Sunday 16 Jestha, 2073 |
Menu

अर्थ

republica-headerdiscount-subscribe1

istl

भूकम्पपीडितलार्इ अाएकाे राहत चामल जलाएर नष्ट

(0 votes)

सिन्धुली– भूकम्प पीडितलाई आएको चामलसहितका खाद्यन्न जिल्ला विकास समिति सिन्धुलीले जलाएर नष्ट गरेको छ।

chamal_photo_sindhuli_11.jpg

nepali-patro-may
लामो समयदेखि सभागृह भवनमा गोदाम गरी राखेको खाद्यन्न कुहिएपछि जिल्ला विकास समिति सिन्धुलीकै कर्मचारीसहितको टोलिले जलाएर नष्ट गरेको हो। गत वैशाख १२ र त्यसपछि लगातार आएको विनाशकारी भूकम्पबाट प्रभावित बनेका पीडितलाई विभिन्न दातृ संस्था तथा नेपाल सरकारले दिएको राहत सामाग्री समयमा वितरण नगरी गोदाम गरेर राख्दा कुहिएर किरा परेपछि सयौं बोरा चामल डढाइएको हो।

सभागृहमा झन्डै दुई सय बढी बोरा चामल आपत्कालिन परिस्थितिका लागि भन्दै जिल्ला विपद् व्यवस्थापन समितिले गोदाम गरस् राखेको थियो। तर, भूकम्प गएको ९ महिना बित्दा पनि भूकम्पपिडितलाई बितरण नगर्दा कुहिएर गन्हाउन थालेपछि जिल्ला विकास समितिले जलाएर नष्ट गरेको हो।

वर्षायाममा थप विपद् आउन सक्ने र त्यस्तो अवस्थाका लागि भन्दै जोहो गरेर हालसम्म वितरण नगर्दा दैनिक कार्यक्रम हुने सभाहलसमेत सुचारु हुन सकेको थिएन । हल सुचारु गर्नुपर्ने भन्दै स्थानीयको माग भएपछि हलभित्र कुहिएको चामल जिविसले जलाएको जिविस स्रोतले जनाएको छ। तर जिल्ला विकास समितिले भने भुईंमा पोखिएको चामल बढारेर नष्ट गरेको जनाएको छ । 'गाँउमा खासै खान नपाउने पीडित छैनन्, स्थानीय विकास अधिकारी शिवप्रसाद हुमागाईंले भने, 'समयमा लिन पनि आएनन,् सभागृहमा छरिएर कुहिएको चामल नष्ट गरिएको हो।' सभागृह हलमा रहेको सयौं बोरा चामल तथा अन्य खाद्यन्न जलाइएको स्थानीयले बताए पनि जिविसले भने भुईंमा छरिएको बढारेर बाहिर नष्ट गरेको जनाएको छ। चामल डढाउने कसैको मनसाय हुँदैन,' स्थानीय विकास अधिकारी हुँमागाईले नागरिकसँग भने, 'लामो समयदेखि चिसोमा थन्किएको भएकाले पुरै गन्हाउने भएर सुगुरले पनि नखाने भएछ, त्यसैले जलाइएको हो।' चामल सर्वसाधारणले जलाएको देख्छन् भनेर सभागृह पछाडी सर्वसाधारणको नजरलाई ओझेलमा पारेर जलाएको थियो ।

स्थानीय युवा काजीमान थिङ भूकम्पपिडित नागरिक बिहान खाए बेलुका के खाने भन्ने समस्यामा रहेको बेला गोदाममै राहत कुहिँदा जलाउन ध्यान दिने निकायले वितरण गर्न ध्यान नदिएको भन्दै आक्रोश पोख्छन्। भूकम्प गएको लामो समय बित्दा पनि जिल्ला सदरमुकामका विभिन्न स्थानसहित गाविसमा पुगेको राहत समेत वितरण हुन नसकेर कुहिएको अवस्थामा छ। गाविसमा पुगेको खाद्यन्न राहत समेत जलाउने तयारी भएको स्रोतको दाबी छ। राहतमा आएको दाल चामल तथा अन्य सामाग्रीमा किरैकिरा परेर सभागृह छेउ पुग्दै गन्ध आउन थालेपछि जिल्ला विकास समितिका कर्मचारीसहितको टोलिले सभाहल सफा गरेको भन्दै बोराका बोरा चामल बाहिर निकालेर जलाएको थियो। जिल्लामा २५ गाविस र एक नगरपालिका भूकम्पले क्षतिग्रस्त बनाएपछि त्यस स्थानका ४१ हजार बढी घर परिवारलाई तत्काल वितरण गर्न आएको खाद्यन्न राहत जिल्ला विपद् व्यवस्थापन समितिले वितरण गर्नुको साटो आपतकालिन समयलाई भन्दै जोहो गरेको जनाएर गोदाममा थन्क्याएर राखेको थियो । पीडितलाई आएको राहत जिल्ला प्रशासन कार्यालय, जिल्ला विकास समिति तथा गाविसका कर्मचारीको लापरबाहीमा कुहिएर गएको हो।

'हामीले समयमै बाड्न निर्देशन गरेका हौं,' निमित्त प्रजिअ बासुप्रसाद काफ्लेले नागरिकसँग भने, 'केहि फुड आइटम विपद्को समयमा बाड्ने भनेर गोदाम गरेका थियौं, त्यो पनि बाँड्न निर्देशन गरेका छांै।' जिल्लाका भूकम्प पीडितलाई अझै पर्याप्त खाद्यन्न नपुगेको भएपनि स्थानीय विकास अधिकारी हुमागाईले भने त्यस्तो गरिबी नभएको भन्दै गरिखाने स्थान भएको जनाए। जिल्लाको महाभारत क्षेत्रका विकट गाविसमा चामलको ठुलै महत्व हुने गरेको छ। यस क्षेत्रमा धान फल्ने खेत नभएर सामान्य खाद्यन्न मकै र कोदो मात्र फल्छ। तर सदरमुकामका हलमा चामल कुहिएर जाँदासमेत वितरण नगरेको भन्दै स्थानीय आक्रोशित समेत बनेका छन् । यस क्षेत्र पनि भूकम्पबाट पूर्ण रुपमा क्षतिग्रस्त भए पनि चामल जिल्ला सदरमुकामै कुहाएर जलाउनसमेत सम्बन्धित निकाय पछि नपरेकोे पीडितहरुको गुनासो छ।

प्रतिक्रिया

फास्टट्रयाक बनाउन १० अर्व विनियाेजन

फास्टट्रयाक बनाउन १० अर्व विनियाेजन

काठमाडौं-सरकारले काठमाडौं-तराई-मधेस फास्ट ट्रयाकको लागि १० अर्ब बजेट विनियोजन गरेको छ। यो अघिल्लो वर्षको बजेटभन्दा ९ अर्बले बढी हो । अघिल्लो वर्ष सरकारले एक अर्ब बजेट विनियोजन गरेको थियो। सरकारले...

तरकारी फलाउँदै पूर्वसभासद

तरकारी फलाउँदै पूर्वसभासद

नेपालगन्ज- पहिलो संविधानसभा संविधान नबनाइ विघटन भएपछि पट्टु थारु निराश भएर राजधानी काठमाडौंबाट घर फर्किए। उनी पहिलो संविधानसभा सदस्य थिए। संविधान सभा विघटन भएपछि उनको रोजाइ बन्यो कृषि। बाँके, बैजापुर–१, नवलपुरका...

संस्थानको नाफा बढे पनि सरकारको लाभांश घट्दो

संस्थानको नाफा बढे पनि सरकारको लाभांश घट्दो

काठमाडौं- सार्वजनिक संस्थानको नाफा बढे पनि सरकारले ती संस्थानमा सेयर लगानी गरेबापत पाउने प्रतिफल भने घटेको छ। गत आर्थिक वर्षमा सार्वजनिक संस्थानले खुद नाफा ३३ अर्ब ९२ करोड कमाए पनि लगानी...

मलेसियाबाट रेमिटेन्स आप्रवाह स्थिर

मलेसियाबाट रेमिटेन्स आप्रवाह स्थिर

मलेसिया- श्रम स्वीकृति लिएर सबभन्दा धेरै नेपाली कामदार आएको मलेसियाबाट स्वदेश जाने रेमिटेन्स पहिलोपटक स्थिर अवस्थामा पुगेको छ। पछिल्लो ४–५ वर्षयता निरन्तर नेपाल पठाउने रेमिटेन्स वृद्धि भइरहेको बेला चालु आर्थिक...

भएभरका योजनालाई राष्ट्रिय गौरव भनेर हुँदैन

भएभरका योजनालाई राष्ट्रिय गौरव भनेर हुँदैन

काठमाडौं–बजेट आर्थिक दस्तावेज मात्र नभई राजनीतिक दस्तावेज पनि हो । बजेट मुलुकका समस्या समाधान गर्नेतर्फ केन्द्रित हुनुपर्छ । यतिखेर नेपालमा रोजगारीको चरम अभाव छ । गरिबीका कारण ठूलो संख्याका युवा...

गिरान्चौर बस्तीलाई अमेरिकाबाट नुवाकोटे दिण्डुको ६ लाख

गिरान्चौर बस्तीलाई अमेरिकाबाट नुवाकोटे दिण्डुको ६ लाख

काठमाडौं– गिरान्चौर एकीकृत बस्ती निर्माणका लागि दिण्डु लामा ह्योल्मोले ६ लाख ६ हजार ६ सय ६ रुपैयाँ सहयोग गरेका छन्।  

हिमालय एयरलाइन्सले जेठ १८ देखि दोहाको सिधा उडान गर्ने (भिडियो)

हिमालय एयरलाइन्सले जेठ १८ देखि दोहाको सिधा उडान गर्ने (भिडियो)

काठमाडौं— नेपाल चीन संयुक्त लगानीको हिमालय एयरलाइन्सले १८ जेठ (३१ मे) देखि काठमाडौं—दोहा रुटमा दैनिक सिधा उडान गर्ने भएको छ। हिमालयको एयरबस ३२०—२१४ जहाज काठमाडौंबाट राति ११ बजे उड्नेछ भने...

अवरोध पश्चात बैंकहरुको कर्जामा वृद्धि

अवरोध पश्चात बैंकहरुको कर्जामा वृद्धि

२९ वटै वाणिज्य बैंकहरुले चालु आवको तेस्रो त्रैमास (चैत मसान्तसम्म)को वित्तीय विवरण सार्वजनिक गरिसकेका छन्। एक दुई अपावादलाई छाड्ने हो भने सबै वाणिज्य बैंकले विनाशकारी भूकम्पलगत्तै लामो तराई–मधेस आन्दोलन र...