजमेन्ट पढेकी हुँ।


५.तपाईंको अनुभवमा एसएलसी मात्रै आइरन गेट हो कि अरु पनि आइरन गेट हुँदा रहेछन्?
जीवनः एसएलसी मात्र होइन जीवनका हरेक पाइला आइरन गेट हुन्। जीवन नै आइरन गेट हो। एउटा माघले  जाडो जाँदैन। एसएलसी सुरुवात मात्र हो।
सुविनः मेरो लागि त एसएलसी भन्दा ज्यादा प्लस टु आइरन गेट भयो।
केकीः एसएलसी टफ गेट होइन जस्तो लाग्छ। जिन्दगीमा अझ कठिन आइरन गेट धेरै हुनेरहेछन्।
श्रेयाः एसएलसी त आइरन गेट हो नै। किनकि १० वर्ष पढेको प्रमाण यही गेट पार गर्योा भने मात्र पाइन्छ।

६. धेरै नम्बर ल्याएर पास हुने र फेल हुनेलाई के भन्नुहुन्छ?
जीवनः नम्बर जिन्दगी होइन। धेरै नम्बर ल्याउनेलाई आफ्नो आत्मविश्वाससँग जोडनुस् भन्ने सल्लाह दिन्छु। फेल हुनेले पनि फेल हुँदैमा जिन्दगी सकियो भन्ने सोच्नु हुँदैन। संसारमा बिल गेट्स, स्टिभ जब्स जस्ता मानिसहरु पनि छन् जो स्कुल कलेज ड्रपआउट भएर पनि ख्यातिप्राप्त छन्।

सुविन : धेरै नम्बर ल्याउँदैमा जीवनमा सबै सम्भावनाका ढोका खुल्छन् भन्ने हुँदै र फेल हुँदैमा सबै ढोका बन्द हुन्छ भन्ने पनि होइन। पास फेल हुनुमात्र जिन्दगी होइन। त्यसैले धेरै नम्बर ल्याउनेले पनि ज्यादा हौसिनु हुँदैन र फेल हुनेले पनि दुःखी हुनु पर्दैन।
केकी :  धेरै नम्बर ल्याउनेहरु इन्जोय गर्नुस्। तर यो सँगै के पनि ख्याल गर्नुस् भने अब तपाईं देशको शिक्षित तथा जिम्मेवार नागरिक हुनुभएको छ। त्यो जिम्मेवारी बोध गरेर अघि बढ्नुस्। फेल हुनेले बुझ्नुपर्छ कि हिँड्ने मान्छे लड्छ। आत्तिनु पर्दैन। तिर फ्याँक्नलाई मज्जाले पछाडि तान्नुपर्छ।
श्रेया :  धेरै नम्बर ल्याएर पास गर्नु एकदमै राम्रो कुरा हो। आज पनि जब एकेडेमिक क्वालफिकेसनको कुरा हुन्छ एसएलसी दिएको स्कुल र अंकको चर्चा हुन्छ। फेल हुनेले पनि आफूलाई कमजोर र बेकम्मा ठान्नु हुन्न।रुचिको पेशा छानेर त्यसमा पनि एकदम राम्रो गर्न सकिन्छ।
सिम्पल र स्वीट 'जेरी'

सिम्पल र स्वीट 'जेरी'

यात्राले मान्छेलाई धेरै थोक सिकाउँछ। जेरीले पनि सिक्छ। मुस्ताङसम्म तन्किएको घुमफिरमा उसले थुप्रै हन्डर खान्छ र आफूलाई चिन्ने अवसर पाउँछ।मुस्ताङलाई फन्को लगाउने क्रममा जेरी (अनमोल केसी) र काठमाडौंकी किशोरी आकांक्षा...

रत्‍नजीत र सरादेवी च्याम्पियन

काठमाडौं- साविक विजेता रत्‍नजीत तामाङले चौथो पुष्पलाल स्मृति राष्ट्रिय र्याशङकिङ ब्याडमिन्टन प्रतियोगितामा उपाधि रक्षा गरेका छन्। आर्मीका रत्नजीतले आइतबारको फाइनलमा त्रिपुरेश्वरस्थित राष्ट्रिय खेलकुद परिषदको कभर्ड हलमा आफ्नै क्लबका विकास श्रेष्ठलाई...

सिनेमाण्डुमा सहाराको 'इन्द्रेणी खोज्दै जाँदा'

सिनेमाण्डुमा सहाराको 'इन्द्रेणी खोज्दै जाँदा'

काठमाडौं– निर्देशक सहारा शर्माको फिल्म 'इन्द्रेणी खोज्दै जाँदा'ले अन्तरक्रियात्मक कार्यक्रममा सहभागिता जनाएको छ। बुधबार राजधानीको नेपाल भारत पुस्तकालयमा आयोजित सिनेमाण्डुमा 'इन्द्रेणी खोज्दै जाँदा' फिल्म समेत प्रदर्शन गरियो। फिल्म प्रदर्शनसहित फिल्म...

हार्न तयार भएर लेखिएको मन्त्रीको आत्मकथा

हार्न तयार भएर लेखिएको मन्त्रीको आत्मकथा

पोखरा-स्वास्थ्य तथा जनसंख्यमन्त्री खगराज अधिकारी संविधानसभाको दोस्रो चुनावमा प्रत्यक्ष उम्मेदवार बनेनन्। समानुपातिकतर्फ नाम भए पनि सभासद बन्न पाएनन्। मन्त्री भने बन्न पाए। तर भर्खरै भएको एमाले महाधिवेशनमा पनि चुनाव हारे।...

बिपीका फोटो प्रदर्शनी

बिपीका फोटो प्रदर्शनी

काठमाडौं – पहिलो जननिर्वाचित प्रधानमन्त्री बिपी कोइरालाको जन्म शताब्दीको अवसरमा तस्बिर प्रदर्शनी शनिबार नेपाल आर्ट काउन्सिलमा सुरु भएको छ।

बिदा भए रबिन विलियम्स

बिदा भए रबिन विलियम्स

क्यालिफोर्निया– अमेरिकी अभिनेता तथा कमेडियन रबिन विलियम्स सोमबार उत्तरी क्यालिफोर्नियास्थित आफ्नै निवासमा मृत्त फेला परेका छन्। ६३ वर्षे उनले आत्महत्या गरेको प्रारम्भिक अनुमान छ।

कानुनी उपचार खोज्छौं : सुरज—सहाना

कानुनी उपचार खोज्छौं : सुरज—सहाना

काठमाडौ- टेलिभिजन पर्सनालिटी सुरज गिरी र साहना बज्राचार्यले आफूहरुले 'जवानी नबिसाएको र जवानी नविर्सिएको' प्रष्टिकरण दिएका छन्। केही मिडियामा आफूहरु बारे आएको खबरले व्यक्तित्वमा क्षति पुर्‍याएको भन्दै कानुनी उपचार खोज्ने...

महजोडीले सातवर्षपछि पोखरा हँसाए

महजोडीले सातवर्षपछि पोखरा हँसाए

पोखरा-सात वर्षको अन्तरालमा मह (मदनकृष्ण श्रेष्ठ र हरिवंश आचार्य) जोडीले फेरि पोखरा हँसाएका छन्। टुबोर्ग महजात्रा हास्य महोत्सव लिएर आएका उनीहरुले शुक्रबारदेखि हँसाउन थालेका हुन्। महोत्सव सोमबारसम्म चल्नेछ।