Friday 6 Bhadra, 2071 |
Menu

अर्थ

अन्धकार र ऊर्जा सङ्कटप्रति राष्ट्रप्रमुखको चिन्ता

  • सोमबार १० भाद्र, २०७०
  • रासस
  • DISQUS_COMMENTS
(0 votes)
स्वतन्त्र ऊर्जा उत्पादक सङ्घ (इपान), गैरआवासीय नेपाली सङ्घ (एनआरएन)को आयोजना र ऊर्जा मन्त्रालयको सहयोगमा आजदेखि सुरु भएको 'ऊर्जा सम्मेलन २०१३' को उद्घाटन गर्दै राष्ट्रपति रामवरण यादव। स्वतन्त्र ऊर्जा उत्पादक सङ्घ (इपान), गैरआवासीय नेपाली सङ्घ (एनआरएन)को आयोजना र ऊर्जा मन्त्रालयको सहयोगमा आजदेखि सुरु भएको 'ऊर्जा सम्मेलन २०१३' को उद्घाटन गर्दै राष्ट्रपति रामवरण यादव। तस्बिर : दीपेश श्रेष्ठ
काठमाडौँ - राष्ट्रपति डा रामवरण यादवले मुलुकको बृहत्तर विकासका लागि ऊर्जा क्षेत्रको विकास गर्नु आवश्यक रहेको बताएका छन्। स्वतन्त्र ऊर्जा उत्पादक सङ्घ (इपान), गैरआवासीय नेपाली सङ्घ (एनआरएन)को आयोजना र ऊर्जा मन्त्रालयको सहयोगमा आजदेखि सुरु भएको 'ऊर्जा सम्मेलन २०१३' को आज यहाँ उद्घाटन गर्दै उहाँले आर्थिक विकासको मेरुदण्ड नै जलविद्युत् भएकाले त्यसको विकासमा प्रतिबद्ध भएर लाग्नुपर्नेमा जोड दिएका हुन्।
हरेक क्षेत्रको विकासका लागि राजनीतिक स्थायित्वको आवश्यकता रहन्छ राष्ट्रपति डा यादवले मुलुक संविधानसभाको निर्वाचनमार्फत सोही दिशामा अगाडि बढ्ने विश्वास व्यक्त गरे। 

अपार जलस्रोतको धनी भएर पनि मुलुकमा अन्धकार र चरम ऊर्जा सङ्कट कायम रहेकामा चिन्ता व्यक्त गर्दै उनले सामूहिक प्रयासले मात्र सफलतामा पुग्न सकिनेमा जोड दिए। राष्ट्रपति डा यादवले भने, 'मुलुकमा जारी गरिबीको अन्त्यका लागि पनि जलविद्युत्को विकासमा ध्यान दिनु जरुरी छ, त्यो मर्म र आवश्यकतालाई सबैले ध्यान दिन सके सबैको हित हुन सक्छ।' छिमेकी राष्ट्रसमेत नेपालको जलविद्युत्को क्षेत्रमा लगानी गर्न तयार रहेको सन्दर्भमा हामी नेपालीले नै त्यसको लागि वातावरण तयार पार्नुपर्ने उनको भनाइ थियो। 

कार्यक्रममा अर्थमन्त्री शङ्करप्रसाद कोइरालाले नेपालको विकासको आधार नै जलस्रोत भएकाले सरकारले चालु आवको बजेटमा ऊर्जा क्षेत्रलाई नै विशेष प्राथमिकतामा राखेको बताए। सरकारले चालु आवमा माथिल्लो तामाकोसी, तनहुँ सेती, बूढीगण्डकी र नलसिंह गाडलगायत आयोजनालाई उच्च प्राथमिकतामा राखेर काम अगाडि बढाएको छ भन्दै अर्थमन्त्रीले सबैको साथ र सहयोग रहेमा तोकिएकै समयमा जलविद्युत् आयोजना सम्पन्न गर्न सकिने धारणा राखे। जलविद्युत् क्षेत्रको विकासमा आन्तरिक र बाह्य दुवै खालको लगानीको जरुरत रहेको उनको जोड थियो। 

ऊर्जामन्त्री उमाकान्त झाले मुलुकमा जारी ऊर्जा सङ्कट हल गर्न जलाशययुक्त आयोजना नै उत्तम विकल्प हो भन्दै सरकार त्यस्ता आयोजनालाई समयमा नै सम्पन्न गर्न लागिपरेको जानकारी दिए। सरकार उत्तर दक्षिण, पूर्वपश्चिम र अन्तरदेशीय प्रसारण लाइनमार्फत मुलुकका सबै स्थानमा सहज र सरल रुपमा ऊर्जाको पहुँच पुर्या उन प्रयासरत छ भन्दै जलविद्युत् आयोजना आन्तरिक प्रयोजनका लागि मात्रै नभई बाह्य प्रयोजनका लागि पनि भएकाले मित्र राष्ट्रले देखाएको लगानीप्रतिको उत्साहलाई सम्मान गर्नुपर्ने बताए। 

कार्यक्रममा लगानी बोर्डका कार्यकारी अधिकृत राधेश पन्तले मुलुकका लागि तत्काल तीन हजार मेगावाट जलविद्युत् उत्पादन हुन सके प्रशस्त हुन्छ भन्दै सोही लक्ष्यलाई पूरा गर्न बोर्ड लागिपरेको बताए। बोर्डले पश्चिम सेती, बूढीगण्डकीलगायत आयोजनालाई सहज रुपमा अगाडि बढाउन मध्यस्थका रुपमा काम गरिरहेको जानकारी दिँदै पन्तले सुरक्षा, राजनीतिक स्थायित्व र लगानीमैत्री वातावरण भए वैदेशिक लगानीको कुनै पनि समस्या नहुने धारणा राखे । 

नेपालका लागि चीनका राजदूत ऊ चुन्ताई र नर्वेका राजदूत आफ आर्न राम्स्लिन र भारतका कावा राजदूत जयदेव मजुमदारले नेपालको ऊर्जा क्षेत्रको विकासमा सहयोग गर्न आफूहरु तयार रहेको धारणा राखेका थिए। 

इपानका अध्यक्ष सुर्वणदास श्रेष्ठले सम्मेलनले मुलुकको ऊर्जा क्षेत्रको विकासका लागि महत्वपूर्ण आधारभूमि तयार पार्ने बताउनुभएको थियो। मङ्गलबारसम्म चल्ने सम्मेलनमा ऊर्जा क्षेत्रका विज्ञले आआफ्नो कार्यपत्र प्रस्तुत गर्ने कार्यक्रम छ।
मलेसियाले नेपालबाट घरेलु कामदार लिने

मलेसियाले नेपालबाट घरेलु कामदार लिने

काठमाडौं- नेपाली कामदारको मुख्य श्रम गन्तव्य मलेसियाले घरेलु व्यवस्थापनका लागि पनि नेपाली कामदार लैजाने भएको छ। अहिलेसम्म मलेसियाले निर्माण र उत्पादनमूलक क्षेत्रमा मात्र नेपाली कामदार लिँदै आएको। नेपाल भ्रमणमा रहेका...

५० करोड लगानीमा सांग्रिलाको रिसोर्ट

५० करोड लगानीमा सांग्रिलाको रिसोर्ट

पोखरा-मुलुकको होटल तथा रिसोर्ट सञ्चालक कम्पनी ‘सांग्रिला होटल एन्ड रिसोर्टले कास्कीको बेगनासमा आधा अर्ब रुपैयाँ लगानी गरी एउटा रिसोर्ट सञ्चालन गर्ने भएको छ। सांग्रिलाले हाल राजधानीमा पाँचतारे होटल सांग्रिला र...

चिया कोलकाताको हैकम

चिया कोलकाताको हैकम

श्रीअन्तु (इलाम)-‘कलर र फ्लेभरमा अझै ध्यान दिने, नत्र उताबाट डिमान्ड क्यान्सिल गर्छ,' रोलर मेसिन घुमिरहेको इलाम टी प्रोड्युसर्स प्रालिको कारखानाभित्र भेटिएका प्रोडक्सन म्यानेजर किसन गिरी चिया प्रशोधनमा संलग्न मजदुरलाई भन्दै...

बढी रकम कबोल्ने कतारलाई हजयात्री ठेक्का

बढी रकम कबोल्ने कतारलाई हजयात्री ठेक्का

काठमाडौं-गृह मन्त्रालयले साउदी अरबको मक्कामा हज गर्न जाने मुसलमान तीर्थयात्री लान–ल्याउन अन्तर्राष्ट्रिय वायुसेवा कम्पनीका लागि आह्वान गरेको टेन्डर बढी भाउ तोक्ने वायुसेवाले जितेको छ। सम्बद्ध स्रोतका अनुसार गृहअन्तर्गतको हज कमिटीले खाडी...

नेपालको आन्तरिक उडानमा जेट प्लेन

नेपालको आन्तरिक उडानमा जेट प्लेन

नेपालको नयाँ हवाई कम्पनी सौर्य एयरलाइन्सको पहिलो जहाज आज दिउँसो काठमाडौं‌ अवतरण गर्दैछ। बम्बार्डियर, क्यानाडाद्वारा निर्मित ५४ सिट क्षमताको सिआरजे २०० नेपालमा आन्तरिक उडान भर्ने पहिलो जेट प्लेन हुनेछ।

नाफाजति सबै जीवनलाई

नाफाजति सबै जीवनलाई

पोखरा-एउटा व्यावसायिक कम्पनीले नाफाको कति प्रतिशत सामाजिक उत्तरदायित्व शीर्षकअन्तर्गत समाजसेवामा लगाउँछ?सोच्नुहोला– आधा, एक, साढे एक वा दुई प्रतिशत। प्राय कम्पनीले सामाजिक उत्तरदायित्वमा खर्चने रकम यो भन्दा पनि कम हुन्छ।होइन, पोखराको...

निःशुल्क भिसा र टिकट दिन मलेसियालाई आग्रह

निःशुल्क भिसा र टिकट दिन मलेसियालाई आग्रह

काठमाडौं-नेपालीको प्रमुख श्रम गन्तब्य मलेसियालाई निःशुल्क भिसा र टिकट उपलब्ध गराउन आग्रह गरिने भएको छ। नेपाल आउन लागेका मलेसियाली मानव संसाधन मन्त्रीसामु यस्तो आग्रह गर्ने तयारी छ। श्रम तथा रोजगार राज्यमन्त्री...

झरी र लाठी चार्जबीच १८ हजार आवेदन

झरी र लाठी चार्जबीच १८ हजार आवेदन

काठमाडौं- एक हातमा चप्पल र अर्को हातमा फारम बोकेका वामिटक्सार गुल्मीका सुमनसिंह मल्ल बुधबार ललितपुरको च्यासल फुटबल मैदानमा असिनपसिन थिए। निलो पाइन्ट घुँडासम्म सारेका उनको त्यसमाथिको शरीर पनि हिलाम्ये थियो।