Thursday 13 Jestha, 2073 |
Menu

अर्थ

republica-headerdiscount-subscribe1

istl

व्यक्तिगत र तेस्रो पक्ष धितो कर्जाको समय थप

(0 votes)
काठमाडौं - नेपाल राष्ट्र बैंकले नयाँ आर्थिक वर्षबाट व्यक्तिगत प्रयोजन, तेस्रो पक्षको धितो राखेर दिइएको ऋण र ब्याज आउने गरी एक वित्तीय संस्थाले अर्कोमा पैसा राख्न नपाउने व्यवस्थालाई खुकुलो बनाउने भएको छ। केन्द्रीय बैंकले सोमबार एकीकृत निर्देशिका जारी गर्दै पुरानो व्यवस्था खुकुलो बनाउन लागेको हो।
nepali-patro-may

बैंक तथा वित्तीय संस्थाहरुको आग्रहमा राष्ट्र बैंकले समय थप गर्ने भएको हो। राष्ट्र बैंकले एक पटकका लागि भन्दै समय थप्न लागेको हो। राष्ट्र बैंकले तेस्रो व्यक्तिको धितोमा दिइएका पुराना ऋण परिपक्व नभएसम्मलाई समय बढाएको हो। व्यक्तिगत ऋण १ करोड रुपैयाँमा झार्नुपर्ने र ब्याज आउने गरी अर्को संस्थामा पैसा राख्ने व्यवस्था एक वर्ष थपिएको हो। सर्वसाधारण, उद्यमी र बैंकरको आग्रहमा राष्ट्र बैंकले यसको समय बढाइदिएको हो।
व्यक्तिगत प्रयोजनका लागि दिइएको ऋण करोडभन्दा तल झार्न राष्ट्र बैंकले निर्देशन दिएपछि मासिक किस्ता तिर्ने योजना बनाएर ऋण लिएकाहरु अप्ठेरोमा परेका थिए। अरुको सम्पत्ति धितो राखेर लामो अवधि ऋण लिएका उद्यमी, व्यवसायी तथा सर्वसाधारणलाई बैंकहरुले तुरुन्त ऋण तिर्न वा तेस्रो व्यक्तिलाई पनि कम्पनीको स्वामित्व प्रदान गर्न दबाब दिन थालेपछि ऋणी अप्ठेरोमा थिए।
व्यक्तिगत ऋण रियलस्टेट तथा प्लटिङको किस्ता तथा ब्याज तिर्न प्रयोग हुन थालेको शंका गर्दै राष्ट्र बैंकले यसको सीमा १ करोडमा झारेको थियो। ग्राहकले दुई/चार वर्षका लागि लगेको ऋण एक वर्षमै तिर्न समस्या हुने भन्दै बैंकरहरुले समय बढाउन माग गरेका थिए।
राष्ट्र बैंकको निर्देशनपछि बैंक तथा वित्तीय संस्थाले ग्राहकलाई १ करोडभन्दा बढीको रकम भुक्तानी गर्न वा व्यक्तिगतलाई व्यावसायिकमा परिवर्तन गर्न दबाब दिन थालेका थिए। केन्द्रीय बैंकको निर्देशनपछि बैंकहरुले १ करोडभन्दा बढी रकमको व्यक्तिगत ऋण लगानी गर्न छाडेका भए पनि पुरानो ऋण उठाउन र मिलान गर्न उनीहरुलाई समस्या परिरहेको छ। यसपछि तेस्रो पक्षको धितोमा ऋण दिन पनि छाडिसकेका छन्।
भोलि सोमबार आउने नयाँ व्यवस्थापछि बैंक र ग्राहक दुवैलाई सहज हुनेछ। बैंक तथा वित्तीय संस्थाले दिएका अधिकांश व्यावसायिक कर्जामा तेस्रो व्यक्तिको सम्पत्ति धितो छ। खासगरी उद्योग, व्यवसाय सञ्चालन, रियलस्टेट, सेयर, निर्माण तथा बैंक ग्यारेन्टी ऋणमा तेस्रो व्यक्तिको धितो प्रयोग भएको छ।
बैंकरका अनुसार नयाँ बैंकको तुलनामा ठूला र पुराना बैंकमा तेस्रो व्यक्तिको धितोमा ऋण बढी गएको छ। प्रत्येक बैंकमा यस्तो ऋण ६० करोड देखि १ अर्ब रुपैयाँसम्म छ।
बैंकहरुले चैतसम्म घरजग्गाका लागि १ करोडसम्मको व्यक्तिगत कर्जा ४० अर्ब ७७ करोड रुपैयाँ दिएका छन्। आवासीय, व्यावसायिक तथा प्लटिङका लागि बैंकहरुले १ खर्ब ६२ अर्ब ऋण लगानी गरेका छन्। ४० अर्बबाहेकको कुल रियलस्टेट ऋणको ब्याज तथा किस्ता तिर्न बैंकहरुले ग्राहकलाई अन्य सम्पत्ति धितो राखेर व्यक्तिगत ऋण लगानी गरेको राष्ट्र बैंकको सुपरीवेक्षण प्रतिवेदनमा पनि देखिएको थियो।
राष्ट्र बैंकले बैंक तथा वित्तीय संस्थाबीच ब्याज पाउने गरी निक्षेप राख्न नपाउने व्यवस्था हटाएपछि ९० विकास बैंक र ६० फाइनान्स कम्पनीलाई राहत पुग्नेछ। केन्द्रसँग पहुँच नभएका क्षेत्रीय स्तरका विकास बैंकलाई यसले राहत दिनेछ। अहिले विकास बैंक र फाइनान्स कम्पनीको करिब २० अर्ब निक्षेप वाणिज्य बैंकहरुमा छ।
विकास बैंक संघ र वित्त कम्पनी संघले क्षेत्रीय स्तरका संस्थाको ट्रेजरी व्यवस्थापन चुस्त र दुरुस्त हुन नसक्ने, संस्थामा रहने मौज्दात परिचालन गर्ने छुट्टै मौद्रिक औजार आइनसकेको अवस्थामा ब्याज पाउने गरी निक्षेप राख्दा वित्तीय क्षेत्रलाई नै फाइदा गर्ने भन्दै समय थप्न माग गरेका थिए। वित्तीय संस्थाले एक अर्कामा निक्षेप राखेर प्रवर्द्धक, सञ्चालकले ऋण चलाउने गरेको अनुमानमा असार मसान्तपछि ब्याज आउने खातामा पैसा राख्न नपाउने राष्ट्र बैंकले व्यवस्था गरेको थियो।

प्रतिक्रिया

मलेसियाबाट रेमिटेन्स आप्रवाह स्थिर

मलेसियाबाट रेमिटेन्स आप्रवाह स्थिर

मलेसिया- श्रम स्वीकृति लिएर सबभन्दा धेरै नेपाली कामदार आएको मलेसियाबाट स्वदेश जाने रेमिटेन्स पहिलोपटक स्थिर अवस्थामा पुगेको छ। पछिल्लो ४–५ वर्षयता निरन्तर नेपाल पठाउने रेमिटेन्स वृद्धि भइरहेको बेला चालु आर्थिक...

भएभरका योजनालाई राष्ट्रिय गौरव भनेर हुँदैन

भएभरका योजनालाई राष्ट्रिय गौरव भनेर हुँदैन

काठमाडौं–बजेट आर्थिक दस्तावेज मात्र नभई राजनीतिक दस्तावेज पनि हो । बजेट मुलुकका समस्या समाधान गर्नेतर्फ केन्द्रित हुनुपर्छ । यतिखेर नेपालमा रोजगारीको चरम अभाव छ । गरिबीका कारण ठूलो संख्याका युवा...

गिरान्चौर बस्तीलाई अमेरिकाबाट नुवाकोटे दिण्डुको ६ लाख

गिरान्चौर बस्तीलाई अमेरिकाबाट नुवाकोटे दिण्डुको ६ लाख

काठमाडौं– गिरान्चौर एकीकृत बस्ती निर्माणका लागि दिण्डु लामा ह्योल्मोले ६ लाख ६ हजार ६ सय ६ रुपैयाँ सहयोग गरेका छन्।  

हिमालय एयरलाइन्सले जेठ १८ देखि दोहाको सिधा उडान गर्ने (भिडियो)

हिमालय एयरलाइन्सले जेठ १८ देखि दोहाको सिधा उडान गर्ने (भिडियो)

काठमाडौं— नेपाल चीन संयुक्त लगानीको हिमालय एयरलाइन्सले १८ जेठ (३१ मे) देखि काठमाडौं—दोहा रुटमा दैनिक सिधा उडान गर्ने भएको छ। हिमालयको एयरबस ३२०—२१४ जहाज काठमाडौंबाट राति ११ बजे उड्नेछ भने...

अवरोध पश्चात बैंकहरुको कर्जामा वृद्धि

अवरोध पश्चात बैंकहरुको कर्जामा वृद्धि

२९ वटै वाणिज्य बैंकहरुले चालु आवको तेस्रो त्रैमास (चैत मसान्तसम्म)को वित्तीय विवरण सार्वजनिक गरिसकेका छन्। एक दुई अपावादलाई छाड्ने हो भने सबै वाणिज्य बैंकले विनाशकारी भूकम्पलगत्तै लामो तराई–मधेस आन्दोलन र...

विदेशी कब्जामा बिजुली-नदी

काठमाडौं- अधिंकाश ठूला जलविद्युत आयोजना निर्माण जिम्मा लिएका विदेशी कम्पनीले दशकौंदेखि नदी तथा खोला कब्जामा राखेका छन्। बिजुली उत्पादन नहुँदा नेपाली भने दैनिक १५ घन्टासम्म लोडसेडिङ झेल्दै अँध्यारोमा बाँच्न बाध्य...

पर्यटन प्रवर्द्धन गर्न 'मिसन कोरला–२०१६'

पर्यटन प्रवर्द्धन गर्न 'मिसन कोरला–२०१६'

पोखरा– नेपाल पर्यटन बोर्डको सहयोग एवम् पोखरा पर्यटन परिषद्को संयोजनमा पर्यटन प्रवर्द्धन गर्ने उद्देश्यका साथ पोखरादेखि नेपाल चीनबीचको नाका कोरलासम्मको ५ दिवशीय अवलोकन भ्रमण गरिने भएको छ।  

प्राथमिकता निर्धारण गरी कार्यक्रम ल्याऊ : निजी क्षेत्र

प्राथमिकता निर्धारण गरी कार्यक्रम ल्याऊ : निजी क्षेत्र

वीरगन्ज- पछिल्लो पटक ६ महिने मधेस आन्दोलन र साढे चार महिना चलेको सिमानाका बन्दको प्रत्यक्ष मार खपेको मुलुककै प्रमुख औद्योगिक तथा व्यापारिक नगर वीरगन्जका निजी क्षेत्रका अगुवासँग नेपाल रिपब्लिक मिडियाले...