Friday 5 Mangshir, 2071 |
Menu

अर्थ

अनलाइन कम्पनी दर्ताले राजधानी धाउने झञ्झट हट्यो

mynepal
(0 votes)

चितवन – कुनै पनि कम्पनी संचालन गर्न तथा त्यसका अन्य गतिविधिको कानुनी प्रक्रिया पूरा गर्न राजधानी धाउनु नपर्ने भएपछि चितवनका व्यवसायी तथा उद्योगी प्रशन्न बनेका छन्। सेवामूलक हुन् वा नाफामूलक जुनसुकै खालका कम्पनी दर्ता तथा नवीकरण गर्न महिनौ धाउनुपर्ने र अनावश्यक झन्झट व्यहोरिरहेका व्यसायीहरुले सबै सेवा अनलाइनमार्फत नै पाउने भएका छन्।

कम्पनी ऐन रजिष्ट्रारको कार्यालयले आफ्नो वेबसाइटमार्फत् सबै सेवा जिल्ला जिल्लामा दिने भएपछि उनीहरु ढुक्क बनेका हुन्। जिल्लाबाटै काम गर्न पाउनु सुखद भएको भन्दै कम्पनीको बारेमा रहने जानकारी गोप्य रहन सक्ने ग्यारेन्टी भए अनलाइन सेवा प्रभावकारी बन्ने व्यवसायी मोहनचन्द्र पोखरेलले बताए।

'पाँच दिन काठमाडौं बस्ने त्यसपछि वरपर झुम्मिनेहरुलाई काम छिटो गर्न पैसा बुझाउनु पर्ने समस्या अनलाइन सेवाबाट हट्ला जस्तो छ' ,व्यवसायी राजेन्द्र श्रेष्ठले भने।

मंगलबार कार्यालयले आफ्ना वेवसाइटका बारेमा चितवनका व्यवसायी तथा कम्पनी दर्ता गर्न इच्छुकहरुलाई जानकारी समेत दिएको छ। कम्पनी दर्ता गर्न चाहने जो कोहीले पनि www.ocr.gov.np लग अन गरी त्यहाँ दिइएको प्रकियाअनुसार दर्ता गर्न सक्नेछन्।

'दर्ता गर्न के गर्नुपर्छ र कस्ता कस्ता कागजपत्र पेश गर्नुपर्छ सबै प्रक्रिया र आवश्यक कागजातको सूचि साइटमै छ', इन्जिनियर शरसजंग देवानले भने- 'आफ्ना कम्पनीका गतिविधी तथा प्रतिवेदन पनि सहजै पोष्ट गरेर जानकारी दिनसकिनेछ।'

पहिले युजर नेम बनाउने र कम्पनीको नाम खोज्ने उनले भने कसैको नाममा कम्पनी रहेनछ भने स्वीकृत भएको इमेल वेबसाइटले पठाउछ। त्यसपछि कम्पनीको नियमावली, नागरिकताको फोटोकपी सहितका आवश्यक सामाग्रीको डिजिटल कपी वेबसाइटबाटै पठाउन मिल्ने व्यवस्था गरिएको छ।

'अब काठमाडौं पुगेर कुर्नुपर्ने समस्या हट्ने मात्र हैन रजिष्ट्रार शंकर अर्यालले भने फाइल हराउने, व्यवस्थापन गर्ने काम पनि अनलाइनबाटै सहज हुनेछ।' दैनिक ५० सम्म कम्पनी दर्ता गर्ने क्रम बढेकाले कम जनशक्तिले धान्न नसक्ने अवस्थाबाट वेबसाइटले मुक्ति दिने उनले बताए।

व्यवसायीले ढिला हुँदा तिर्नु पर्ने धेरै जरिवाना, वकिललाई लाग्ने दस्तुर र तथा कम्पनी दर्ताका नाममा हुने घुसखोरी नियन्त्रणमा पनि वेवसाइटको कार्य संचालनले सहयोग गर्ने अपेक्षा गरिएको छ। 'वेबसाईटको राम्रो अध्ययन गरी बढीभन्दा बढी व्यवसायिक फाइदा लिनुस्', इन्जिनियर देवानले भने- 'प्राविधिक युगमा व्यवसायिक क्षेत्र यस प्रक्रियामा जानैपर्छ।'

वेबसाइटमार्फत् काम गर्दा हरेक कम्पनीको गोप्यता कायम रहने विश्वास दिलाउँदै उनले ढुक्क भएर आफ्नै जिल्लाबाट काम गर्न आह्वान गरे।

अनलाईन सेवा शुरु भएको पाँच महिनामा करिब नौसय कम्पनी दर्ता भएका छन्। कम्पनी राजिष्ट्राको कार्यालयले अनलाइनमा पठाएका सामाग्रीको वास्तविक कागजपत्र पनि जिल्लाबाटै संकलन गर्न सम्बन्धित जिल्लाका उद्योग बाणिज्य संघहरुसँग सहकार्य गर्ने तयारी गरिरहेको जनाएको छ।

'कामको बढी चापका बिच हामीले काठमाण्डौ गएर समय खेर फाल्नु नपर्ने भएको छ', नेपाल उद्योग बाणिज्य महासंघ प्रवर्द्धन समितिका संयोजक दिनेश श्रेष्ठले भने- 'सरल र सहज रुपमा व्यवसायीलाई सेवा दिने कार्य थालनी भैसकेको छ।'

कार्यालयले दिने सुविधाको उपभोगका लागि अनलाइन सेवा सहज बाटो भएको उद्योग बाणिज्य संघ चितवनका अध्यक्ष डा.तिलचन्द्र भट्टराईले बताए। जिल्लाका कम्पनीमा कुनै समस्या भए त्यसलाई गोप्य रुपमा समाधान गर्ने व्यवस्था पनि भए अझ राम्रो हुने सुझाव दिए।
पञ्चेश्वर डिपिआर '६ महिनाभित्र'

पञ्चेश्वर डिपिआर '६ महिनाभित्र'

काठमाडौं— पञ्चेश्वर बहुउद्देश्यीय आयोजनाको 'विस्तृत आयोजना प्रतिवेदन' (डिपिआर) ६ महिनाभित्र पूरा गर्न नेपाल र भारत सहमत भएका छन्। भारतको नयाँदिल्लीमा मंगलबार र बुधबार बसेको 'पञ्चेश्वर विकास प्राधिकरण' सञ्चालक समिति बैठकमा...

मलेसियाबाट गैरकानुनी कामदार फिर्ता अभियान, कानुनी हैसियतका पनि फर्कंदै

मलेसियाबाट गैरकानुनी कामदार फिर्ता अभियान, कानुनी हैसियतका पनि फर्कंदै

काठमाडौं-मलेसियामा रहेका गैरकानुनी कामदारलाई स्वदेश पठाउन कोपरासी इमिग्रेसन मलेसिया बरहाडले थालेको अभियानमार्फत कानुनी रुपमा रहेका कामदार पनि धमाधम नेपाल फर्कन थालेका छन्। मलेसिया सरकारले अवैधानिक रुपमा बसेका र राहदानी नभएका...

करदाता सम्मानित

करदाता सम्मानित

काठमाडौं– सरकारले अघिल्लो आर्थिक वर्षमा सबैभन्दा बढी कर तिर्ने संस्था र व्यक्तिलाई सम्मान गरेको छ। आन्तरिक राजस्व विभागले तेस्रो कर दिवसको अवसर पारेर सोमबार सम्मान गरेको हो। अर्थमन्त्री रामशरण महतले...

सौर्यको नियमित उडान सुरु

सौर्यको नियमित उडान सुरु

काठमाडौं– निजी क्षेत्रको आन्तरिक वायुसेवा कम्पनी सौर्य एयरलाइन्सले सोमबारबाट नियमित व्यापारिक उडान सुरु गरेको छ। सौर्यले गत भदौ २ मा क्यानडाको बम्बार्डियर कम्पनीमा निर्मित जहाज काठमाडौं ल्याएको थियो। कम्पनीले ५४...

भण्डारी निर्दोष : विश्व बैंक

भण्डारी निर्दोष : विश्व बैंक

काठमाडौं- दोस्रो वित्तीय क्षेत्र सुधार कार्यक्रममा भ्रष्टाचारका दोषी भनिएका राष्ट्र बैंकका तत्कालीन कार्यकारी निर्देशक राजनसिंह भण्डारी निर्दोष भएको विश्व बैंकले जनाएको छ। विश्व बैंकको केन्द्रीय कार्यालयले अक्टोबर २४ मा भण्डारीलाई...

सामसङको कर्भ्ड टिभी आयो

सामसङको कर्भ्ड टिभी आयो

काठमाडौं- आठ वर्षदेखि टिभी प्रविधिका क्षेत्रमा अग्रणी सामसङ इलेक्ट्रोनिक्सले आफ्नो नयाँ कर्भ्ड युएचडी टिभीको शृंखला नेपालमा आएको छ। यो कर्भ्ड र युएचडी प्रविधि मिश्रित विश्वको पहिलो भएको कम्पनीले दाबी गरेको...

नजान्दा फोहोर, जान्दा मोहोर

नजान्दा फोहोर, जान्दा मोहोर

काठमाडौ-सानैमा भारत छिरेका तिलक बस्ताकोटीले १७ वर्षसम्म प्लास्टिक सामान बनाउने कारखानामा काम गरे। कलकत्ताको त्यही अनुभव उनलाई आफ्नो पेसामा अब्बल हुने आधार बन्यो। विदेशको लामो अनुभवलाई स्वदेशमै प्रयोग गर्दै उनले...

क्यान्डी क्रसका डेभलपर भन्छन्- '१ सय ९६ लेभलमै छु'

क्यान्डी क्रसका डेभलपर भन्छन्- '१ सय ९६ लेभलमै छु'

काठमाडौं- राजधानीको बालुवाटारकी स्वेच्छा प्रधानांगले 'क्यान्डी क्रस सागा' खेल्न थालेको दुई वर्ष भयो। एक साताअघि मात्र ७ सय १६ लेभल पार गरेकी उनी ७ सय १७ लेभलमा भिडिरहेकी छन्। स्वेच्छा...