Thursday 2 Ashwin, 2071 |
Menu

अर्थ

घरजग्गा कारोबारमा बैंक ऋणकै भर

  • शुक्रबार ११ श्रावण, २०७०
  • केशवशरण लामिछाने
  • DISQUS_COMMENTS
(0 votes)
पोखरा -अघिल्लोपटकको दाँजोमा बितेको वर्ष कास्कीमा घरजग्गा कारोबार २२ प्रतिशतले बढेको छ। बैंकको ऋण लिएर घरजग्गा किन्ने उल्लेख्य छन्। चार वर्ष अघि चुलिएर त्यसपछि ओरालो लाग्न थालेको घरजग्गा किनबेच अहिले व्यावसायिकभन्दा पनि व्यावहारिकमा सीमित भएको सम्बद्ध अधिकारी बताउँछन्।
मालपोत कार्यालय कास्कीका अनुसार गएको आर्थिक वर्ष २०६९/७० मा २७ हजार ४ सय लिखत पास भएका छन्। यो अघिल्लो वर्षको दाँजोमा ५ हजारले बढी हो। गएको वर्षका २७ हजार ४ सय किनबेचमध्ये १० हजार ४ सयवटा कारोबार बैंक ऋणका आधारमा भएको मालपोतको रेकर्डमा उल्लेख छ। आवास अरु व्यावसायिक कार्यका लागि भएको जग्गा कारोबारमा बैंकले लगानी गरेका हुन्। 
'कारोबार भएकामध्ये ३८ प्रतिशतमा बैंकको ऋण छ,' मालपोत कास्कीका सूचना अधिकृत ऋषि लामिछानेले भने। केन्द्रीय बैंकले घरजग्गामा लगानी निरुत्साहन गर्ने नीति लिइरहेको भए पनि सर्वसाधारणले बैंक ऋणको भर पर्न नछोडेको कास्कीको तथ्यांकले देखाएको छ। 
राष्ट्र बैंकको पछिल्लो निर्देशनले घरजग्गा र आवास कर्जालाई एकै शीर्षकमा राख्न दिएकाले बैंक ऋण प्रवाह सहज भएको विकास बैंक संघका उपाध्यक्ष भरतराज ढकाल बताउँछन्। पोखरा आवासीय हिसाबले उत्तम ठाउँ भएकाले पनि घरजग्गाको व्यावहारिक कारोबार बढिरहेको उनको ठम्याइ छ। 'पोखरामा धेरै वित्तीय संस्था छन्। त्यसैले सर्वसाधारणलाई कर्जा लिन पनि सजिलो भएको छ,' मुक्तिनाथ विकास बैंकका सिइओसमेत रहेका ढकालले भने। 
घरजग्गा व्यवसायी यदु अधिकारी घरै बनाउन आवश्यक पर्नेहरुले जग्गा किनबेच गरिरहेको बताउँछन्। 'पहिला पर्ख र हेरको अवस्थामा थिए। अहिले मूल्य केही घट्नाले किनबेच बढेको हो,' उनले भने। उनले घरजग्गाको मूल्य १५/२० प्रतिशतको हाराहारीमा घटेको जानकारी पनि दिए। 
राजधानी उपत्यकामा घटेको भए पनि कास्की लगायत जिल्लामा पछिल्ला वर्ष पनि घरजग्गा कारोबार बढिरहेकै छ। पछिल्ला वर्षमध्ये कास्कीमा २०६६/६७ मा सबैभन्दा बढी घरजग्गा कारोबार भएको थियो। त्यो वर्ष ३४ हजार ४ वटा लिखत पारित भएको मालपोतले जनाएको छ। 
६७/६८ मा भने अघिल्लो वर्षको दाँजोमा कारोबार संख्या १३ हजारले कम भएको थियो। उक्त वर्ष २० हजार ९ सय कारोबार भए। त्यसपछि भने कारोबार लगातार बढिरहेकै छ। ६८/६९ मा २२ हजार ४ सय लिखत पास भएको छ। यो अघिल्लो वर्षको भन्दा ७ प्रतिशतले बढी हो। 
गएको वर्ष अघिल्लोपटकको भन्दा बढेको कारोबारबाट मालपोत कार्यालय कास्कीले ३१ करोड १६ लाख राजस्व संकलन गरेको छ। कारोबार संख्या २२ प्रतिशतले बढे पनि राजस्व वृद्धि भने ३८ प्रतिशत छ। हरेक वर्ष बढ्ने जग्गा मूल्यांकनले राजस्व वृद्धिमा सघाउ पुर्यारएको हो। 
घरजग्गामा प्रवाह भएको ऋणले अप्ठेरो पार्न थालेपछि ४ वर्षअघि केन्द्रीय बैंकले यो क्षेत्रमा लगानी गर्न बैंक तथा वित्तीय संस्थालाई अंकुश लगाएको थियो। घरजग्गाका लागि दिएको ऋण कुल लगानीको ४० प्रतिशतमा झार्नुपर्ने गरी उसले सीमा तोकिदिएपछि मुलुकभर नै कारोबारमा शिथिलता आएको थियो। ७० सालको असार मसान्तभित्र त्यसलाई २५ प्रतिशतमा झार्नुपर्ने केन्द्रीय बैंकको निर्देशनले पनि घरजग्गाको व्यापारिक कारोबार खस्केको थियो। तर, व्यापारिक नभई आवश्यकताका लागि घरजग्गा किनबेच गर्न पनि सर्वसाधारण बैंकिङ ऋणकै भर परिरहेको कास्कीको तथ्यांकले देखाएको छ।
डेरामा बस्नेलाई लक्ष्य गर्दै सस्ता घर

डेरामा बस्नेलाई लक्ष्य गर्दै सस्ता घर

पोखरा- भाडा तिर्दातिर्दा हैरान हुनुभएको छ। केही लाख रुपैयाँ जम्मा गर्न पनि सक्नुहुन्छ भने पोखरामा घर बनाउने सपना पूरा हुन सक्छ। आवासका लागि सहयोग समूह लुमन्तीले डेरामा बस्दै आएका व्यक्तिलाई...

तरकारी मूल्य दोब्बर

तरकारी मूल्य दोब्बर

काठमाडौं- दुई दिनको अन्तरालमै कालीमाटीमा केही तरकारीको भाउ दोब्बर भएको छ। किसान र उपभोक्ता अधिकारकर्मी यसलाई त्यहाँका कर्मचारी र बिचौलिया 'मिलेमतोको नतिजा' भन्छन्।

मुस्ताङको स्याउ नपाक्दै बिक्री

मुस्ताङको स्याउ नपाक्दै बिक्री

बाग्लुङ-मुस्ताङको स्याउ किसानले नपाक्दै बिक्री गरेका छन्। कृषि प्राविधिकले असोजको पहिलो साताबाट टिप्न सुझाए पनि किसानले पहिल्यै टिपेर बेचेका हुन्। काँचैमा बेच्दा स्वाद कमजोर हुने भए पनि किसानले पहिल्यै बेचेको...

गोदावरी भिलेज रिसोर्ट पुनः सञ्चालन

गोदावरी भिलेज रिसोर्ट पुनः सञ्चालन

काठमाडौं-व्यवस्थापन र मजदुरबीच झन्डै तीन महिना लामो विवादपछि ललितपुरस्थित गोदावरी भिलेज रिसोर्ट पुनः सञ्चालनमा आएको छ। मजदुरले राखेका मागमध्ये तीनवटा पूरा गर्न व्यवस्थापन सहमत भएपछि रिसोर्ट खुलेको हो।

विद्युत महसुल १४ प्रतिशत बढ्दै

विद्युत महसुल १४ प्रतिशत बढ्दै

काठमाडौं- विद्युत महसुल निर्धारण आयोगका सदस्य १३.७ प्रतिशतसम्म महसुल बढाउन सहमत भएका छन्। आयोगको आइतबार बसेको बैठकमा यस्तो सहमति भएको हो। आयोग पदाधिकारी र सदस्यको तीनवर्षे कार्यकाल पूरा भइसकेकाले औपचारिक...

दोस्रो चिनियाँ जहाज कहिले?

दोस्रो चिनियाँ जहाज कहिले?

काठमाडौं- राष्ट्रिय ध्वजावाहक नेपाल वायुसेवा निगमले चीनबाट ल्याउन लागेको दोस्रो जहाज आउने मिति अझै अनिश्चित भएको छ। चीनले यसअघि दिएको मितिअनुसार जहाज गत असार ३० मा आउनुपर्थ्यो।

टेलिकमको वाइम्याक्स अफर

टेलिकमको वाइम्याक्स अफर

काठमाडौं- सुबिसु क्यान सफ्टटेक मेलामा नेपाल टेलिकमले ग्राहकका लागि विभिन्न प्याकेज ल्याएको छ। बिहीबारबाट सुरु भएको मेलामा दर्शकले वाइम्याक्सका विभिन्न अफरमा फाइदा लिनसक्ने टेलिकमले जनाएको छ।

मलेसियाबाट एक करोड १२ लाख क्षतिपूर्ति

मलेसियाबाट एक करोड १२ लाख क्षतिपूर्ति

काठमाडौं— मलेसियामा दुर्घटनामा परी घाइते भएका पर्वत बाजुङका प्रेमबहादुर रेग्मीले तीन लाख ७२ हजार पाँच मलेसियन रिंगेट (करिब एक करोड १२ लाख रुपैयाँ) क्षतिपूर्ति पाएका छन्।