Tuesday 15 Bhadra, 2072 |
Menu

कला

republica-header

ist-cc

३१ औंमा बल्ल रिलिज!

(0 votes)
३१ औंमा बल्ल रिलिज!
काठमाडौं – फिल्म बनाएपछि देशभर चलाउने र दर्शक प्रतिक्रिया बटुल्ने लक्ष्य सबै निर्देशकको हुन्छ। तर प्रितम गुरुङ अपवादमा पर्छन्, जसले ३० वटा फिल्म निर्देशन गरिसक्दा पनि देशव्यापी प्रदर्शनको मौका पाएका थिएनन्। उनको निर्देशन रहेको ३१ औं फिल्म 'जीवनलीला' चाहिँ शुक्रबारबाट राजधानीमा चल्दैछ। यो नै उनको पहिलो फिल्म हो, जसले देशव्यापी प्रदर्शनको मौका पाउँदैछ।
२०५८ सालदेखि फिल्म निर्देशनमा सक्रिय गुरुङले २६ वटा गुरुङ, चार मगर र एक नेपाली गरी ३१ वटा फिल्म निर्देशन गरिसकेका छन्। तर 'जीवनलीला' उनको पहिलो फिल्म हो, जुन राजधानीका १२–१३ वटा हलमा एकसाथ रिलिज हुँदैछ। 
बिना प्रचारप्रसार अचानक फिल्म रिलिज भएकोले उनी खुसी हुने वा दुःखी, दोधारमा छन्। 'बुधबारमात्र फिल्म रिलिज हुँदैछ भन्ने थाहा भो। दुई दिनमा के गर्न सकिन्छ? हलवालाको भरोसामा छाडिदिएका छौं,' उनले भने।
अरु कुनै फिल्म रिलिज नहुने भएपछि 'जीवनलीला' फिल्म 'सुट'सँगै शुक्रबारबाट राजधानीमा रिलिज हुन लागेका हो। २० लाख लगानीमा बनेको फिल्म काठमाडौंबाहिर भने दुई वर्षअघि नै प्रदर्शनमा आइसकेको छ। 
दुई वर्षअघिको तमु ल्होसारका दिन प्रदर्शनमा आएको फिल्मले अपेक्षा अनुरुप व्यापार गर्न नसकेको उनी बताउँछन्। काठमाडौंमा राम्रोसँग प्रदर्शन गरेर पैसा उठाउने मनसाय निर्माण टोलीको थियो। तर, काठमाडौमा पनि अचानक फिल्म रिलिज गर्नुपरेपछि दर्शकलाई हलसम्म कसरी पुर्यामउने भन्ने चिन्ता बढेको छ। 'एक हप्ताअगाडि थाहा भएको भए पनि राम्रै प्रचारप्रसार गर्थ्यौं। कथा राम्रो छ र गीत पनि राम्रा छन्। दर्शक निराश हुनुुहुन्थेन,' गुरुङले भने। 
'जीवनलीला'को लगानी उठाउने अनिश्चित रहे पनि उनी आफूले विगतमा बनाएका सबै फिल्मले लगानी सुरक्षित गरेको दावी गर्छन्। 'मैले आफ्नै निर्माण तथा निर्देशनमा १८ वटा फिल्म बनाइसकेको छु र हरेक फिल्मले केही न केही नाफा कमाएर दिएका छन्,' उनले सुनाए। 
पोखरा, बागलुङ र छेउछाउका हलबाट प्रदर्शन गरेर केही पैसा आउने भए पनि विदेशमा हुने प्रदर्शनी र काठमाडौंमा हुने च्यारिटीले फिल्मको लगानी सुरक्षित हुँदै आएको उनको अनुभव छ।
तीन दर्जन फिल्ममा निर्देशकको रुपमा प्राप्त गरेको अनुभव 'जीवनलीला'मा पोखेको उनी बताउँछन्। फिल्ममा उति साह्रो चिनिएका कलाकार नभए पनि दर्शकले नेपाली मन र नेपालीपनको अनुभूत गर्ने उनको दावी छ। विनय लामा, गिरिप्रसाद पुन, सोनिया केसी आदि कलाकारको अभिनय गरेको फिल्मलाई पूर्णबहादुर राना र किरण चित्रकार मिलेर निर्माण गरेका हुन्।

प्रतिक्रिया

पचास वर्ष धकेलिए नारायण!

पचास वर्ष धकेलिए नारायण!

काठमाडौं– भूकम्पका कारण लेखक नारायण ढकालको नयाँ उपन्यास ‘वृषभ वध' विमोचन नगरीकनै बजारमा आएको छ। प्रकाशक फाइन प्रिन्टले विमोचनको तयारी गर्दै गर्दा भूकम्प आएको थियो। पाठकको मागका कारण पुस्तकलाई ढिलो...

सिनेमा हलमा दर्शक फर्कंदै

सिनेमा हलमा दर्शक फर्कंदै

काठमाडौं-महाभूकम्पको पराकम्पनले तर्साइरहे पनि सामान्य मर्मतसम्भारपछि केही सिनेमा हलहरु सुचारु हुन थालेका छन्। राजधानीका विश्वज्योति, गोपीकृष्ण मुभिज, पुष्पाञ्जली, क्युएफएक्स अन्तर्गतका जयनेपाल र कुमारी, बिग सिनेमा, राइजिङ मलस्थित क्युज सिनेमाज् लगायत...

परदेशिनेहरुका ‘जिम्दा सपना’

परदेशिनेहरुका ‘जिम्दा सपना’

काठमाडौं– राजधानीको कालिकास्थानस्थित सर्वनाम रंगमञ्चमा राज शाह लिखित–निर्देशित ‘जिम्दा सपना’ मञ्चन भइरहेको छ। नाटकले बोकेको कथाका कारण दर्शकहरुले यसलाई रुचाइरहेको निर्देशक राजले बताएका छन्। ‘हामीले भारी–भरकम कुनै विषय उठाएका छैनौँ,’...

‘अझै पनि' र ईशाको जम्काभेट

‘अझै पनि' र ईशाको जम्काभेट

काठमाडौं– नेपाली फिल्म ‘अझै पनि' युनिटले बलिउड अभिनेत्री ईशा देवललाई भेटेको छ। प्रचारप्रसारका लागि भ्रमणमा रहेको फिल्म टोलीले पोखराबाट फर्कने क्रममा कुरिनटारमा रहेकी ईशालाई सोमबार भेटेको हो। भेटमा ईशाले नेपाली...

मलिना बन्ने भो ‘झम्की'

मलिना बन्ने भो ‘झम्की'

काठमाडौं– पूर्व मिस नेपाल मलिना जोशी ‘ऋतु'पछि फेरि अर्को फिल्म ‘झुम्की'मा नायिका बन्ने भएकी छन्। सोमबार काठमाडौंको मण्डला थियटरमा निर्माण घोषणा भएको ‘झुम्की'बाट ‘ऋतु' फिल्मका एक निर्माता अपिल विष्ट निर्देशनमा...

सिम्पल र स्वीट 'जेरी'

सिम्पल र स्वीट 'जेरी'

यात्राले मान्छेलाई धेरै थोक सिकाउँछ। जेरीले पनि सिक्छ। मुस्ताङसम्म तन्किएको घुमफिरमा उसले थुप्रै हन्डर खान्छ र आफूलाई चिन्ने अवसर पाउँछ।मुस्ताङलाई फन्को लगाउने क्रममा जेरी (अनमोल केसी) र काठमाडौंकी किशोरी आकांक्षा...

रत्‍नजीत र सरादेवी च्याम्पियन

काठमाडौं- साविक विजेता रत्‍नजीत तामाङले चौथो पुष्पलाल स्मृति राष्ट्रिय र्याशङकिङ ब्याडमिन्टन प्रतियोगितामा उपाधि रक्षा गरेका छन्। आर्मीका रत्नजीतले आइतबारको फाइनलमा त्रिपुरेश्वरस्थित राष्ट्रिय खेलकुद परिषदको कभर्ड हलमा आफ्नै क्लबका विकास श्रेष्ठलाई...

सिनेमाण्डुमा सहाराको 'इन्द्रेणी खोज्दै जाँदा'

सिनेमाण्डुमा सहाराको 'इन्द्रेणी खोज्दै जाँदा'

काठमाडौं– निर्देशक सहारा शर्माको फिल्म 'इन्द्रेणी खोज्दै जाँदा'ले अन्तरक्रियात्मक कार्यक्रममा सहभागिता जनाएको छ। बुधबार राजधानीको नेपाल भारत पुस्तकालयमा आयोजित सिनेमाण्डुमा 'इन्द्रेणी खोज्दै जाँदा' फिल्म समेत प्रदर्शन गरियो। फिल्म प्रदर्शनसहित फिल्म...