काठमाडौँ, फागुन २४ (नागरिक) हलिउडमा ८२ औँ अस्कर अवार्डमा जेफ ब्रिजेसले उत्कृष्ट अभिनेता र सान्द्रा बुलकले उत्कृष्ट अभिनेत्रीको उपाधि जितेका छन्। क्रेजी हर्ट फिल्ममा गरेको अभिनयका लागि जेफले र  द ब्लाइन्ड साइडका लागि सान्द्राले अवार्ड जितेका हुन्। उत्कृष्ट चलचित्रको अवार्ड द हर्ट लकरले जित्यो।

नेपालमा बसिरहेका प्रवासी भारतीय  युवतीबीच भएको  सौन्दर्य प्रतियोगिताको उपाधि वत्सला शर्मा (बीचमा)ले जितिन्। शनिबार लाजिम्पाटमा भएको प्रतियोगितामा आइमन खान (दायाँ)  दोस्रा र मंगोलिका चक्रवर्ती तेस्रो भइन्। प्रतियोगिताकी विजेताले प्रवासी भारतीयहरु सहभागी हुने मिस इन्डिया वर्ल्डवाइडमा सहभागी हुन पाउने छन्।  फोटोः दीपेश श्रेष्ठ

दीपेन्द्र लामा, काठमाडौं, फागुन २१- फिल्मको मौसम छिनछिनमा अदलीबदली हुन्छ। किनभने यसमा भिलेनहरू सधैं खतराको बादल बोकेर घुमिरन्छन्। त्यो बादल उनीहरूले कहाँ, कहिले र कसलाई ठोक्काउने हुन्, भन्न सकिन्न।

'दिलमाया' नामको फिल्ममा पनि त्यसरी खतराको बादल मडार्दै हिँड्ने एउटा भिलेन छ, राजु गिरी। राजुको गुन्डागिरीको सुटिङ काठमाडौंको चोभारमा बुधबार हुँदैथियो। उनको कर्तुतले अशोक फुयाल र अरुणिमा लम्सालको जोडीमाथि खतराको बादल गर्जिन्छ। प्रेममा अन्धा भएका यी जोडी राजुको पासोमा पर्छन्।

जेनेभा, फागुन २१ (एजेन्सी)- कोलम्बियन गायिका साकिरा महात्मा गान्धीको सिद्धान्तबाट प्रेरित भएकी छिन्। समाज र बालबालिकका पक्षमा उनले गरेको योगदानका लागि इन्टरनेसनल लेबर अर्गनाइजेसन (आइएलओ)ले बिहीबार दिएको 'सोसियल जस्टिस फर पिस' मेडल ग्रहण कार्यक्रममा उनले गान्धीको मार्ग पछ्याएको बताइन्।

गान्धीले भन्थे, 'परिवर्तन आफैंबाट सुरू गर, मैले उनको भनाईलाई पछ्याएको मात्र हो,' उनले भनिन्। अन्तराष्ट्रिय सामाजिक न्याय दिवसको अवसर पारेर उनलाई अवार्ड दिने कार्यक्रममा उपस्थित दर्शकले 'शान्तिका लागि सामाजिक न्याय' लेखिएको टिसर्ट लगाएका थिए।

यो कुनै प्रतियोगिता होइन र यसमा पुरस्कारको व्यवस्था छैन। तर, अर्को फरक छुट्टयाउन रमाइलो हुने तस्बिर हामीले पाएका छौँ। तलका दुई तस्बिरमा एउटा हिरोइन रेखा थापाले निर्माण र अभिनय गरेको प्रदर्शोन्मुख फिल्म 'हिफाजत'को पोस्टर हो जसलाई आइडियल डिजाइनर्सले डिजाइन गरेको हो भने अर्को सन् २००७ मा आएको हलिउड फिल्म 'रेसिडेन्ट इभिल, एक्स्टिङ्कसन'को पोस्टर हो। र, यो पोस्टरमा देखिएकी हिरोइन मिला जोभोभिक हुन्। यी दुई तस्बिरमा केही फरक छन्। तपाईँ छुट्याउन सक्नुहुन्छ ?

किरण पुन, काठमाडौं, फागुन २०- आफ्नो पार्टी नेकपा मसालका महामन्त्री मोहनविक्रम सिंहले माओवादी जनयुद्धको विरोध गरिरहेका बेला जीवन शर्माले यसका पक्षमा गीत लेखेका थिए जसका कारण नेता अर्धभूमिगत भएको पार्टीका कार्यकर्ता जीवन पूर्णभूमिगत भएका थिए। नयाँ संविधान जारी गर्ने समय नजिँकिदै गर्दा अब यी दुई नेता कार्यकर्ता मिलेर नयाँ गीति एल्बम ल्याउने तयारी गरिरहेका छन्।

लस एञ्जल्स, फागुन १९ (एजेन्सी)- हलिउड स्टारहरू संसारकै सबभन्दा बढी लोकप्रिय कलाकार मानिन्छन्। एन्जलिना जोली, ब्रड पिट, टम क्रुज र जुलिया रोबर्टसजस्ता हलिउड स्टार लोकप्रिय भए पनि प्रभावशाली भने छैनन्।

प्रसिद्ध म्यागजिन फोर्ब्सले सोमबार आफ्नो अनलाइन संस्करणमा प्रकाशन गरेको सर्वेक्षणको नतिजा अनुसार स्टारभन्दा निर्देशक बढी प्रभावशाली छन्। अमेरिकाका ५ हजार सेलिब्रिटीमध्ये प्रभावशाली खोज्न गरिएको सर्वेक्षणमा कुनै पनि हलिउड स्टार १० प्रभावशालीमा छैनन्। प्रभावशाली ५ मा दुई टेलिभिजन कार्यक्रम संचालक, दुई फिल्म निर्देशक र एक गायक परेका छन्। यो सर्वेक्षण इपोल मार्केट रिसर्चले गरेको हो।

पोखरा, फागुन १८ (नागरिक)- नेपालमा पहिलोपटक हुन लागेको ह्यान्डसम नेपालको पोखरा अडिसन सम्पन्न भएको छ। पोखरा अडिसन अन्तर्गत शनिबार भएको 'फस्ट मिस्टर ह्यान्डसम पोखरा' को उपाधि दिवेन्द्र कार्कीले हात पारेका छन् भने अनिल खड्का फस्ट रनर अप र अरुण गिरी सेकेन्ड रनर अप घोषित भए।

दुई वर्षदेखि पोखरा विश्वविद्यालयमा प्राध्यापनरत २७ वर्षीय कार्कीले विभिन्न चरण पार गर्दै विजेता हुन सफल भएका हुन्। सञ्जीवनी मिडिया सर्भिसेज काठमाडौँको सहकार्य, र माछापुच्छ्रे एफएमको सहयोगमा भिजुयल जोन पोखराद्वारा आयोजित प्रतियोगितामा ह्यापी विक्रम मल्लले बेस्ट पर्सनालिटीको उपाधि जिते, कमल भण्डारीले बेस्ट ड्रेस ट्यालेन्ट र राजु नेपालीले बेस्ट वाकको उपाधि हात पारे।