1 Falgun, 2072 |
Menu

अर्थ

istl

'भूकम्प तराई पो झर्‍यो त !'

(0 votes)
'भूकम्प तराई पो झर्‍यो त !'
काठमाडौं- 'लौ, भूकम्प त तराई पो झर्योक!' सिराहाको समथर भू–भागमा बुधबार बिहान ४.२ म्याग्निच्युड स्केलको भूकम्प गएपछि राजधानीवासीले टिप्पणी गरिहाले। वैशाख १२ को अनुकम्पनले हैरान सर्वसाधारणमा सिरहा भूकम्पले अनौठो जिज्ञासा पैदा गरिदियो। बुधबार दिनभर यो विषय सामाजिक सञ्जाल र चिया–चर्चाको विषय बन्यो।
nepalipatro-nagarik
भूकम्पविद भने यस्तो मान्न तयार छैनन्। चुरे र तराई क्षेत्रको भूकम्पको अध्ययन गरिसकेका भूकम्पविद डा. सोमनाथ सापकोटा भन्छन्, 'वैशाख १२ पछिका शक्तिशालीदेखि स–साना भूकम्पस"ग यसको कुनै सम्बन्ध छैन। सिरहा भूकम्पको स्रोत बेग्लै हो।'

उनका अनुसार वैशाखयताका भूकम्पस"ग यसको सम्बन्ध नभए पनि विसं १९९० र २०४५ का भूकम्पस"ग यसको सम्बन्ध छ। 'त्यतिबेलाका यी शक्तिशाली भूकम्पको शक्तिको स्रोत र सिरहाको भूकम्पको शक्तिको स्रोत एउटै हो। यस क्षेत्रमा एक/दुई वर्षको अन्तरालमा यस्ता भूकम्प गइरहेका छन्।'

डा. सापकोटाले दुई वर्षअघि तिब्बतियन प्लेटो र भारतीय प्लेटोको मिलनबिन्दु मानिने चुरे क्षेत्रका नदीकिनारको अध्ययन गरेका थिए। उनले सिंगापुरका प्राध्यापकस"ग मिलेर जमिनबाट पा"च/सय मिटर गहिराइमा रहेको प्लेटो र चट्टानको अवस्थाको अध्ययन गरेका थिए।

भूकम्पमापन केन्द्रका अर्का भूकम्पविद लोकविजय अधिकारीका अनुसार विसं १९९० मा संखुवासभामा ८.३ म्याग्निच्युड स्केल र २०४५ मा उदयपुरमा ६.७ म्याग्निच्युड स्केलको भूकम्प गएको थियो।

'त्यतिबेलाको भूकम्पले बनाएको फल्ट जोनमै अहिले भूकम्प गएको हो, त्यसैले पनि यसको सम्बन्ध अघिल्ला यी दुई भूकम्पस"ग छ,' उनले भने।

डा. सापकोटाका अनुसार उच्च पहाडी, हिमाली क्षेत्रमा जाने भूकम्प र तराई/चुरे क्षेत्रमा जाने भूकम्पको प्रकृतिबीच त्यत्तिकै भिन्नता छ। 'उच्च क्षेत्रमा जाने भूकम्पको गहिराइ १५ देखि २० किलोमिटर हुन्छ। समथर क्षेत्र वा चुरे/तराई क्षेत्रमा जाने भूकम्पको गहिराइ ५५/६० किलोमिटर हुन्छ,' उनले भने, 'भौगर्भिक बनावटअनुसार गहिराइ फरकफरक पर्छ।'

केन्द्रका अर्का भूकम्पविद मुकुन्द भट्टराईका अनुसार सिरहा पनि विगतमा गएका ठूला भूकम्पले असर पारेको स्थानमा पर्छ। 'त्यतिबेलाको भूकम्पले त्यस क्षेत्रको जमिनमा धा"जा पारेको थियो। त्यस क्षेत्रमा थुप्रै दरार पारेको थियो। त्यसैले पनि यसको सम्बन्ध विगतका ठूला भूकम्पस"ग छ,' उनले भने।

वैशाख १२ को गोरखा, बारपाक केन्द्र रहेको शक्तिशाली भूकम्पको दरार सिरहासम्म नपुगेको उनले जानकारी दिए। 'यो भूकम्पले गोरखादेखि दोलखा, रामेछाप र सिन्धुलीसम्म असर गरेको थियो। दरार पनि यी क्षेत्रमा मात्र सीमित छन्। यी स्थानबाट सिरहा धेरै टाढा पर्छ। त्यसैले पनि यो भूकम्पको सम्बन्ध वैशाख १२ र त्यसपछिका अनुकम्पनस"ग छैन,' उनले भने, 'त्यसैले गर्दा स्रोत पनि बेग्लाबेग्लै हुन्।'

पूर्व–पश्चिम राजमार्गको सिरहा खण्डबाट १८ किलोमिटर दक्षिण/पूर्वमा रहेको गौरीपुरनजिकै बुधबार बिहान ६ः१७ बजे ४.२ म्याग्निच्युड स्केलको भूकम्प गएको थियो।

स्थानीयले आवाजसहितको झट्का महसुस गरेको जानकारी लहानस्थित नागरिक संवाददाता मिथिलेश यादवले दिए।

बिहान भूकम्पको झट्कापछि गाउँलेहरु जमिनै हल्लाउने गरी कति ठूलो र कस्तो गाडी आयो भनेर घरबाहिर निस्केको जानकारी मलाई आएको थियो,' नागरिककर्मी यादवले भने, 'स्थानीयले आवाज सुनेको जानकारी दिएका थिए।'

अधिकारीका अनुसार वैशाख १२ यता दाङ–देउखुरीको नेपाल–भारत सीमानजिक कोइलाबास पारी भारतको भूभागमा अर्को नया" भूकम्प गएको थियो। यससहित वैशाख १२ यता तराईमा दोस्रोपटक नया" भूकम्प गएको हो।

पहाडी क्षेत्रमा भने यसअघि बाजुरा, पा"चथर र म्याग्दीमा नया" भूकम्प गएका थिए। वैशाख १२ यता शुक्रबार नुवाकोट केन्द्रबिन्दु भएर ४.६ म्याग्निच्युड स्केलको गोरखाको अनुकम्पन गएको थियो।

वैशाख १२ को भूकम्पपछि ४ म्याग्निच्युड स्केलमाथिका ४ सय २७ अनुकम्पन गएका छन्।

वैशाख १२ को शक्तिशाली भूकम्प र अनुकम्पनमा करिब ९ हजारले ज्यान गुमाएका थिए। ६ लाखभन्दा बढी घर पूर्ण रुपमा क्षति भएको थियो।

प्रतिक्रिया

नियमित हुँदापनि इन्धन अभाव कायमै

नियमित हुँदापनि इन्धन अभाव कायमै

धनगढी–सुदुरपश्चिमका लागि नेपाल आयल निगम क्षेत्रीय कर्यालय धनगढीलाई भारत आयल कर्पोरेशनका बनथरा डिपोले डेढ महिनादेखि कोटा अनुसारको तेल नियमित दिइरहेको छ। अघोषित नाकाबन्दी हुनु भन्दा पहिले जस्तै कोटाअनुसार तेल आयात...

अमेरिका त्यागेर गाईपालन

अमेरिका त्यागेर गाईपालन

तिलोत्तमा (भैरहवा)- प्राविमा स्थायी शिक्षक। हातमा अमेरिकाको भिसा। समाजशास्त्रमा स्नातकोत्तर। सुखद भविष्यका थुप्रै अवसर सामुन्ने थिए। तर, उनले ती सबै त्यागिदिए। बसेनन् अमेरिका। बरु स्वदेशमै व्यावसायिक गाईपालन सुरु गरे।

शुक्रबार बाँडिएन पेट्रोल, शनिबार निजी सवारीले पाउने (पम्पको सूची)

शुक्रबार बाँडिएन पेट्रोल, शनिबार निजी सवारीले पाउने (पम्पको सूची)

काठमाडौं– नेपाल आयल निगमले जुनसुकै लटका निजी मोटरसाइकल, स्कुटर र निजी तथा सार्वजनिक चार पाङ्ग्रे सवारी साधनलाई शनिबार पेट्रोल वितरण गर्ने भएको छ।

महिला पछ्याउँदै दलाल

महिला पछ्याउँदै दलाल

काठमाडौं- पतिसँग सम्बन्धविच्छेद गरेपछि सुनसरी, हसुनपुर–४ की मनिषा राईको चाहना वैदेशिक रोजगारीमा जाने थियो। यही चाहना पूरा गर्ने सिलसिलामा उनको थुप्रै मेनपावर र एजेन्टसँग भेट भयो।

पेट्रोलियम पदार्थको हाहाकार  कायमै

पेट्रोलियम पदार्थको हाहाकार कायमै

झापा–भारतीय बजारबाट सहजै इन्धन भित्रिरहे पनि झापामा पेट्रोलियम पदार्थको हाहाकार यथावतै छ। यातायात व्यवसायीले आयल निगम र पेट्रोलियम व्यवसायीले नियतवश कृत्रिम अभाव देखाएर तस्करी धन्दालाई प्रोत्साहित गरेको आरोप लगाएका छन्।

भ्यालेन्टाइन डेमा ठमेल रातभर खोल्ने तयारी

भ्यालेन्टाइन डेमा ठमेल रातभर खोल्ने तयारी

काठमाडौं– प्रत्येक वर्षको फेब्रुअरी १४ तारिकमा विश्वभर मनाउने गरिएको भ्यालेन्टाइन डे(प्रणय दिवस)का दिन यस वर्ष काठमाडौंको मुख्य पर्यटकीय क्षेत्र ठमेल रातभर खोल्ने तयारी भइरहेको छ।

एउटा इन्जिन मर्मतमा ५० करोड खर्चंदै निगम

एउटा इन्जिन मर्मतमा ५० करोड खर्चंदै निगम

काठमाडौं- राष्ट्रिय ध्वजावाहक नेपाल वायुसेवा निगमले अन्तर्राष्ट्रिय उडान गरिरहेको आफ्नो बोइङ जहाजको एक थान इन्जिन पूर्णमर्मत (ओभरहल) गर्न करिब ५० करोड रुपैयाँ खर्च गर्ने भएको छ।

लोडसेडिङ कम गर्न फागुन ४ देखि ८० मेगावाट विद्युत् आयात गरिने

लोडसेडिङ कम गर्न फागुन ४ देखि ८० मेगावाट विद्युत् आयात गरिने

काठमाडौं– ढल्केबर–मुजफ्फरपुर ४०० केभी अन्तरदेशीय प्रसारण लाइनमार्फत नेपाल विद्युत् प्राधिकरणले फागुन ४ गतेदेखि ८० मेगावाट विद्युत् आयात गर्ने तयारी गरेको जनाएको छ।