Tuesday 15 Bhadra, 2072 |
Menu

अर्थ

republica-header

ist-cc

डलर महँगिदा सामान अर्डर रोकियो

  • आइतबार ९ भाद्र, २०७०
  • ध्रुव दंगाल
  • DISQUS_COMMENTS
(0 votes)
सिन्धुपाल्चोक - दसैंको मुखैमा अमेरिकी डलरको मूल्यमा भएको लगातार वृद्धिले चिनियाँ सामग्रीको अर्डर रोकिएको छ। व्यापारीले 'पर्ख र हेर'को रणनीति अपनाउँदा सामग्री अर्डर बन्द भएको हो।
बढ्दो डलर मूल्य र रोकिएको अर्डरले कम आयवर्गका उपभोक्ताले दसैंमा महँगीको मार खेप्नुपर्ने मात्र नभई चिनियाँ सामग्रीको अभाव सिर्जना हुने सम्भावना बढेको छ।
यो दसैंका सामान अर्डर गर्ने र धमाधम भित्र्याउने मुख्य सिजन हो। डलर मूल्य बढ्न थालेदेखि नै व्यापारीले अर्डर रोक्दा खासास्थित गोदाममा माल आउन सकेका छैनन्। दसैंमा उपभोक्ताको माग धान्न अर्डर र आयात दुवै ढिला भइसकेको छ। डलरको मूल्य माथि चढ्न थालेदेखि यसअघि नै व्यापारीले अन्य सामग्री आयात पनि दुई तिहाइले घटाएका छन्। बढ्दो डलर मूल्य स्थिर भएपछि मात्र सामग्री अर्डर थाल्ने पर्खाइमा व्यापारी छन्।
सिन्धुपाल्चोक उद्योग वाणिज्य संघका अध्यक्ष राजेन्द्रकुमार श्रेष्ठले डलरको मूल्य वृद्धिले सामग्री अर्डर रोकिएको बताए। 'लगातारको वृद्धिले ढुक्क भएर सामानमा लगानी र अर्डर गर्ने अवस्था छैन,' उनले भने। लगानी सुरक्षाका लागि अर्डर रोक्नु व्यवसायीको बाध्यता भएको उनले सुनाए। साउनदेखि ने बढ्न थालेको डलर मूल्य अहिले १ सय ३ रुपैयाँ ५० पैसा पुगेको छ।  वृद्धि १ सय ११ को बिन्दुमा पुग्ने अनुमानले लगानी गर्न व्यपारीलाई अझै हतोत्साही बनाएको छ।
चीनको ग्वान्जाओ, सांघाइ, युलगायत सहरबाट चिनियाँ सामग्री नेपाल आयात हुने गर्छ। ग्वान्जाओ चिनियाँ सामग्रीको ठूलो सहर हो। ती सहरबाट अर्डर गरेको २० दिनमा सामान नेपाल भित्रिसक्छन्। सामग्री भित्रँदा अस्थिर डलर मूल्य घट्न सक्ने भएकाले यसको प्रत्यक्ष मार व्यवसायीलाई पर्ने आयातकर्ता अर्जुन सापकोटाले बताए। 'जान्दाजान्दै जोमिख उठाउने कुरा भएन,' उनले भने।
अध्यक्ष श्रेष्ठले व्यवसायीले साउनदेखि नै आयात दुई तिहाइले कटौती गरेको जानकारी दिए। उनले भने, 'चिनियाँ सहरबाट तीन कन्टेनर सामान अर्डर गर्ने व्यापारीले एक कन्टेनर मात्र आयात गरिरहेका छन्।' दसैंमा लत्ताकपडा, जुत्ता, चप्पल, शृंगार र सजावटका चिनियाँ सामग्री अधिक खपत हुन्छन्।
गत दसैंमा डलर मूल्य ८५–८८ थियो भने चिनियाँ युआन (घोर्मु) १३ रुपैयाँ। अहिले युआनको सटही दर पनि १७ रुपैयाँ पुगेको छ। चिनियाँ सामग्री २५ प्रतिशतसम्म महँगिएका छन्। नेपाली व्यापारीले डलरमा कारोबार गर्दै आएका छन्। व्यापारीका अनुसार डलर महँगिँदा युआनको सटही दर पनि उकालो चढ्छ। खासास्थित गोदाममा पुरानो मूल्यमा अर्डर गरिएका सामान रहेकाले तत्काल आयातमा असर नदेखिएको तातोपानी भन्सारले जनाएको छ।
'अर्डर अझै केही दिन रोकिने हो भने आयात र राजस्व संकलन दुवैमा असर देखिने छ,' प्रमुख भन्सार अधिकृत मिमांस अधिकारीले भने। उनका अनुसार डलर मूल्यमा उतारचढाव आउन थालेसँगै केही महिनायता आयात प्रवाह घटेको छ। डलर मूल्य केही घट्न सक्ने भए पनि दसैंमा चिनियाँ सामग्री २०–२५ प्रतिशतले महँगो पर्ने व्यापारीले बताए।

प्रतिक्रिया

यात्रुबसमा 'हवाई जहाजसरह सुविधा'

यात्रुबसमा 'हवाई जहाजसरह सुविधा'

पोखरा- यातायात व्यवसायीले ठूलो लगानीमा सुविधासम्पन्न बस चलाउन थालेका छन्। पोखरा जगदम्बा ट्राभल्सले नेपालमा सञ्चालित यात्रुबाहक सवारीको तुलनामा निकै सुविधासम्पन्न बस भित्र्याएको दाबी गरेको छ।

हुन्डाइ क्रेटा सार्वजनिक हुँदै

हुन्डाइ क्रेटा सार्वजनिक हुँदै

काठमाडौं- हुन्डाइ कम्पनीले बहुप्रतिक्षित क्रेटा कार भदौको अन्यतिर नेपाली बजारमा सार्वजनिक गर्ने भएको छ। एसयुभी (स्पोर्टस् युटिलिटी भेहिकल) सेग्मेन्टको हुन्डाइ क्रेटा नेपाली बजारमा ल्याउने तयारी रहेको नेपालका लागि हुन्डाइको आधिकारिक...

प्रहरी स्कर्टिङमा एलपी ग्यास ढुवानी

प्रहरी स्कर्टिङमा एलपी ग्यास ढुवानी

कोहलपुर- सातादेखि बाँकेलगायत मध्य र सुदूरपश्चिमका पहाडी जिल्लामा देखिएको खाना पकाउने एलपी ग्यास अभाव कम गर्न प्रशासनले पहरा दिएर ढुवानी सुरु गरेको छ। ग्यास अभाव हुन नदिन प्रहरी स्कर्टिङमा वितरण...

बन्दले बाध्यता भो हवाईयात्रा

बन्दले बाध्यता भो हवाईयात्रा

नेपालगन्ज- सार्वजनिक सवारी साधन नचल्दा सल्यान, थारमारेका इन्द्रबहादुर भण्डारी काठमाडौं पुग्न हवाई यातायात रोज्न बाध्य भए। तर, उनका लागि हवाई यात्रा पनि सहज भएन। जागिरका लागि आवेदन दिएका उनी बुधबार...

धावनमार्गछेउका अग्ला घर भत्काऊ

धावनमार्गछेउका अग्ला घर भत्काऊ

काठमाडौं-व्यवस्थापिका संसदको विकास समितिले त्रिभुवन अन्तर्राष्ट्रिय विमानस्थलको उडान तथा अवतरण रुटमा बनाइएका अग्ला घर तत्काल भत्काउनुपर्ने निष्कर्षसहितको प्रतिवेदन तयार गरेको छ।

पेट्रोल पाइपलाइन सम्झौतामा हस्ताक्षर

पेट्रोल पाइपलाइन सम्झौतामा हस्ताक्षर

काठमाडौं- लामो प्रतीक्षापछि नेपाल र भारतबीच रक्सौल–आमलेखगन्ज पेट्रोलियम पाइपलाइन निर्माण गर्ने सम्झौता भएको छ। सोमबार नेपाल सरकारका तर्फबाट वाणिज्य तथा आपूर्ति मन्त्री सुनिलबहादुर थापा र भारतका पेट्रोलियम तथा प्राकृतिक ग्यास...

नाकामा रोकिए ४ हजार गाडी

नाकामा रोकिए ४ हजार गाडी

वीरगन्ज- मधेसकेन्द्रित तथा अन्य राजनीतिक दलको १० दिनदेखि जारी बन्दका कारण चार हजार मालबाहक गाडी मुलुकको प्रमुख नाका वीरगन्जनजिकै भारतीय सीमामा थन्किएका छन्।

फेरि बजेट बराबर रेमिटेन्स

फेरि बजेट बराबर रेमिटेन्स

काठमाडौं- पछिल्लो समय विदेशमा बस्ने नेपालीले मुलुकको बजेट बराबर रेमिटेन्स पठाउन थालेका छन्। आर्थिक वर्ष २०६९/०७० र २०७०/०७१ मा बजेटभन्दा बढी आएको रेमिटेन्स आव २०७१/०७२ मा भने बजेटकै हाराहारी छ।