18 Baishak, 2073 |
Menu

अर्थ

republica-headerdiscount-subscribe1

istl

मध्यमस्तरका परियोजनामा लगानी गर्दै जलविद्युत विकास कम्पनी

  • शुक्रबार ११ श्रावण, २०७०
  • लीला घिमिरे
  • Be the first to comment!
(0 votes)
काठमाडौं - जलविद्युत लगानी तथा विकास कम्पनी (एचआइडिसिएल) ले एक सय मेगावाट क्षमताका ५ जलविद्युत परियोजनाको वित्तीय स्रोतको छिनोफानो (फाइनान्सियल क्लोजर) गर्ने भएको छ।
nepalipatr-april
कम्पनीका प्रमुख कार्यकारी अधिकृत दीपक रौनियारले अबको केही दिनमै सबै आयोजनाका लागि आवश्यक पुँजीको छिनोफानो हुने बिहीबार नागरिकलाई बताए। सबै आयोजना २० देखि ३० मेगावाट क्षमताका छन्।
'एक सय मेगावाट क्षमताका विभिन्न पाँच परियोजनामा लगानी गर्न सबै परियोजनाको प्राविधिक पक्षको अध्ययन भइरहेको छ,' रौनियारले भने, 'अबको केही दिनमै व्यावसायिक रुपमा सम्भाव्य आयोजनाको वित्तीय व्यवस्थापन हुन्छ।' कम्पनीले अध्ययन गरिरहेका मध्येबाट पाँच वा कति परियोजनामा लगानी गर्ने भन्ने टुंगो पनि अबको केही दिनमै लाग्ने रौनियारले बताए। सबै पक्षको अध्ययनपछि मात्रै योग्य परियोजनामा लगानी गरिने उनले बताए। 
कम्पनीले २७ मेगावाटको दोर्दी, ३० मेगावाटको तल्लो मोदी, २५ को खानीखोला–१ सहित अन्य दुई आयोजनाका लागि आवश्यक पुँजी जुटाउन काम गरिरहेकोमा दोर्दीमा लगानीको टुंगो लागिसकेको छ। कम्पनीको जोखिम व्यवस्थापन विभागले दिने अध्ययन प्रतिवेदनपछि मात्रै आयोजनाको वित्तीय स्रोत टुंगो लाग्ने बताइएको छ। 
सबै परियोजनामा कुनै एक बैंकको नेतृत्व (लिड) मा अन्य बैंकहरुले लगानी गर्नेछन्। एचआइडिसिएलले लिड बैंकले गरेको लगानी बराबर पँुजी लगानी गर्ने अधिकार पाएको रौनियारले बताए। 
कम्पनीले केही समयअघि मिस्त्री खोला जलविद्युत आयोजनामा ९८ करोड रुपैयाँ लगानी गर्ने गरी सम्झौता गरिसकेकोमा केही दिनअघि मात्रै दोर्दीखोला जलविद्युत परियोजनामा समेत लागनी गर्ने भएको हो। 
मिस्त्री खोलामा नबिल, नेपाल इन्भेस्टमेन्ट, लक्ष्मी, क्लिन इनर्जी, नेपाल बैंकलगायतले कुल लागतको ७५ प्रतिशत लगानी गरेका छन्। 
लमजुङको चिती गाविसमा पर्ने २७ मेगावाटको दोर्दी खोला जलविद्युत आयोजनामा प्राइम कमर्सियल बैंकको नेतृत्वमा ग्लोबल आइएमई, नबिल, नेपाल इन्भेस्टमेन्ट, सिद्धार्थ, कमर्ज एन्ड ट्रस्ट, सिभिल लगायतले लगानी गर्नेछन्। 
चार अर्ब रुपैयाँ अनुमानित लागत रहेको आयोजनाका लागि एचआइडिसिएल सहित यी बैंकहरुले ३ अर्ब १७ करोड रुपैयाँ लगानी गर्नेछन्। आयोजना हिमालयन पावर पार्टनर प्रालिले निर्माण गर्न लागेको हो। यो कम्पनी व्यवसायी चन्द्र ढकाल अध्यक्ष रहेको आइएमई समूहअन्तर्गतको कम्पनी हो। परियोजना अध्ययनका लागि सन् २००५ मै विद्युत विकास विभागले हिमालयनलाई अनुमति दिएको हो। 
नेतृत्व गर्ने बैंकसरह पुँजी लगानी गर्ने अधिकार पाएको एचआइडिसिएलले दोर्दीमा कति लगाउने भन्ने टुंगो लागेको छैन। 'लिड बैंकले जति नै लगानी गर्ने भनिए पनि यो आयोजनामा त्यस्तो छैन,' रौनियारले भने, 'कुन बैंकले कति लगानी गर्ने भन्ने नै छलफलको चरणमा छ।'
आयोजनाको विद्युत सुख्खायाममा प्रतियुनिट ८ रुपैयाँ ४ पैसा र वर्षायाममा ४ रुपैयाँ ८ पैसामा विद्युत प्राधिकरणले खरिद गर्ने सम्झौता भइसकेको छ। उत्पादित बिजुली मध्य मर्स्याङ्दी जलविद्युत परियोजनाको सबस्टेसनमा जोड्ने बताइएको छ। 
जलविद्युत परियोजनामा लगानी गर्नेबाहेक उसले प्रसारण लाइन निर्माण र वितरणमा सेयर तथा ऋण लगानीसमेत गर्नेछ। नेपाल सरकारले ५ अर्ब, कर्मचारी सञ्चय कोष, राष्ट्रिय बीमा संस्थान र नागरिक लगानी कोषले एक–एक अर्ब रुपैयाँ प्रवर्द्धकको रुपमा लगानी गरेको कम्पनीको अधिकृत पुँजी ५० अर्ब तथा जारी पँुजी १० अर्ब रुपैयाँ छ। कम्पनीले केही समयभित्रै सर्वसाधारणका लागि छुट्याइएको २ अर्ब रुपैयाँ बराबरको सेयर निष्कासन गर्ने तयारी गरिरहेको छ। 
एचआइडिसिएलले आगामी अगस्ट २८ र २९ मा काठमाडौंमा इन्भेस्टर्स मिटिङ पनि गर्न लागेको छ। मिटिङ जलविद्युत र विदेशी लगानीका विषयमा केन्द्रित हुनेछ। जलविद्युत आयोजना विकासका लागि सम्भावित विदेशी लगानीकर्ता सम्मिलित भेला गर्न लागेको प्रमुख कार्यकारी अधिकृत रौनियारले बताए। उनका अनुसार फोरममा भारतलगायत एक दर्जन देशका लगानीकर्ता र कम्पनी सहभागी हुनेछन्। 'एक सयदेखि ३ सय मेगावाट क्षमतासम्मका आयोजनालाई लगानी जुटाउन इन्भेस्टर्सहरुको फोरम आयोजना गर्न लागिएको हो,' उनले भने।

प्रतिक्रिया

खडेरीले खेतबारी खङ्ग्रङ्ग

खडेरीले खेतबारी खङ्ग्रङ्ग

झापा–बोटले थामिनसक्नु गरी लागेका आँपका चिचिला धमाधम झर्न थालेका छन् । लिचीको हालत पनि उस्तै छ । सधैँ यतिबेला खेतबारीमा हरियै भएर मौलाउने मकैका बोट ओइलाउँदैछन् । चिया बगानमा अरुबेला...

'नेपालको पर्यटन अकासिँदै छ'

'नेपालको पर्यटन अकासिँदै छ'

उपल मजुमदार मुलुकको सबैभन्दा जेठो र पहिलो डिलक्स पाँचतारे होटल सोल्टी क्राउन प्लाजाका महाप्रबन्धक हुन्। उनी दुई दशकदेखि पर्यटन उद्योगमा छन्। विनाशकारी भूकम्प र नाकाबन्दीमा पनि सोल्टीको व्यापारलाई थामेका उनी...

ग्यास उत्खनन्ः पूरा भएन मन्त्रीको प्रतिबद्धता

ग्यास उत्खनन्ः पूरा भएन मन्त्रीको प्रतिबद्धता

दैलेख-एक महिनाभित्र यहाँ रहेको ग्यास र पेट्रोलियम पदार्थ उत्खनन प्रक्रिया थाल्ने मन्त्रीको प्रतिबद्धता पाँच महिना पुग्दा नपुग्दै सेलाएको छ । खनिज भएकै स्थानमा गएर अवलोकन गरेका उद्योगमन्त्री सोमप्रसाद पाण्डेले पत्रकार...

पूर्वाधार बैंक खोल्ने तयारी

पूर्वाधार बैंक खोल्ने तयारी

काठमाडौं–नेपाल राष्ट्र बैंकले 'राष्ट्रिय पूर्वाधार बैंक'लाई अनुमति दिन आवश्यक नीति बनाउन कार्यदल गठन गरेको छ । जलविद्युत, सडक तथा अन्य ठूला पूर्वाधार आयोजनामा लगानी गर्ने उद्देश्यले बैंक गठनको तयारी भइरहेको...

अभावको मौका छोपेर दोब्बर मूल्य

अभावको मौका छोपेर दोब्बर मूल्य

काठमाडौं–सुक्खायामको मौका छोप्दै खानेपानी ट्यांकर व्यवसायीले पानीको मूल्य दोब्बर बढाएका छन् । पानीको हाहाकार बढ्दै जाँदा उपत्यकामा चल्ने खानेपानी ट्यांकरले दोब्बरभन्दा धेरै मूल्य बढाउँदै कालोबजारी गरिरहेका छन्।

टमाटरसँगै उम्रिए, लहराए, फूले अनि फले उनी

टमाटरसँगै उम्रिए, लहराए, फूले अनि फले उनी

सर्लाही– 'पत्रिकामा छापिएका रोजगारीसम्बन्धी प्रत्येक विज्ञापन नछुटाई हेर्थें,' लटरम्म फलिरहेको आफ्नो कृषि फार्मको टमाटर टनेलबाट बाहिर निस्किएपछि दीपेन्द्रले सम्झिए, तीन वर्षअघि काठमाडौंमा भौंतारिँदाको आफ्नो दैनिकी।

चिनियाँ जहाज नेपाल लाने अन्तिम तयारी

चिनियाँ जहाज नेपाल लाने अन्तिम तयारी

सियान (चीन)-नेपालका लागि निर्मित चारवटा जहाज अब छिट्टै नेपाल ल्याइने भएको छ । यसको अन्तिम तयारी भएको चिनियाँ कम्पनीले जनाएको छ। सन् २०१५ को डिसेम्बरमा नै तयार भएका ती जहाज...

लाङटाङ उठाउँदै गाउँले

लाङटाङ उठाउँदै गाउँले

नुवाकोट–गतवर्ष वैशाख १२ को भूकम्पसँगै हिमपहिरो गएको १ वर्ष पुग्नै लाग्यो। भूकम्पसँगै गएको हिमपहिरोले धेरैको घरमात्र पुरिएन, सँगालेर राखेका धेरै सपनाका पहाड भत्किए। धेरैले आफन्त गुमाए, बाँच्ने टुहुरा भए तर...