Friday 11 Bhadra, 2072 |
Menu

कला

republica-header

ist-cc

उच्छृंखल हुँदै फिल्मका पोस्टर

  • मङ्गलबार ४ भाद्र, २०७०
  • स्मृति ढुंगाना
  • DISQUS_COMMENTS
(0 votes)
उच्छृंखल हुँदै फिल्मका पोस्टर
काठमाडौं — अश्लीलता फैलाएको भन्दै महानगरपालिकाले ट्राफिक प्रहरीसँगको सहकार्यमा फिल्मका पोस्टर च्यात्न थालेको छ । महानगरीय ट्राफिक प्रहरी महाशाखाले राजधानीका जमल, लैनचौर, त्रिपुरेश्वर, सोह्रखुट्टे, चाबहिल, महाराजगन्ज र बानेश्वर लगायतका ठाउँमा टाँसिएका पोस्टरहरु च्यात्ने काम गरिरहेको छ।
'समाजमा नकारात्मक सन्देश जाने र अश्लीलता फैलाउने फिल्मका पोस्टरहरु च्यात्ने काम भइरहेको छ । सार्वजनिक स्थानमा यस्ता पोस्टर टाँस्न नपाइने हुँदा सम्बन्धितलाई कारबाही गर्न लागेका छौं,' महानगरीय ट्राफिक प्रहरी महाशाखाका डिआइजी केशव अधिकारीले भने । फिल्मको पोस्टरबाहेक प्रचारप्रसारका लागि लगाइने होर्डिङ बोर्डहरु समेत निकाल्ने काम भइरहेको उनले जानकारी गराए । 'पोस्टर र होर्डिङबोर्डले शहरको सुन्दरता बिगार्ने हुनाले निकाल्ने निर्णय गरेका हौं,' उनले भने ।

पोस्टर डिजाइनर स्वप्निल आचार्य पनि वर्तमान समयमा अश्लील पोस्टर बनाउने क्रम बढेको स्विकार्छन् । तर यस्ता पोस्टरले दर्शकलाई आकर्षित गर्नुको सट्टा नकारात्मक प्रभाव पारिरहेको उनको अनुभव छ । 'निर्माताहरुमा अश्लील प्रचारले दर्शक आउँछन् भन्ने भ्रम छ । तर यसले दर्शकमा झन् नकारात्मक सन्देश गएको अनुभव गरेको छु,' उनले भने । सामाजिक मान्यता परिवर्तन भइरहेको सन्दर्भमा उत्ताउला पोस्टर नपच्ने उनले बताए ।

टुसालस्थित ह्यात रिजेन्सी होटलको पर्खालमा हप्तैपिछे अधिकांश नेपाली फिल्मको पोस्टर टाँसिन्छ । यस ठाउँमा विभिन्न स्कुलका विद्यार्थीहरु स्कुल बसको प्रतीक्षामा बस्ने गर्छन् । 'यस्ता पोस्टरले राम्रा फिल्म बनाउनेहरुलाई समेत निरुत्साहित गरेको जस्तो लाग्छ । पोस्टर हेर्दा लाज लाग्ने फिल्म किन हलमा रिलिज हुन्छ ?' नयाँबस्तीकी मैयादेवी तामाङले प्रश्न गरिन् ।

१२ को परीक्षा सिध्याएर बसेकी पाटनढोकाकी अस्मिता शाक्य आपूm पोस्टरले गर्दा नै नेपाली फिल्म हेर्न नगएको अनुभव सुनाउँछिन् । 'नेपाली फिल्मको पोस्टरमा गुणस्तर नै छैन । पोस्टरले दर्शकलाई हलसम्म तान्छ भन्ने कुरा फिल्मवालाले बुझेका छैनन्,' उनले भनिन् ।

फिल्म 'चपली हाइट' रिलिज हुने बेला नेपाल प्रहरी र महानगरपालिकाले अश्लीलताको कारण देखाउँदै पोस्टर निकाल्ने अभियान चलाएका थिए । तर त्यसपछि सुस्ताएको महानगरपालिका र प्रहरी कार्यालय फेरि एकपटक पोस्टर च्यात्ने तयारीमा छन् ।

'होर्डिङ बोर्डलाई उतार्ने प्राथमिकतामा राखेर काम गरिरहेकाले पोस्टर च्यात्ने काममा सुस्तता आएको हो । होर्डिङ बोर्ड हटाउने कार्य सकिएपछि फिल्मको पोस्टर च्यात्ने काम सुरु गर्छौं,' महानगरपालिका प्रवक्ता शान्तराम कोइरालाले भने । कोइरालाले महानगरपालिकाले चाँडै नै महानगरपालिकाभित्र पोस्टर टाँस्ने काम पूर्ण रुपमा निषेध गर्ने पनि जानकारी गराए ।

महानगरपालिकाको यो नियम लागु भएमा फिल्मको पोस्टर टाँस्ने रोजगार गरिरहेका करिब डेढ सयको रोजगारी खोसिने सम्भावना रहेको जानकारहरु बताउँछन् । काठमाडौंमा हप्तैपिच्छे फेरिने फिल्मको पोस्टर टाँस्न सयदेखि दुई सयसम्म कामदार संलग्न रहँदै आएका छन् । पोस्टर टाँस्नेले दिनको हिसाबमा पाँच सय रुपैयाँसम्म आम्दानी गर्ने गर्छन् । १५ वर्षदेखि पोस्टर टाँस्ने काम गरिरहेका राजु भण्डारी महानगरपालिकाको नीतिले आफूलाई बिचल्लीमा पार्ने दुखेसो गर्छन् ।

'झन्डै १५ वर्षदेखि गरिरहेको काम एक्कासी छाड्नु पर्दा नरमाइलो लागेको छ । सरकारले गरिखाने भाँडै खोसिदियो,' उनले भने । उनको समूहका २५ कामदार बेरोजगार बस्नुपरेको पनि उनले बताए ।

महानगरपालिकाको नियम अनुसार सार्वजनिक स्थलमा पोस्टर र होर्डिङ बोर्ड टाँसेको पाइएमा २० हजार जरिवानादेखि कैद सजायसम्म हुने प्रावधान छ । तर अटेरी गर्दै अहिले पनि पोस्टर टाँस्ने काम रोकिएको छैन । महानगरपालिका प्रवक्ता कोइरालाले पोस्टर टाँस्ने काम रातीमात्र हुने हुनाले पक्राउ गर्न नसकिएको बताए । 'तर हामी चाँडै नै यो समस्या सम्बोधन गर्छौं,' उनले भने ।

प्रतिक्रिया

पचास वर्ष धकेलिए नारायण!

पचास वर्ष धकेलिए नारायण!

काठमाडौं– भूकम्पका कारण लेखक नारायण ढकालको नयाँ उपन्यास ‘वृषभ वध' विमोचन नगरीकनै बजारमा आएको छ। प्रकाशक फाइन प्रिन्टले विमोचनको तयारी गर्दै गर्दा भूकम्प आएको थियो। पाठकको मागका कारण पुस्तकलाई ढिलो...

सिनेमा हलमा दर्शक फर्कंदै

सिनेमा हलमा दर्शक फर्कंदै

काठमाडौं-महाभूकम्पको पराकम्पनले तर्साइरहे पनि सामान्य मर्मतसम्भारपछि केही सिनेमा हलहरु सुचारु हुन थालेका छन्। राजधानीका विश्वज्योति, गोपीकृष्ण मुभिज, पुष्पाञ्जली, क्युएफएक्स अन्तर्गतका जयनेपाल र कुमारी, बिग सिनेमा, राइजिङ मलस्थित क्युज सिनेमाज् लगायत...

परदेशिनेहरुका ‘जिम्दा सपना’

परदेशिनेहरुका ‘जिम्दा सपना’

काठमाडौं– राजधानीको कालिकास्थानस्थित सर्वनाम रंगमञ्चमा राज शाह लिखित–निर्देशित ‘जिम्दा सपना’ मञ्चन भइरहेको छ। नाटकले बोकेको कथाका कारण दर्शकहरुले यसलाई रुचाइरहेको निर्देशक राजले बताएका छन्। ‘हामीले भारी–भरकम कुनै विषय उठाएका छैनौँ,’...

‘अझै पनि' र ईशाको जम्काभेट

‘अझै पनि' र ईशाको जम्काभेट

काठमाडौं– नेपाली फिल्म ‘अझै पनि' युनिटले बलिउड अभिनेत्री ईशा देवललाई भेटेको छ। प्रचारप्रसारका लागि भ्रमणमा रहेको फिल्म टोलीले पोखराबाट फर्कने क्रममा कुरिनटारमा रहेकी ईशालाई सोमबार भेटेको हो। भेटमा ईशाले नेपाली...

मलिना बन्ने भो ‘झम्की'

मलिना बन्ने भो ‘झम्की'

काठमाडौं– पूर्व मिस नेपाल मलिना जोशी ‘ऋतु'पछि फेरि अर्को फिल्म ‘झुम्की'मा नायिका बन्ने भएकी छन्। सोमबार काठमाडौंको मण्डला थियटरमा निर्माण घोषणा भएको ‘झुम्की'बाट ‘ऋतु' फिल्मका एक निर्माता अपिल विष्ट निर्देशनमा...

सिम्पल र स्वीट 'जेरी'

सिम्पल र स्वीट 'जेरी'

यात्राले मान्छेलाई धेरै थोक सिकाउँछ। जेरीले पनि सिक्छ। मुस्ताङसम्म तन्किएको घुमफिरमा उसले थुप्रै हन्डर खान्छ र आफूलाई चिन्ने अवसर पाउँछ।मुस्ताङलाई फन्को लगाउने क्रममा जेरी (अनमोल केसी) र काठमाडौंकी किशोरी आकांक्षा...

रत्‍नजीत र सरादेवी च्याम्पियन

काठमाडौं- साविक विजेता रत्‍नजीत तामाङले चौथो पुष्पलाल स्मृति राष्ट्रिय र्याशङकिङ ब्याडमिन्टन प्रतियोगितामा उपाधि रक्षा गरेका छन्। आर्मीका रत्नजीतले आइतबारको फाइनलमा त्रिपुरेश्वरस्थित राष्ट्रिय खेलकुद परिषदको कभर्ड हलमा आफ्नै क्लबका विकास श्रेष्ठलाई...

सिनेमाण्डुमा सहाराको 'इन्द्रेणी खोज्दै जाँदा'

सिनेमाण्डुमा सहाराको 'इन्द्रेणी खोज्दै जाँदा'

काठमाडौं– निर्देशक सहारा शर्माको फिल्म 'इन्द्रेणी खोज्दै जाँदा'ले अन्तरक्रियात्मक कार्यक्रममा सहभागिता जनाएको छ। बुधबार राजधानीको नेपाल भारत पुस्तकालयमा आयोजित सिनेमाण्डुमा 'इन्द्रेणी खोज्दै जाँदा' फिल्म समेत प्रदर्शन गरियो। फिल्म प्रदर्शनसहित फिल्म...