Tuesday 22 Ashad, 2072 |
Menu

अर्थ

ist-cc

२२ करोडमा निगमले ६ इन्जिन साट्ने

(0 votes)
काठमाडौं — राष्ट्रिय ध्वजावाहक नेपाल वायुसेवा निगमले अधिकतम २२ करोड रुपैयाँसम्म खर्च गरी जहाजका ६ थान जगेडा इन्जिन साट्ने भएको छ। इन्जिन भारत र अमेरिकाका कम्पनीसँग साट्न लागिएको हो।
तीमध्ये चार इन्जिन भारतको बर्मन एभिएसन प्रालिले तथा दुई थान भने अमेरिकाको साउथवेस्ट एयर मोटिभ कम्पनीले साट्न पाउने भएको हो। सबै इन्जिन आन्तरिक उडान गर्ने ट्विनअटर जहाजका हुन्।

'चार थान इन्जिन साट्न भारतीय कम्पनी बर्मनसँग सम्झौता भइसकेको छ,' निगमका कर्पोरेट डाइरेक्टर तथा प्रवक्ता गणेशबहादुर चन्दले आइतबार नागरिकसँग भने, 'दुई थान साट्न यसअघि नै र बाँकी दुईका लागि केही दिनअघि सम्झौता भएको हो ।'

यसका लागि निगम व्यवस्थापनले त्रिभुवन अन्तर्राष्ट्रिय विमानस्थलमा लामो समयदेखि 'ग्राउन्डेड' आफ्ना दुइटा ट्विनअटरका चार थान इन्जिन र उडान गरिरहेको एउटा ट्विनअटरको दुई इन्जिन सम्बद्ध कम्पनीलाई दिएर 'ओभरहल' (पूर्णमर्मत) गरिएका इन्जिन ल्याउन लागेको हो ।

इन्जिन साट्नका लागि निगमले जेठ पहिलो साता आह्वान गरेको अन्तर्राष्ट्रिय टेन्डर जितेर बर्मनले दुई तथा दोस्रो पटक मागिएको टेन्डर जितेर बर्मनले थप दुई र बाँकी दुई अमेरिकी कम्पनीले साट्न पाउने भएका हुन् ।

इन्जिन साट्ने भनिए पनि निगमले खर्च भने बेहोर्नुपर्छ । ६ थान इन्जिनका लागि निगमले न्यूनतम १५ लाख अमेरिकी डलर (१५ करोड ५५ लाख ५० हजार रुपैयाँ) देखि अधिकतम २१ लाख डलर (२१ करोड ७७ लाख ७० हजार रुपैयाँ) सम्म खर्च गर्नुपर्ने सम्बद्ध एक अधिकारीले जानकारी दिए ।

उनका अनुसार एउटा इन्जिन साट्न २ लाख ५० हजारदेखि ३ लाख ५० हजार डलर खर्च लाग्छ । भारतीय र अमेरिकी कम्पनीले निगमका इन्जिन लगेर ओभरहल गरिएका इन्जिन दिनेछन् । निगमकै इन्जिन मर्मत गर्न भने उक्त परिमाणबराबरको खर्च लाग्नेछ ।

'आन्तरिक उडानलाई थप विश्वसनीय बनाउन र सकेसम्म बढी उडान गर्न दुईटा जहाज थप्ने उद्देश्यले इन्जिन साट्न लागिएको हो,' उनले भने, 'आगामी दसैंसम्ममा तीनवटा ट्विनअटरबाट उडान गर्ने लक्ष्इ छ ।'

दुईमध्ये एक ट्विनअटर गत जेठ ३ गते मुस्ताङको जोमसोममा दुर्घटनाग्रस्त भएपछि निगमले हाल १९ सिट क्षमताको एउटा ट्विनअटरबाट २६ आन्तरिक गन्तव्यमा उडान गरिरहेको छ । यिनमा अधिकांश दुर्गम भेगका गन्तव्य छन् । अब थप्न खोजिएको जहाज पनि यस्तै ट्विनअटर नै हुन् । निगमसँग रहेका ट्विनअटर ४० वर्षभन्दा बढी उमेरका हुन् । सबै क्यानडामा बनेका हुन् ।

'सम्झौता गरेको ५० दिनभित्र ती कम्पनीले हामीलाई इन्जिन दिनुपर्छ,' उनले भने, 'बर्मनसँग चारवटै इन्जिन साट्न सम्झौता भइसकेको छ भने साउथवेस्टसँग एक–दुई दिनभित्रै सम्झौता हुन्छ ।'

निगमले हाल पिसिइ ४०४२१, पिसिइ ४१२१८, पिसिइ ४१८१३ र पिसिइ ४२२७५ कोर युनिटका चार इन्जिन साट्न लागेको हो । यसअघि जेठ १ गते ६ वटा इन्जिन साट्न आह्वान गरिएको ग्लोबल टेन्डरमा सहभागी भएको भारतीय बर्मनले दुइटा इन्जिन साट्न पाइसकेको छ । बाँकी चारवटा इन्जिनका लागि भने टेन्डरअनुसार कसैको पनि सर्त पूरा नभएपछि पुनः टेन्डर आह्वान गरिएको थियो । 'हाम्रा ६ थान इन्जिन लैजान्छन् र उनीहरूले ओभरहल गरेर राखेको इन्जिन पठाउँछन्,' ती अधिकारीले भने ।

आफैंले इन्जिन ओभरहल गर्न ६ देखि आठ महिना लाग्ने भएका कारण निगमले इन्जिन साट्ने योजना ल्याएको हो । निगमले भने ट्विनअटरका इन्जिन एउटालाई ४ हजार घन्टा उडाएपछि ओभरहल गर्दै आएको छ ।

एक दशकदेखि त्रिभवुन विमानस्थलमा ग्राउन्डेडमध्ये दुईवटा ट्विनअटरलाई निगमले निजी क्षेत्रको आन्तरिक वायुसेवा कम्पनी तारा एयरलाई भाडामा दिएको छ । तीमध्ये एउटा जहाज दुर्घटनामा परिसकेको छ । सरकारले तोकेको भाडा दरमा उडान गर्नुपर्दा निगमले आन्तरिक उडानमा पर्याप्त आम्दानी गर्न सकेको छैन।

ठूलो जहाज ग्राउन्डेड

अन्तर्राष्ट्रिय उडान गरिरहेको नेपाल वायुसेवा निगमको एउटा ठूलो जहाज त्रिभुवन अन्तर्राष्ट्रिय विमानस्थलमा 'ग्राउन्डेड' भएको छ। जहाजको एन्टेनामा समस्या आएपछि जहाज थन्किएको हो।

निगमको बोइङ ७५७ ९एन एसिबी जहाज शनिबार ग्राउन्डेड भएको हो । 'एन्टेनामा समस्या उत्पन्न भएपछि जहाज ग्राउन्डेड गर्नुपर्‍यो,' सम्बद्ध एक अधिकारीले आइतबार नागरिकसँग भने, 'जगेड एन्टेना नभएकाले बेलायतबाट सामान मगाएका छौं । सोमबार जडान भएपछि उडान सुचारू हुन्छ ।'

शनिबार जहाज ग्राउन्डेड भएपछि निगमको क्वालालम्पुर उडान रद्द भएको थियो । सोमबार राति यो जहाजलाई क्वालालम्पुर लाने तालिका बनाइएको ती अधिकारीले जानकारी दिए।
बुढीगण्डकीको कार्यकारी निर्देशकमा बस्नेत, नलसिंङगाडमा अझै नियुक्ति हुन सकेन

बुढीगण्डकीको कार्यकारी निर्देशकमा बस्नेत, नलसिंङगाडमा अझै नियुक्ति हुन सकेन

काठमाडौं– सरकारले बुढीगण्डकी जलविद्युत् आयोजना विकास समितिको कार्यकारी निर्देशक नियुक्त गरेको छ। सोमबार बसेको मन्त्रिपरिषद् बैठकले यसअघि ऊर्जा मन्त्रालयले निमित्त कार्यकारी निर्देशकको जिम्मेवारी दिएको गोपालबहादुर बस्नेतलाई नै कार्यकारी निर्देशक नियुक्त...

पाँचतारे होटलमा ४० प्रतिशतसम्म कर्मचारी बिदामा

पाँचतारे होटलमा ४० प्रतिशतसम्म कर्मचारी बिदामा

काठमाडौं-विनाशकारी भूकम्पपछि मुलुकका अधिकांश पाँचतारे होटलले ३० देखि ४० प्रतिशत कर्मचारीलाई छुट्टी दिएका छन्। पोखराको एउटा पाँचतारेले भने ८० प्रतिशत कर्मचारीलाई बिदामा पठाएको छ।

पूर्वाधार निर्माणमा निजी क्षेत्रसँग सहकार्य

पूर्वाधार निर्माणमा निजी क्षेत्रसँग सहकार्य

काठमाडौं– नेपाल उद्योग वाणिज्य महासंघका कार्यवाहक उपाध्यक्ष पशुपति मुरारकाले भूकम्पले क्षति पुर्याौएका भौतिक पूर्वाधार पुनर्निर्माणका लागि सरकारले निजी क्षेत्रसँग सहकार्य गर्नुपर्ने बताएका छन्।

पदमार्गको अवस्था बुझ्दै विदेशी विज्ञ

पदमार्गको अवस्था बुझ्दै विदेशी विज्ञ

पोखरा- भूकम्पपछि अन्नपूर्ण पदमार्ग क्षेत्र सुरक्षित रहे, नरहेको बुझ्न विज्ञसहितको टोलीले अध्ययन थालेको छ। टोलीले अन्नपूर्ण क्षेत्रका विभिन्न भागमा पुगेर अध्ययन गरिरहेको छ। अन्नपूर्ण संरक्षण क्षेत्र आयोजना (एक्याप)को संयोजनमा टोलीले...

खेत बाँझै छाडेर धान दिवस

खेत बाँझै छाडेर धान दिवस

काठमाडौं- असार १५ को अवसरमा देशभर औपचारिक कार्यक्रम गरेर धान दिवस मनाइए पनि पानी अभावमा निकै कम मात्र रोपाइँ भएका समाचार प्राप्त भएका छन्। धान दिवसमा काठमाडौंका पर्यटन व्यवसायीले कागेश्वरी...

एसियाली पूर्वाधार बैंकमा नेपालको ८ अर्ब

एसियाली पूर्वाधार बैंकमा नेपालको ८ अर्ब

हङकङ-भूकम्पपछि पुनर्निर्माणमा लगानीको नयाँ स्रोत हुने ठानिएको एसियाली पूर्वाधार लगानी बैंकको सम्झौता पत्रमा नेपालले हस्ताक्षर गरेको छ। सोमबार बिहान बेइजिङस्थित ग्रेट हल अप पिपलमा आयोजित समारोहमा अर्थमन्त्री रामशरण महतले नेपाल...

अग्निका जहाज लिलामीमा शून्य प्रस्ताव

अग्निका जहाज लिलामीमा शून्य प्रस्ताव

काठमाडौं- तीनवटा बैंक तथा वित्तीय संस्थाले आफ्नो ऋण उठाउन अग्नि एयरका पाँच थान जहाज लिलाम गर्न गरेको प्रयास असफल भएको छ। तोकिएको मितिभित्र गोप्य शिलबन्दी बोलपत्र प्रक्रियामार्फत जहाज लिलाम गर्ने...

५७ अर्ब डलरमा ४२१ थान जहाज अर्डर

५७ अर्ब डलरमा ४२१ थान जहाज अर्डर

पेरिस-युरोपेली जहाज निर्माता कम्पनी एयरबसले एकैपटक ५७ अर्ब अमेरिकी डलर (५७ खर्ब रुपैयाँ) बराबरको जहाज खरिद अर्डर प्राप्त गरेको छ। यति परिमाणको रकमबाट एयरबसले ४ सय २१ थान जहाज निर्माण...