Friday 9 Shrawn, 2071 |
Menu

अर्थ

त्रिशूली थ्री एमा स्थानीयको अवरोध

  • बिहीबार २० असार, २०७०
  • निराजन पौडेल
  • DISQUS_COMMENTS
(0 votes)
नुवाकोट - माथिल्लो त्रिशूली थ्री ए जलविद्युत आयोजनामा बुधबारदेखि स्थानीयले अवरोध सुरु गरेका छन्। स्थानीय सरोकार समितिले अनेक माग राख्दै आयोजना प्रमुखको कार्यकक्षमा तालाबन्दी गरेको हो।
स्थानीयको आन्दोलनलाई ठेकेदार चिनियाँ कन्सट्रक्सन कम्पनी गेजुवाले पनि साथ दिएको छ। गेजुवाले म्याद थप र दाबी भुक्तानीको माग पूरा नभएसम्मका लागि भन्दै केही दिनअघि काम रोकेको थियो। 
रसुवा र नुवाकोटका छुट्टाछुट्टै सरोकार समितिले आयोजनाको क्षमता ६० बाट बढाएर १४५ मेगावाट बनाउनुपर्ने, स्थानीयलाई २० प्रतिशत सेयर दिनुपर्ने लगायत माग राखेका छन्। 
सरोकार समितिले ठेकेदार कम्पनीलाई क्षमता विस्तार गर्न दिनुपर्ने र म्याद थप गरिदिनुपर्ने लगायत माग अघि सारेका छन्। स्थानीयले २६ बुँदे माग पेस गरेका हुन्। माग पूरा नभएसम्म तालाबन्दी गरिरहने उनीहरुले बताएका छन्। 
निर्धारित समयमा नसके सरकारलाई हर्जाना तिर्नुपर्ने सर्तसहितको इन्जिनियरिङ प्रोक्युरमेन्ट कन्ट्रयाक्ट (इपिसी) मोडलमा ठेक्का लिएको गेजुवाले अहिले आएर भने म्याद थपको माग अघि सारिरहेको छ। आयोजनाको क्षमता ६० बाट बढाएर ९० मेगावाट बनाउने सरकारी निर्णय फिर्ता भएपछि गेजुवाले दाबी भुक्तानी र म्याद थपको विषयमा नेपाल विद्युत प्राधिकरणसँग सर्त राखेको छ। सर्त पूरा नभएको भन्दै आयोजनाको काम अघि नबढाएको गेजुवाका प्रबन्ध निर्देशक वाङ जिवाङले बताएका छन्। 
समयमा काम गर्ने नसके र म्याद थप्न ठेकेदार कम्पनीले परामर्शदाता नर्थवेस्ट हाइड्रो इन्जिनियरमार्फत प्रस्ताव राख्नुपर्ने हुन्छ। ठेकेदारले काम सम्पन्न गर्न नसके नेपाल सरकारलाई ८० करोड तिर्नुपर्नेमा उसले उल्टै म्याद थप र दाबी भुक्तानी प्रमुख सर्त बनाएर काम ठप्प बनाइरहेको छ। विद्युत प्राधिकरण, परमर्शदाता नर्थवेस्ट हाइड्रो इन्जिनियर र गेजुवा ग्रुप कम्पनीबीच भएको त्रिपक्षीय छलफलमा गेजुवाका प्रबन्ध निर्देशक वाङले म्याद थपको प्रस्ताव राखेको प्राधिकरण स्रोतले बतायो। 
आयोजनाको ३० प्रतिशत काम पूरा भइसकेको छ। आउँदो मे २०१४ भित्र सम्पूर्ण काम पूरा गर्नुपर्ने भए पनि उक्त समयमा काम सम्पन्न गर्न नसक्ने भन्दै गेजुवाले म्याद थप्न प्रस्ताव गरेको हो । 
निर्माणको क्रममा विभिन्न राजनीतिक दल र स्थानीयबासीको अवरोध, जग्गाको मुआब्जा विवाद लगायत कारण आयोजनाको काम प्रभावित भएकाले निर्धारित समयका पूरा गर्न नसकेको गेजुवाले दाबी गर्दै आएको छ। आयोजनाका लागि चीनको एक्जिम बैंकले १.७५ प्रतिशतको सहुलियत ब्याजदरमा १० अर्ब रुपैयाँ ऋण सहयोग उपलब्ध गराएको छ।
राष्ट्र बैंकको सुझाव : किसानलाई ब्याजमा थप अनुदान देऊ

राष्ट्र बैंकको सुझाव : किसानलाई ब्याजमा थप अनुदान देऊ

काठमाडौं - नेपाल राष्ट्र बैंकले कृषि क्षेत्रमा भारतसँग प्रतिस्पर्धा गर्न सहुलियत ब्याजदरबाहेक पनि समयमै कर्जा तिर्ने किसानलाई ब्याजदरमा थप अनुदान दिन सुझाएको छ।

निगमकै पेट्रोलियममा पानी

निगमकै पेट्रोलियममा पानी

काठमाडौं-आयल निगमबाट खरिद गरेको 'गुणस्तरहीन' पेट्रोलियम पदार्थ प्रयोगले आफ्ना महँगा उपकरण बिग्रिएको भन्दै विद्युत प्राधिकरणले १८ करोड रुपैयाँ क्षतिपूर्ति माग गरेको छ।

अर्ब नाघ्यो सेयर कारोबार

अर्ब नाघ्यो सेयर कारोबार

काठमाडौं- विभिन्न कम्पनीको सेयर कारोबार हुने स्टक एक्स्चेन्जमा सोमबार साँझ सेयर दलालहरू प्रशन्न मुद्रामा लड्डु बाँड्दै थिए। उनीहरूको खुसीको कारण थियो– एक अर्ब रुपैयाँभन्दा बढीको सेयर कारोबार। नेपालमा सेयर कारोबार...

लाखको सामान नफेर्दा साढे ६ करोड गुम्यो

लाखको सामान नफेर्दा साढे ६ करोड गुम्यो

काठमाडौं- राष्ट्रिय ध्वजावाहक नेपाल वायुसेवा निगमले अन्तर्राष्ट्रिय उडान गरिरहेको एउटा ठूलो जहाजमा लाख रुपैयाँ पर्ने एउटा सामान नफेरेर करोडौं आम्दानी जानाजान गुमाइरहेको छ। निगम व्यवस्थापनले बोइङ ७५७ ९एन–एसिए जहाजको दायाँ...

घ्यूकुमारीले रुवायो किसान

घ्यूकुमारीले रुवायो किसान

चितवन-प्रशस्त आम्दानी हुने आसमा घ्यूकुमारी (एलोभेरा) खेती गरेका किसान अहिले लगानीसमेत डुब्दा रुन मात्रै सकेका छैनन्। यसको बिरुवा र पात सबै किन्ने भनेर भरतपुरमा केन्द्रीय कार्यालय रहेको पाम एग्रोटेक तथा...

बिजुली किन्न भारतका कडा सर्त

बिजुली किन्न भारतका कडा सर्त

काठमाडौं- नेपालले चार वर्षअघि पिटिए (विद्युत व्यापार सम्झौता) गर्न प्रस्ताव गरेको मस्यौदाको भारतले नयाँ सर्तसहित जवाफ पठाएको छ। उसका सर्त हुबहु मानेर सम्झौता गर्नै नसकिने विज्ञहरुको धारणा छ।

नयाँ मौद्रिक नीतिले बैंक पदाधिकारीलाई अंकुश

नयाँ मौद्रिक नीतिले बैंक पदाधिकारीलाई अंकुश

काठमाडौं- नेपाल राष्ट्र बैंकले बैंक तथा वित्तीय संस्थामा संस्थागत सुशासन बलियो बनाउन एउटै पदमा दुईपटकभन्दा बढी रहन नसक्ने व्यवस्था गरेको छ। केन्द्रीय बैंकले शुक्रबार मौद्रिक नीति सार्वजनिक गर्दै बैंक तथा...

गाउँमा मूल्य तेब्बर

गाउँमा मूल्य तेब्बर

धादिङ- राजधानीसँग सीमा जोडिएको धादिङको उत्तरी क्षेत्रका गााउँमा दैनिक उपभोग्य वस्तुकोे मूल्य जिल्ला सदरमुकामको तुलनामा तेब्बर पर्छ। तिप्लिङ, सेर्तुङ, लापा, री, झार्लाङलगायत मोटरबाटो नपुगेका हिमाली गाउँमा व्यापारीले ढुवानी खर्च भन्दै...