Tuesday 11 Jestha, 2073 |
Menu

अर्थ

republica-headerdiscount-subscribe1

istl

प्युठानको हर्बल साबुन जापान निर्यात

(0 votes)
प्युठान - जिल्लामा उत्पादित 'हर्बल साबुन' जापानसम्म पुगेको छ। घरेलु र स्थानीय स्रोत साधनको प्रयोग गरी बनाइने यो साबुन पछिल्लो केही वर्षदेखि जापान निर्यात हुन थालेको हो।
nepali-patro-may

मरन्ठाना–१, गुरीगाउँमा रहेको उद्योगले गाउँमै पाइने नीम, ध्यूकुमारी, च्यूरी र तेल प्रयोग गरी साबुन बनाउने गरेको सञ्चालक दुर्गा केसीले बताइन्। त्यसमा लाग्ने केस्टर तेल, जैविक सुगन्धित, कास्टिक सोडा जस्ता केही कच्चा पदार्थ भने जिल्ला बाहिरबाट ल्याउने गरेको उनले बताइन्।
प्राकृतिक वस्तुबाट साबुन उत्पादन गरिएकोले गाउँदेखि जापानसम्मै यसको लोकप्रियता बढेको उनी बताउँछिन्। सामान्य घरेलु उद्योगबाट उत्पादन गरे पनि यसमा प्रयोग गरिने सामग्रीकै कारण जापानीहरुको रोजाइमा परेको उनले बताइन्।
यसले छालाको चाउरी, खस्रोपन, दाग, चाया हटाउने र कपाल चम्किलो र नरम बनाउने भएकाले जापानमा माग बढेको केसीले बताइन्। यो साबुनबारे थाहा पाएर देश, विदेशका मान्छे अवलोकनका लागि आउँदा खुसी लागेको उनको भनाइ छ।
लघु उद्यमको परामर्शमा तालिम लिएर उद्योग खोलेकी उनले जापानमा साबुन पुगेपछि उनीहरुकै सल्लाहमा अझ गुणस्तरीय उत्पादन गरिरहेको बताइन्। कक्षा–८, सम्म पढेकी केसीले २०५९ सालमा ४० हजारको लगानीमा झिमरुक हर्बल साबुन उद्योग खोलेकी थिइन्। यहाँ उत्पादित साबुन चितवनका व्यापारी, काठमाडौं र कीर्तिपुरको महागुठीमार्फत जापान पुगेको उनले जानकारी दिइन्।
विभिन्न साइजमा साबुन बनाउँदै आएकी केसीले जापान पठाउन ११ इन्च लम्बाइ, साढे ३ इन्च चौडाइ र साढे १ इन्च मोटाइको साबुन उत्पादन गर्दै आएको बताइन्। महिनामा लगभग ५ सय दर्जन साबुन जापानमा निर्यात भइरहेको छ।
साबुन जापान निर्यात हुन थालेपछि घरेलु उद्यमी केसीको दिनचर्या र जिवनशैली बदलिएको छ। प्रतिगोटा २२ रुपैयाँ लागत पर्ने साबुन उनले थोक किन्नेलाई २५ रुपैयाँ, दर्जन किन्नेलाई २८ रुपैयाँ र फुटकर किन्नेलाई ३० रुपैयाँमा बेच्छिन्।
जापानीहरु ३/४ पटकसम्म उद्योगमा आएको उनले बताइन्। जिल्लामा आयातीत साबुनसँग प्रतिस्पर्धा गर्न नसक्ने भन्दै सुरुमा ऋण खोज्दा कसैको नपत्याएको उनले सुनाइन्। 'जापानमा माग बढेपछि मेरो सिको गर्ने धेरै भए,' उनले भनिन्।
उद्यमी केसीले साबुनबाटै कमाएको पैसाले घरगृहस्थी चलाउनुबाहेक जेठी र कान्छी छोरीलाई बिएसम्म पढाएकी छिन्। माइली छोरीले स्टाफ नर्स पढेको उनले जानकारी दिइन्।
उनको उद्योगमा २ जनाले रोजगारी पाएका छन्। उनलाई घरेलु तथा साना उद्योग विकास समितिबाट राष्ट्रिय घरेलु उद्यमी पुरस्कार पनि प्राप्त गरेकी छिन्। औद्योगिक क्षेत्रको विकासमा उल्लेखनीय योगदान पुर्‍याएको भन्दै गत असारमा उद्योग मन्त्रालयले पनि उनलाई सम्मान गरेको थियो।

प्रतिक्रिया

गिरान्चौर बस्तीलाई अमेरिकाबाट नुवाकोटे दिण्डुको ६ लाख

गिरान्चौर बस्तीलाई अमेरिकाबाट नुवाकोटे दिण्डुको ६ लाख

काठमाडौं– गिरान्चौर एकीकृत बस्ती निर्माणका लागि दिण्डु लामा ह्योल्मोले ६ लाख ६ हजार ६ सय ६ रुपैयाँ सहयोग गरेका छन्।  

हिमालय एयरलाइन्सले जेठ १८ देखि दोहाको सिधा उडान गर्ने (भिडियो)

हिमालय एयरलाइन्सले जेठ १८ देखि दोहाको सिधा उडान गर्ने (भिडियो)

काठमाडौं— नेपाल चीन संयुक्त लगानीको हिमालय एयरलाइन्सले १८ जेठ (३१ मे) देखि काठमाडौं—दोहा रुटमा दैनिक सिधा उडान गर्ने भएको छ। हिमालयको एयरबस ३२०—२१४ जहाज काठमाडौंबाट राति ११ बजे उड्नेछ भने...

अवरोध पश्चात बैंकहरुको कर्जामा वृद्धि

अवरोध पश्चात बैंकहरुको कर्जामा वृद्धि

२९ वटै वाणिज्य बैंकहरुले चालु आवको तेस्रो त्रैमास (चैत मसान्तसम्म)को वित्तीय विवरण सार्वजनिक गरिसकेका छन्। एक दुई अपावादलाई छाड्ने हो भने सबै वाणिज्य बैंकले विनाशकारी भूकम्पलगत्तै लामो तराई–मधेस आन्दोलन र...

विदेशी कब्जामा बिजुली-नदी

काठमाडौं- अधिंकाश ठूला जलविद्युत आयोजना निर्माण जिम्मा लिएका विदेशी कम्पनीले दशकौंदेखि नदी तथा खोला कब्जामा राखेका छन्। बिजुली उत्पादन नहुँदा नेपाली भने दैनिक १५ घन्टासम्म लोडसेडिङ झेल्दै अँध्यारोमा बाँच्न बाध्य...

पर्यटन प्रवर्द्धन गर्न 'मिसन कोरला–२०१६'

पर्यटन प्रवर्द्धन गर्न 'मिसन कोरला–२०१६'

पोखरा– नेपाल पर्यटन बोर्डको सहयोग एवम् पोखरा पर्यटन परिषद्को संयोजनमा पर्यटन प्रवर्द्धन गर्ने उद्देश्यका साथ पोखरादेखि नेपाल चीनबीचको नाका कोरलासम्मको ५ दिवशीय अवलोकन भ्रमण गरिने भएको छ।  

प्राथमिकता निर्धारण गरी कार्यक्रम ल्याऊ : निजी क्षेत्र

प्राथमिकता निर्धारण गरी कार्यक्रम ल्याऊ : निजी क्षेत्र

वीरगन्ज- पछिल्लो पटक ६ महिने मधेस आन्दोलन र साढे चार महिना चलेको सिमानाका बन्दको प्रत्यक्ष मार खपेको मुलुककै प्रमुख औद्योगिक तथा व्यापारिक नगर वीरगन्जका निजी क्षेत्रका अगुवासँग नेपाल रिपब्लिक मिडियाले...

आज पनि ४० आरोही सगरमाथा शिखरमा

आज पनि ४० आरोही सगरमाथा शिखरमा

काठमाडौं– शुक्रबार पनि ४० जनाभन्दा बढी आरोहीले सगरमाथा शिखर चुम्न सफल भएका छन्। महिना दिनदेखि उपयुक्त मौसम कुरेर सगरमाथा आधार शिविरमा बसिरहेका २ सय ८८ विदेशी र १ नेपाली आरोही...

एकैदिन २०२ ले चुमे शिखर

एकैदिन २०२ ले चुमे शिखर

काठमाडौं- सर्वोच्च शिखर सगरमाथा आरोहणक्रममा बिहीबार एकैदिन २ सयभन्दा बढी आरोहीले चुचुरोमा विजयी झन्डा फहराएका छन्। बुधबार रातिदेखि उकालो लागेका दर्जनौंमध्ये स्वदेशी तथा विदेशी २ सय २ जना आरोही बिहीबार...