Wednesday 13 Shrawn, 2072 |
Menu

कला

ist-cc

आशयभित्रका आशयहरु

(0 votes)
आशयभित्रका आशयहरु
काठमाडौं - दीपक खरेल र दीपक जङ्गमको बीचमा विजय सिवाकोटी। नेपाली सांगीतिक क्षेत्रका महारथीबीचका विजय एल्बम 'आशय' लिएर आउँदैछन्। आशयको आगमनसँगै गीती लेखनमा विजयले डेढसय रेकर्डिङको दूरी पार गरेका छन्। दुई दीपकबीचका दीप बनेका उनी आशय-२ मा पनि यही त्रिकोणीय टीमको आकांक्षा राख्छन्।

शाब्दिक अर्थ खोज्दा आशयको चार अर्थ हुन्छ : तात्पर्य, इच्छा, उद्देश्य र अभिप्राय। यी सबैमा विजयको लेखनी जोडिन्छ गहकिला गीतहरुसँग। बजारु लेखनबाट टाढा रहेका उनी आफ्ना गीत अनुसारकै गला र संगीत रोज्छन्। र, त्यही जोडिन्छन् नेपाली संगीतका दुई दीपक।


आशयको शब्द, स्वर र संगीत तयार भइसक्यो। सान्तना रिकर्डस् एल्बम वितरणका लागि जुटेको छ। 'छिटै नै संगीतप्रेमीबीच यी गीतहरु आउनेछन्,' सिवाकोटीले सुनाए, 'बाहिरबाट नै एल्बम तयार भएर आउँदैछ।'


सन् १९८७ मा सुनील उप्रेतीले गाएको 'बिहानी शीत बनी…' बाट लेखनी थालेका विजय लेखनीलाई शौखका रुपमा लिन्छन्। त्यसैले उनका गीत व्यापारिक हुँदैनन्। उनका गीतहरु फत्तेमान राजभण्डारी, प्रेमध्वज प्रधान, दीप श्रेष्ठ, दीव्य खालिङ, प्रकाश गुरुङ, ओमविक्रम विष्ट, नविन कु. भट्टराई, रामकृष्ण ढकाल र मोहन भुषालसम्मका स्वरमा सजिइसकेका छन्।


आशयमा उनी प्रेमी छन्। उनको प्रेम प्रकृतिसँग जोडिन्छ। जीवनसँगीसँग जोडिन्छ। देशसँग जोडिन्छ। त्यसैले उनको आशय सीमाहीन छ।

असार लाग्दै गर्दा उनको गीतले भन्छ:
सँगै हुँदा तिमी र म
परेको त्यो झरी
पर्दैछ फेरि त्यही झरी
यादमा त्यसै गरी

यादमात्र होइन यथार्थलाई पनि उनी फरक रुपमा स्वीकार्छन्। मिलन विछोडलाई शून्य दृष्टिकोणबाट हेर्छन्। लेख्छन् :
यतिधेरै दिनहरु यति धेरै रातहरु
एक्लो ठान्थे आफूलाई धेरै रैछन् साथहरु

प्रेममा गहिरिएका उनी गीतमा आफूलाई नै उभ्याउन पछि पर्दैनन्। त्यही गीतमा उनकी प्रेमिका पनि छिन्। उनको बोलले यही त खुलाउँछ : 'मेरो गीत मन पराउँछ्यौ
मेरो गीत तिमी सुन्छ्यौ
थाहा पाउँदिनौ तर त्यही गीतमा तिमी हुन्छ्यौ'


आशा निराशा, भावना, पीडाको गहिराई र त्यसलाई सहजै झेल्नुपर्ने सामाजिक यथार्थलाई उनले गीतमा उनेका छन्। उनको उनालाई कलात्मक बनाएका छन् दीपक जङ्गमले। त्यही कलात्मकतामा खेलेका छन् दीपक खरेल। आशयको आशय यहीमात्र नटुंगिने संकेत गरेको छ, यो प्रयासले।

प्रतिक्रिया

पचास वर्ष धकेलिए नारायण!

पचास वर्ष धकेलिए नारायण!

काठमाडौं– भूकम्पका कारण लेखक नारायण ढकालको नयाँ उपन्यास ‘वृषभ वध' विमोचन नगरीकनै बजारमा आएको छ। प्रकाशक फाइन प्रिन्टले विमोचनको तयारी गर्दै गर्दा भूकम्प आएको थियो। पाठकको मागका कारण पुस्तकलाई ढिलो...

सिनेमा हलमा दर्शक फर्कंदै

सिनेमा हलमा दर्शक फर्कंदै

काठमाडौं-महाभूकम्पको पराकम्पनले तर्साइरहे पनि सामान्य मर्मतसम्भारपछि केही सिनेमा हलहरु सुचारु हुन थालेका छन्। राजधानीका विश्वज्योति, गोपीकृष्ण मुभिज, पुष्पाञ्जली, क्युएफएक्स अन्तर्गतका जयनेपाल र कुमारी, बिग सिनेमा, राइजिङ मलस्थित क्युज सिनेमाज् लगायत...

परदेशिनेहरुका ‘जिम्दा सपना’

परदेशिनेहरुका ‘जिम्दा सपना’

काठमाडौं– राजधानीको कालिकास्थानस्थित सर्वनाम रंगमञ्चमा राज शाह लिखित–निर्देशित ‘जिम्दा सपना’ मञ्चन भइरहेको छ। नाटकले बोकेको कथाका कारण दर्शकहरुले यसलाई रुचाइरहेको निर्देशक राजले बताएका छन्। ‘हामीले भारी–भरकम कुनै विषय उठाएका छैनौँ,’...

‘अझै पनि' र ईशाको जम्काभेट

‘अझै पनि' र ईशाको जम्काभेट

काठमाडौं– नेपाली फिल्म ‘अझै पनि' युनिटले बलिउड अभिनेत्री ईशा देवललाई भेटेको छ। प्रचारप्रसारका लागि भ्रमणमा रहेको फिल्म टोलीले पोखराबाट फर्कने क्रममा कुरिनटारमा रहेकी ईशालाई सोमबार भेटेको हो। भेटमा ईशाले नेपाली...

मलिना बन्ने भो ‘झम्की'

मलिना बन्ने भो ‘झम्की'

काठमाडौं– पूर्व मिस नेपाल मलिना जोशी ‘ऋतु'पछि फेरि अर्को फिल्म ‘झुम्की'मा नायिका बन्ने भएकी छन्। सोमबार काठमाडौंको मण्डला थियटरमा निर्माण घोषणा भएको ‘झुम्की'बाट ‘ऋतु' फिल्मका एक निर्माता अपिल विष्ट निर्देशनमा...

सिम्पल र स्वीट 'जेरी'

सिम्पल र स्वीट 'जेरी'

यात्राले मान्छेलाई धेरै थोक सिकाउँछ। जेरीले पनि सिक्छ। मुस्ताङसम्म तन्किएको घुमफिरमा उसले थुप्रै हन्डर खान्छ र आफूलाई चिन्ने अवसर पाउँछ।मुस्ताङलाई फन्को लगाउने क्रममा जेरी (अनमोल केसी) र काठमाडौंकी किशोरी आकांक्षा...

रत्‍नजीत र सरादेवी च्याम्पियन

काठमाडौं- साविक विजेता रत्‍नजीत तामाङले चौथो पुष्पलाल स्मृति राष्ट्रिय र्याशङकिङ ब्याडमिन्टन प्रतियोगितामा उपाधि रक्षा गरेका छन्। आर्मीका रत्नजीतले आइतबारको फाइनलमा त्रिपुरेश्वरस्थित राष्ट्रिय खेलकुद परिषदको कभर्ड हलमा आफ्नै क्लबका विकास श्रेष्ठलाई...

सिनेमाण्डुमा सहाराको 'इन्द्रेणी खोज्दै जाँदा'

सिनेमाण्डुमा सहाराको 'इन्द्रेणी खोज्दै जाँदा'

काठमाडौं– निर्देशक सहारा शर्माको फिल्म 'इन्द्रेणी खोज्दै जाँदा'ले अन्तरक्रियात्मक कार्यक्रममा सहभागिता जनाएको छ। बुधबार राजधानीको नेपाल भारत पुस्तकालयमा आयोजित सिनेमाण्डुमा 'इन्द्रेणी खोज्दै जाँदा' फिल्म समेत प्रदर्शन गरियो। फिल्म प्रदर्शनसहित फिल्म...