13 Mangshir, 2071 |
Menu

कला

'ध्यानी' झरना

  • शुक्रबार २१ असार, २०७०
  • स्मृति ढुंगाना
  • DISQUS_COMMENTS
(0 votes)
'ध्यानी' झरना
काठमाडौं - ग्ल्यामर दुनियाँमा व्यस्त रहने पूर्व मिस नेपाल झरना ब्रजाचार्य आजभोलि ध्यानी बनेकी छिन्। 'जेस् मेडिटेसन सेन्टर' नामक ध्यान केन्द्र खोलेर झरनाले ध्यानी हुने अभिलाषालाई मूर्त रुप दिएकी हुन्। स्वयम्भुस्थित बज्र होटलमा स्थापना भएको ध्यानकेन्द्रमा उनी स्वयं त ध्यान गर्छिन् नै अरुलाई पनि सिकाउँछिन्। दुई महिनादेखि सञ्चालनमा आएको ध्यानकेन्द्रले एक सय २५ जनालाई प्रशिक्षण दिइसकेको छ।
ध्यानलाई विधिवत रुपमा विकसित गर्ने उद्देश्यले स्थापित 'जेस् मेडिटेसन सेन्टर'मार्फत् उनले ध्यानसम्बन्धी कार्यशाला समेत दिइरहेकी छिन्। 'ध्यानलाई बुझ्ने कुरामा मानिसबीच थुप्रै भ्रमहरु छन्। कार्याशालामार्फत् त्यस्ता भ्रमहरु हटाउन र ध्यानलाई गम्भीरतापूर्वक लिन प्रेरित गरिरहेका छांै,' झरना भन्छिन्। 
विचार र शरीर दुवैलाई सन्तुलनमा राख्न मद्दत गर्ने हुनाले ध्यानमा उनको खास रुचि रहेको हो। 'जेस् मेडिटेसन सेन्टर'मा उनी स्वयं पनि ध्यान सिकाउँछिन्। 'मैले आनापाना सूत्र सिकाउने गरेकी छु,' उनी भन्छिन्, 'श्वासप्रश्वाससम्बन्धी ध्यान भएकाले धेरै उपयोगी पनि हुन्छ।' 
उनीसँग यसरी प्रशिक्षण लिन आउनेहरुमा पाका उमेरका मानिसको बाहुल्य छ। ध्यान सिक्नलाई उमेरको कुनै हदबन्दी नभएको बताउने झरना ध्यानको कुरा गर्दा कुनै धर्म गुरुभन्दा कम देखिन्नन्। 
'बच्चादेखि वृद्धसम्म सबैले ध्यान गर्न सक्छन्। यो बहुउपयोगी हुन्छ। तनावबाट मुक्त हुनदेखि उर्जा प्राप्त गर्नसम्ममा ध्यानले सघाउँछ। दिनमा एक घन्टा ध्यान गरे धेरै फाइदा हुन्छ,' उनले भनिन्। ध्यान केन्द्र स्थापनामा सुशील श्रेष्ठ र बज्र होटलले उनलाई साथ दिएका छन्। 
यतिबेला ध्यानकेन्द्र खोलेर पर्दाअगाडि आए पनि झरना पुराना ध्यानी हुन्। मिस नेपालमा भाग लिनुअघि देखिनै झरना आफूले ध्यान गर्ने गरेको बताउँछिन्। परिवारमा अरु सदस्यको देखासिकीमा ध्यानको दुनियाँमा प्रवेश गरे पनि समयक्रममा यसलाई जीवनको अभिन्न अंंग बनाएको झरनाको भनाइ छ। १६ वर्षअघि उनले पहिलोपटक १० दिने विपश्यना कोर्स गरेकी हुन्। 
'जेस् मेडिटेसन सेन्टर'मा प्रति घन्टा ध्यान गरेको शुल्क पाँच सय रहेको छ। 'सहभागीबाट आएको शुल्कको ३० प्रतिशत रकम अन्तरदृष्टि नामक संस्थालाई जान्छ।' अन्तर्राष्ट्रिय नियमअनुसार उनी ध्यान सिकाउन योग्य व्यक्ति होइनन्, किनकि ध्यान प्रशिक्षक बन्न अन्तर्राष्ट्रिय गुरुहरुसँग १० दिने प्रशिक्षण लिनुपर्छ, जुन उनले लिन पाएकी छैनन्। 
व्यावहारिक रुपमा लामो समयदेखि ध्यानमा आवद्ध भएको हुनाले प्रशिक्षणको काम पनि गरिरहेकी हुन्। 'दुई वर्षअघि बेलायतमा पाँच महिनाको ध्यान प्रशिक्षण सिध्याएर फर्केकी हुँ। जानेको कुरा सिकाउन सक्छु भनेर ध्यानकेन्द्र स्थापना गरेको हुँ,' झरनाले भनिन्।
एक घन्टाको प्रशिक्षणमा उनले आँखा चिम्लिने, शारीरिक हाउभाउ मिलाउनेदेखि दिमागलाई नियन्त्रणमा राखेर मनमा आउने कुराहरुलाई साक्षात्कार गराउने र बिस्तारै फ्रेस बनाउने गर्छिन्। कामबाट तनाव लिनेहरुलाई उनले दिनमा एक घन्टा ध्यान गर्न उनको आग्रह छ। 
'ध्यानबारे ज्ञान नभएसम्म नौलो लाग्छ। ध्यान सुरु भएपछि सोच्ने दृष्टिकोणमा परिवर्तन आउँछ। बिस्तारै परिवर्तन ल्याउन ६ महिना आफूलाई समय दिनुपर्छ,' उनी भन्छिन्। 
'ध्यान सिकाउने नियमहरु छन्। ध्यान सिक्ने र सिकाउनेले नियममा बस्न सक्नुपर्छ,' उनले भनिन्। अनुसार अधिकंाश सहभागीहरु मानसिक तनाव बढेपछिमात्र ध्यान केन्द्रमा आउने गरेको उनले पाएकी छन्। 
पाका मान्छेहरुलाई सुरुमा ध्यान सिकाउँदा उनले केही असजिलो महसुस गरेकी थिइन्। हाल म्युजिक भिडियोमा व्यस्त उनीद्वारा अभिनित फिल्म 'सेफल्यान्डिङ' रिलिजको तयारीमा छ।
सिम्पल र स्वीट 'जेरी'

सिम्पल र स्वीट 'जेरी'

यात्राले मान्छेलाई धेरै थोक सिकाउँछ। जेरीले पनि सिक्छ। मुस्ताङसम्म तन्किएको घुमफिरमा उसले थुप्रै हन्डर खान्छ र आफूलाई चिन्ने अवसर पाउँछ।मुस्ताङलाई फन्को लगाउने क्रममा जेरी (अनमोल केसी) र काठमाडौंकी किशोरी आकांक्षा...

रत्‍नजीत र सरादेवी च्याम्पियन

काठमाडौं- साविक विजेता रत्‍नजीत तामाङले चौथो पुष्पलाल स्मृति राष्ट्रिय र्याशङकिङ ब्याडमिन्टन प्रतियोगितामा उपाधि रक्षा गरेका छन्। आर्मीका रत्नजीतले आइतबारको फाइनलमा त्रिपुरेश्वरस्थित राष्ट्रिय खेलकुद परिषदको कभर्ड हलमा आफ्नै क्लबका विकास श्रेष्ठलाई...

सिनेमाण्डुमा सहाराको 'इन्द्रेणी खोज्दै जाँदा'

सिनेमाण्डुमा सहाराको 'इन्द्रेणी खोज्दै जाँदा'

काठमाडौं– निर्देशक सहारा शर्माको फिल्म 'इन्द्रेणी खोज्दै जाँदा'ले अन्तरक्रियात्मक कार्यक्रममा सहभागिता जनाएको छ। बुधबार राजधानीको नेपाल भारत पुस्तकालयमा आयोजित सिनेमाण्डुमा 'इन्द्रेणी खोज्दै जाँदा' फिल्म समेत प्रदर्शन गरियो। फिल्म प्रदर्शनसहित फिल्म...

हार्न तयार भएर लेखिएको मन्त्रीको आत्मकथा

हार्न तयार भएर लेखिएको मन्त्रीको आत्मकथा

पोखरा-स्वास्थ्य तथा जनसंख्यमन्त्री खगराज अधिकारी संविधानसभाको दोस्रो चुनावमा प्रत्यक्ष उम्मेदवार बनेनन्। समानुपातिकतर्फ नाम भए पनि सभासद बन्न पाएनन्। मन्त्री भने बन्न पाए। तर भर्खरै भएको एमाले महाधिवेशनमा पनि चुनाव हारे।...

बिपीका फोटो प्रदर्शनी

बिपीका फोटो प्रदर्शनी

काठमाडौं – पहिलो जननिर्वाचित प्रधानमन्त्री बिपी कोइरालाको जन्म शताब्दीको अवसरमा तस्बिर प्रदर्शनी शनिबार नेपाल आर्ट काउन्सिलमा सुरु भएको छ।

बिदा भए रबिन विलियम्स

बिदा भए रबिन विलियम्स

क्यालिफोर्निया– अमेरिकी अभिनेता तथा कमेडियन रबिन विलियम्स सोमबार उत्तरी क्यालिफोर्नियास्थित आफ्नै निवासमा मृत्त फेला परेका छन्। ६३ वर्षे उनले आत्महत्या गरेको प्रारम्भिक अनुमान छ।

कानुनी उपचार खोज्छौं : सुरज—सहाना

कानुनी उपचार खोज्छौं : सुरज—सहाना

काठमाडौ- टेलिभिजन पर्सनालिटी सुरज गिरी र साहना बज्राचार्यले आफूहरुले 'जवानी नबिसाएको र जवानी नविर्सिएको' प्रष्टिकरण दिएका छन्। केही मिडियामा आफूहरु बारे आएको खबरले व्यक्तित्वमा क्षति पुर्‍याएको भन्दै कानुनी उपचार खोज्ने...

महजोडीले सातवर्षपछि पोखरा हँसाए

महजोडीले सातवर्षपछि पोखरा हँसाए

पोखरा-सात वर्षको अन्तरालमा मह (मदनकृष्ण श्रेष्ठ र हरिवंश आचार्य) जोडीले फेरि पोखरा हँसाएका छन्। टुबोर्ग महजात्रा हास्य महोत्सव लिएर आएका उनीहरुले शुक्रबारदेखि हँसाउन थालेका हुन्। महोत्सव सोमबारसम्म चल्नेछ।