Share this
Twitter
Digg
Del.icio.us
StumbleUpon
Facebook
Print
E-mail
जिल्ला विकास समितिको प्राविधिक कार्यालयका अनुसार भीमदत्तनगरपालिका क्षेत्रमा रु. २ करोड ५८ लाख ७० हजार ४८४ मा पाँच किलोमिटर सडक कालोपत्रे गर्ने कार्य सम्पन्न भएको छ।
त्यसैगरी सुडामा रहेको घटाल उच्चमाविको रु ४५ लाखमा भवन निर्माण र पर्खाल निर्माणकार्य सकिएको छ।
भारतीय दूतावासले आर्थिक वर्ष २०६३/६४ देखि भानु उच्चमावि दोधाराको विद्यालय भवन र छात्रावास निर्माणका लागि रु १ करोड ४५ लाख ८३ हजार ३७१ र जानकी कन्या मावि महेन्द्रनगरको विद्यालय भवन निर्माण गर्न रु ९८ लाख ७ हहजार ५९५ उपलब्ध गराइसकेको छ।
यसैगरी, कालिका निमावि पिपलाडीको भवन निर्माण गर्न रु ४८ लाख ८६ हजार ६०२ र पूर्ण उमावि ऐरीको विद्यालय भवन र छात्रावास निर्माण गर्न रु १ करोड ६३ लाख २१ हजार २०० आर्थिक सहयोग उपलब्ध गराएको छ।
भारतीय दूतावासको सहयोगमा सञ्चालित योजनाको ९५ प्रतिशत कार्य सम्पन्न भइसकेको प्राविधिक कार्यालयका इन्जिनियर दीपककुमार मिश्रले बताए। उनले निर्माणको पाँच प्रतिशत कार्य साउन मसान्तमै सकिने बताए।
बागेश्वरी मावि परासनको भवन निर्माणका निम्ति रु १ करोड ५६ लाखको आर्थिक सहयोगसम्बन्धी प्रस्ताव स्वीकृत भएको इन्जिनियर मिश्रले जानकारी दिए। -रासस
