Thursday 13 Jestha, 2073 |
Menu

अर्थ

republica-headerdiscount-subscribe1

istl

'हठले रंगेली घटना'

(0 votes)
'हठले रंगेली घटना'
विराटनगर- तीन जनाको ज्यान जाने गरी रंगेली र डायनियामा भएको घटना दुवैको हठले भएको भन्दै मोरङका राजनीतिक दलले सत्तासीन नेकपा एमाले र आन्दोलनरत मधेसी मोर्चाको आलोचना गरेका छन्। एकै दिन र एउटै समयमा कार्यक्रम आयोजना गर्न दिनुमा प्रशासनको समेत कमजोरी रहेको दलहरूको भनाइ छ।
nepali-patro-may
एमाले र मधेसी मोर्चा दुवैले रंगेलीको कार्यक्रमलाई 'जुँगाको लडाइँ' बनाएको भए पनि प्रशासनले पूर्व सतर्कता नअपनाएको उनीहरूको आरोप छ। शुक्रबार जिल्ला प्रशासन कार्यालय मोरङमा बसेको सर्वदलीय बैठकले रंगेली घटनापछि साम्प्रदायिक सद्भाव खल्बल्याउने र पहाडी–मधेसी समुदायबीच तुस फिँजाउने तत्व सक्रिय रहेकाले सबै पक्ष जिम्मेवार हुनुपर्ने सुझावसमेत दिइयो।

मधेसीबहुल क्षेत्रमा जानाजान कार्यक्रम गर्नु एमालेको र अरु पार्टीलाई आफ्नो पकड क्षेत्रमा निषेध गर्ने मोर्चाको हठले रंगेली रणभूमि बनेकोमा दलका प्रतिनिधिले आक्रोस पोखे। प्रमुख जिल्ला अधिकारीले बोलाएको सर्वदलीय बैठकमा सहभागी विभिन्न राजनीति दलका प्रतिनिधिले सत्ताको उन्माद र मधेसी मोर्चाको हठका कारण रंगेली घटना भएको बताए। उनीहरुले अहिलेको अवस्थामा रंगेलीमा कार्यक्रम आयोजना गर्नु एमालेको ठूलो कमजोरी रहेको बताए।

सत्तासीन नेकपा एमालेको भातृ संगठन युवा संघले बिहीबार रंगेलीमा आयोजना गरेको मधेस जागरण अभियानलाई मधेसी मोर्चाले बिथोल्न खोज्दा भएको झडपमा प्रहरी गोली लागेर तीनजनाको मृत्यु भएको थियो। 'मधेसी मोर्चालाई उर्लाबारीमा कार्यक्रम गर्न समस्या छ, त्यो थाहा हुँदाहुँदै त्यहाँ कार्यक्रम गर्नु निहुँ खोज्नु हो,' नेकपा–माओवादीका संयोजक कुशल लिम्बूले भने, 'त्यस्तै एमालेलाई रंगेली र क्रसियामा कार्यक्रम गर्न समस्या छ, त्यो थाहा हुँदाहुँदै पनि कार्यक्रम गरियो।' उनले रंगेलीमा कार्यक्रम गरेर एमालेले जानीजानी निहुँ खोजेको आरोप लगाए।

कांग्रेसका सचिव यदु विष्ट, मधेसी जनअधिकार फोरम (लोकतान्त्रिक) का सांसद पवन सारडा, राप्रपाका सुरेन्द्र थापा लगायतले रंगेली घटना दुःखद् रहेको बताए। उनीहरुले एमाले र मोर्चाको जुँगाको लडाइँका कारण रंगेलीमा तीनजनाको ज्यान गएको बताए। नेकपा एमालेका अध्यक्ष महेश रेग्मीले लोकतान्त्रिक पद्धतिमा कसैको कार्यक्रम बिथोल्नु गैरजिम्मेवार कार्य भएको बताए।

राप्रपाका थापाले रंगेली घटनापछि आफ्नो पार्टी आक्रोसित बनेको सुनाए। रंगेलीमा गोली लागेर मृत्यु भएकी द्रौपतीदेवी चौधरी राप्रपा कार्यकर्ता हुन्। द्रौपतीका श्रीमान कृष्ण राप्रपाका गाउँ एकाइ सदस्य हुन्। रंगेलीमा एकैदिन एमाले र मोर्चाले कार्यक्रम जुधाएपछि यसअघिको सर्वदलीय बैठकले एमालेलाई कार्यक्रम रोक्न सुझाव दिएको थियो।

अध्ययन समिति गठन

रंगेली घटना अध्ययनका लागि एकीकृत नेकपा माओवादीका सांसद शिवकुमार मण्डलको संयोजकत्वमा समिति गठन गरिएको छ। १० सदस्यीय समितिले रंगेली घटना हुनुको कारण र त्यसको समाधानबारे अध्ययन गर्ने मोरङमा प्रमुख जिल्ला अधिकारी तोयम रायले जानकारी दिए।

जिल्ला प्रशासन कार्यालय मोरङको सभाहलमा शुक्रबार बिहान आयोजना गरिएको बैठकले सांसद मण्डलको संयोजकत्वमा समिति गठन गरेको हो। समितिमा नेकपा एमालेका मोरङ अध्यक्ष महेश रेग्मी, नेपाली कांग्रेसका सचिव यदु विष्ट, राप्रपा नेपाल, सद्भावना पार्टी, इन्सेक, मानवअधिकार आयोग, पत्रकार महासंघ लगायतलाई राखिएको छ। समिति संयोजक मण्डल रंगेलीकै निर्वाचन क्षेत्रबाट निर्वाचित सांसद हुन्।

'समितिले रंगेली घटना हुनुको कारण पत्ता लगाउने छ,' मोरङका प्रमुख जिल्ला अधिकारी रायले भने, 'समिति घटनास्थलमै गएर अध्ययन गर्नेछ।' उनले रंगेलीको स्थिति सामान्य बनाउन पनि समितिले भूमिका निर्वाह गर्ने बताए। समितिलाई समयसीमा तोकिएको छैन। प्रमुख जिल्ला अधिकारीले बोलाएको सर्वदलीय बैठक भने मधेसी मोर्चाले बहिष्कार गर्योत।

मोर्चाको घटक संघीय समाजवादी फोरम मोरङका अध्यक्ष राजकुमार यादवले अध्ययन समिति देखावटी भएको प्रतिक्रिया दिए। 'अध्ययन समिति देखावटी हो, यसले निष्पक्ष छानबिन गर्न सक्दैन,' यादवले भने, 'न्यायिक समितिमार्फत रंगेली घटना छानबिन हुनुपर्छ।' उनले प्रमुख जिल्ला अधिकारीद्वारा गठित अध्ययन समितिलाई छानबिन गर्न रंगेली र डायनिया प्रवेशमा रोकसमेत लगाइएको बताए।

जानकारी नदिएको कार्यक्रम रोकिने

मोरङका प्रमुख जिल्ला अधिकारी रायले प्रशासनलाई जानकारी नगराई कुनै पनि राजनीति कार्यक्रम गरिए, त्यो रोकिने बताएका छन्। रंगेलीमा एकै दिन, एकै समयमा एमाले र मधेसी मोर्चाले तय गरेको कार्यक्रमबारे प्रशासन जानकार थियो कि थिएन? भन्ने राजनीति दलका प्रतिनिधिको प्रश्नमा रायले भने, 'अब प्रशासनलाई जानकारी नदिइएको कार्यक्रम हामी रोक्छौं।'

उनले प्रशासनको निर्णय अप्रिय लागे पनि सुरक्षा दृष्टिकोणले जानकारी नगराइएको कार्यक्रम हुन नदिने बताए। राजनीति दलले गर्ने हरेक प्रकारको कार्यक्रमबारे प्रशासनमा जानकारी गराउनुपर्ने उनको भनाइ थियो

प्रतिक्रिया

मलेसियाबाट रेमिटेन्स आप्रवाह स्थिर

मलेसियाबाट रेमिटेन्स आप्रवाह स्थिर

मलेसिया- श्रम स्वीकृति लिएर सबभन्दा धेरै नेपाली कामदार आएको मलेसियाबाट स्वदेश जाने रेमिटेन्स पहिलोपटक स्थिर अवस्थामा पुगेको छ। पछिल्लो ४–५ वर्षयता निरन्तर नेपाल पठाउने रेमिटेन्स वृद्धि भइरहेको बेला चालु आर्थिक...

भएभरका योजनालाई राष्ट्रिय गौरव भनेर हुँदैन

भएभरका योजनालाई राष्ट्रिय गौरव भनेर हुँदैन

काठमाडौं–बजेट आर्थिक दस्तावेज मात्र नभई राजनीतिक दस्तावेज पनि हो । बजेट मुलुकका समस्या समाधान गर्नेतर्फ केन्द्रित हुनुपर्छ । यतिखेर नेपालमा रोजगारीको चरम अभाव छ । गरिबीका कारण ठूलो संख्याका युवा...

गिरान्चौर बस्तीलाई अमेरिकाबाट नुवाकोटे दिण्डुको ६ लाख

गिरान्चौर बस्तीलाई अमेरिकाबाट नुवाकोटे दिण्डुको ६ लाख

काठमाडौं– गिरान्चौर एकीकृत बस्ती निर्माणका लागि दिण्डु लामा ह्योल्मोले ६ लाख ६ हजार ६ सय ६ रुपैयाँ सहयोग गरेका छन्।  

हिमालय एयरलाइन्सले जेठ १८ देखि दोहाको सिधा उडान गर्ने (भिडियो)

हिमालय एयरलाइन्सले जेठ १८ देखि दोहाको सिधा उडान गर्ने (भिडियो)

काठमाडौं— नेपाल चीन संयुक्त लगानीको हिमालय एयरलाइन्सले १८ जेठ (३१ मे) देखि काठमाडौं—दोहा रुटमा दैनिक सिधा उडान गर्ने भएको छ। हिमालयको एयरबस ३२०—२१४ जहाज काठमाडौंबाट राति ११ बजे उड्नेछ भने...

अवरोध पश्चात बैंकहरुको कर्जामा वृद्धि

अवरोध पश्चात बैंकहरुको कर्जामा वृद्धि

२९ वटै वाणिज्य बैंकहरुले चालु आवको तेस्रो त्रैमास (चैत मसान्तसम्म)को वित्तीय विवरण सार्वजनिक गरिसकेका छन्। एक दुई अपावादलाई छाड्ने हो भने सबै वाणिज्य बैंकले विनाशकारी भूकम्पलगत्तै लामो तराई–मधेस आन्दोलन र...

विदेशी कब्जामा बिजुली-नदी

काठमाडौं- अधिंकाश ठूला जलविद्युत आयोजना निर्माण जिम्मा लिएका विदेशी कम्पनीले दशकौंदेखि नदी तथा खोला कब्जामा राखेका छन्। बिजुली उत्पादन नहुँदा नेपाली भने दैनिक १५ घन्टासम्म लोडसेडिङ झेल्दै अँध्यारोमा बाँच्न बाध्य...

पर्यटन प्रवर्द्धन गर्न 'मिसन कोरला–२०१६'

पर्यटन प्रवर्द्धन गर्न 'मिसन कोरला–२०१६'

पोखरा– नेपाल पर्यटन बोर्डको सहयोग एवम् पोखरा पर्यटन परिषद्को संयोजनमा पर्यटन प्रवर्द्धन गर्ने उद्देश्यका साथ पोखरादेखि नेपाल चीनबीचको नाका कोरलासम्मको ५ दिवशीय अवलोकन भ्रमण गरिने भएको छ।  

प्राथमिकता निर्धारण गरी कार्यक्रम ल्याऊ : निजी क्षेत्र

प्राथमिकता निर्धारण गरी कार्यक्रम ल्याऊ : निजी क्षेत्र

वीरगन्ज- पछिल्लो पटक ६ महिने मधेस आन्दोलन र साढे चार महिना चलेको सिमानाका बन्दको प्रत्यक्ष मार खपेको मुलुककै प्रमुख औद्योगिक तथा व्यापारिक नगर वीरगन्जका निजी क्षेत्रका अगुवासँग नेपाल रिपब्लिक मिडियाले...