Friday 18 Bhadra, 2072 |
Menu

कला

republica-header

ist-cc

नीतालाई के मन पर्छ ?

(0 votes)
नीतालाई के मन पर्छ ? नीता ढुंगाना, अभिनेत्री

खान

नेपालीको प्रिय खाना दाल, भात र तरकारी नै मेरो प्रमुख रोजाइ हो। खसीको मासु पनि मलाई मनपर्छ। खाजाहरूमा मःमः रुचाउँछु। विदेशी खाजामा इन्डियन खाजा दही कडी मनपर्छ। यसको अमिलो चट्का स्वादले मेरो जिब्रो नै रसाइदिन्छ। मलाई मनपर्ने फलफूल आँप, स्ट्रबेरी र सुन्तला हुन्। अनार छ भने फ्रेस जुस बनाएर खान्छु। अरू फलफूल छ भने साना टुक्रा पारेर खान्छु।

घुम्न
घुम्ने क्रममा शान्त वातावरणले ध्यान तान्छ। वरिपरि हिमाल भएको ठाउँ घुम्न मन पराउँछु। सुटिङका क्रममा धेरै ठाउँमा गइरहनुपर्छ। घुमेका ठाउँमध्ये जोमसोम, ओखलढुंगा र पोखरा मलाई मन परेका ठाउँ हुन्। पोखराको बाराही मन्दिर पनि मलाई मनपर्ने ठाउँ हो। कार्य सिलसिलामा मलेसिया, कतारजस्ता बाहिरी मुलुक पनि गएकी छु। विदेशी वातावरणले मलाई उत्ति तान्दैनन्। मलाई नेपाली हावा–पानी नै मनपर्छ। 

सुन्न
म प्रायः मेलोडी गीत सुन्न मन पराउँछु। बेला–बेला ट्रेजेडी गीत–संगीत पनि सुन्छु। कस्तो गीत सुन्ने, मुडमा भर पर्छ। अभिनयसँगै नाच्नुपर्ने भएकाले रक गीत पनि सुन्छु। मुड चलेमा जिउ नै उचाल्ने किसिमका रक गीत पनि सुन्दै आनन्द लिन्छु। यस्ता गीतले माइन्ड रिफ्रेस गर्छन्। 'गहिरो गहिरो' बोलको पुरानो गीत मलाई एकदमै मन परेको गीत हो। अहिलेसम्मकै गीतमा यो मेरो उत्कृष्ट गीत हो। मैले धेरैपटक यो गीत गुनगुनाएकी पनि छु। हिन्दी, इङ्लिस भाषाका गीत सुने पनि मलाई नेपाली गीत नै बढी मनपर्छ।
हेर्न 
कलाकारको नाताले धेरै फिल्म हेर्नुपर्ने हुन्छ। आफ्नो उमेरसँग मिलेर हो कि, म प्रायः लभस्टोरी फिल्म हेर्छु। कुनै पनि सन्देशमूलक फिल्मले मेरो ध्यान खिच्छन्। अन्य भाषाका फिल्मभन्दा नेपाली फिल्म नै बढी रुचाउँछु। आफ्नो क्षेत्र नै नेपाल भएकाले समकालीन नेपाली फिल्मको टे्रन्ड बुझ्नु आवश्यक हुन्छ। राम्रा फिल्महरू हेर्न छुटाउँदिनँ। पछिल्लो समयका फिल्म 'सायद' र 'साँघुरो' मलाई मन परेका फिल्म हुन्। आफैंले अभिनय गरेको फिल्म 'मसान' पनि राम्रो छ। म प्रायः हल गएर नै फिल्म हेर्छु। सुटिङका क्रममा कुनै फिल्म छुट्यो भने घरमै ल्याएर हेर्छु। हलमा जाँदा प्रायः साथीहरू र परिवारसँग जान्छु। फुर्सद छ भने म भाइसँग पनि हल पुग्छु। 
पढ्न 
मलाई उपन्यास पढ्न मनपर्छ। आफ्नो उमेर मिल्दो लभ स्टोरी पढिरहन्छु। पुस्तकमा मोरालिटी भयो भने झन् रमाइलो हुन्छ। पछिल्लो समयमा हरिवंश दाइको आत्मकथा 'चिना हराएको मान्छे’ पढ्दै छु। पढेका पुस्तकमध्ये तसलिमा नसरिनको 'आइमाईको कुनै देश छैन’ मलाई मन परेको किताब हो। मैले महात्मा गान्धीबारे लेखिएका थुप्रै पुस्तक पनि पढेकी छु। नेपाली साहित्यमा मलाई विज्ञान कथा पढ्न मन लागिरहेको छ।
प्रस्तुति : क्रान्ति पाण्डे

प्रतिक्रिया

पचास वर्ष धकेलिए नारायण!

पचास वर्ष धकेलिए नारायण!

काठमाडौं– भूकम्पका कारण लेखक नारायण ढकालको नयाँ उपन्यास ‘वृषभ वध' विमोचन नगरीकनै बजारमा आएको छ। प्रकाशक फाइन प्रिन्टले विमोचनको तयारी गर्दै गर्दा भूकम्प आएको थियो। पाठकको मागका कारण पुस्तकलाई ढिलो...

सिनेमा हलमा दर्शक फर्कंदै

सिनेमा हलमा दर्शक फर्कंदै

काठमाडौं-महाभूकम्पको पराकम्पनले तर्साइरहे पनि सामान्य मर्मतसम्भारपछि केही सिनेमा हलहरु सुचारु हुन थालेका छन्। राजधानीका विश्वज्योति, गोपीकृष्ण मुभिज, पुष्पाञ्जली, क्युएफएक्स अन्तर्गतका जयनेपाल र कुमारी, बिग सिनेमा, राइजिङ मलस्थित क्युज सिनेमाज् लगायत...

परदेशिनेहरुका ‘जिम्दा सपना’

परदेशिनेहरुका ‘जिम्दा सपना’

काठमाडौं– राजधानीको कालिकास्थानस्थित सर्वनाम रंगमञ्चमा राज शाह लिखित–निर्देशित ‘जिम्दा सपना’ मञ्चन भइरहेको छ। नाटकले बोकेको कथाका कारण दर्शकहरुले यसलाई रुचाइरहेको निर्देशक राजले बताएका छन्। ‘हामीले भारी–भरकम कुनै विषय उठाएका छैनौँ,’...

‘अझै पनि' र ईशाको जम्काभेट

‘अझै पनि' र ईशाको जम्काभेट

काठमाडौं– नेपाली फिल्म ‘अझै पनि' युनिटले बलिउड अभिनेत्री ईशा देवललाई भेटेको छ। प्रचारप्रसारका लागि भ्रमणमा रहेको फिल्म टोलीले पोखराबाट फर्कने क्रममा कुरिनटारमा रहेकी ईशालाई सोमबार भेटेको हो। भेटमा ईशाले नेपाली...

मलिना बन्ने भो ‘झम्की'

मलिना बन्ने भो ‘झम्की'

काठमाडौं– पूर्व मिस नेपाल मलिना जोशी ‘ऋतु'पछि फेरि अर्को फिल्म ‘झुम्की'मा नायिका बन्ने भएकी छन्। सोमबार काठमाडौंको मण्डला थियटरमा निर्माण घोषणा भएको ‘झुम्की'बाट ‘ऋतु' फिल्मका एक निर्माता अपिल विष्ट निर्देशनमा...

सिम्पल र स्वीट 'जेरी'

सिम्पल र स्वीट 'जेरी'

यात्राले मान्छेलाई धेरै थोक सिकाउँछ। जेरीले पनि सिक्छ। मुस्ताङसम्म तन्किएको घुमफिरमा उसले थुप्रै हन्डर खान्छ र आफूलाई चिन्ने अवसर पाउँछ।मुस्ताङलाई फन्को लगाउने क्रममा जेरी (अनमोल केसी) र काठमाडौंकी किशोरी आकांक्षा...

रत्‍नजीत र सरादेवी च्याम्पियन

काठमाडौं- साविक विजेता रत्‍नजीत तामाङले चौथो पुष्पलाल स्मृति राष्ट्रिय र्याशङकिङ ब्याडमिन्टन प्रतियोगितामा उपाधि रक्षा गरेका छन्। आर्मीका रत्नजीतले आइतबारको फाइनलमा त्रिपुरेश्वरस्थित राष्ट्रिय खेलकुद परिषदको कभर्ड हलमा आफ्नै क्लबका विकास श्रेष्ठलाई...

सिनेमाण्डुमा सहाराको 'इन्द्रेणी खोज्दै जाँदा'

सिनेमाण्डुमा सहाराको 'इन्द्रेणी खोज्दै जाँदा'

काठमाडौं– निर्देशक सहारा शर्माको फिल्म 'इन्द्रेणी खोज्दै जाँदा'ले अन्तरक्रियात्मक कार्यक्रममा सहभागिता जनाएको छ। बुधबार राजधानीको नेपाल भारत पुस्तकालयमा आयोजित सिनेमाण्डुमा 'इन्द्रेणी खोज्दै जाँदा' फिल्म समेत प्रदर्शन गरियो। फिल्म प्रदर्शनसहित फिल्म...