16 Falgun, 2071 |
Menu

अर्थ

HUB

कुल नाफामा ५ बैंकको ४३ प्रतिशत हिस्सा

(0 votes)
कुल नाफामा ५ बैंकको ४३ प्रतिशत हिस्सा
काठमाडौं – गत आर्थिक वर्ष घट्दो अवस्थामा रहेको वाणिज्य बैंकहरुको नाफा चालु वर्षमा भने उच्च दरले बढिरहेको छ। समस्यामा परेका ऋणहरु विस्तारै उठ्न थालेको र ब्याज दरमा फराकिलो अन्तर (स्प्रेड) ले वाणिज्य बैंकहरुको नाफा बढेको हो। चालु आर्थिक वर्षको चैत मसान्तमा मात्रै बैंकहरुको नाफा ४५ प्रतिशतले बढेको छ। गत पुसमा नाफाको वृद्धि दर ५० प्रतिशत थियो भने असोजमा ४१ प्रतिशत। सञ्चालनमा रहेका ३२ वाणिज्य बैंकले चैतसम्म १२ अर्ब ९० करोड रुपैयाँ नाफा कमाएका छन्।
नाफा वृद्धिमा सबैभन्दा बढी योगदान निजी क्षेत्रका ५ वटा बैंकको छ। नबिल, नेपाल इन्भेस्टमेन्ट, एभरेस्ट, स्ट्यान्डर्ड चार्टर्ड र हिमालयन बैंकको कुल नाफा ५ अर्ब ४८ करोड रुपैयाँ छ। यो ३२ वाणिज्य बैंकले चैत मसान्तसम्म गरेको कुल नाफाको ४२.४८ प्रतिशत हो। यी बैंकहरुको नाफा समस्यामा परेको ऋण उठेको, फराकिलो स्प्रेड दर र शुल्क, कमिसन तथा छुट आम्दानीका कारण वृद्धि भएको हो।

सबैभन्दा बढी नाफा नबिल बैंकले गरेको छ। बैंकको नाफा १ अर्ब ५३ करोड ३६ लाख रुपैयाँ पुगेको छ। बैंकले गत पुसमै नाफा १ अर्ब नघाएको थियो। यसपछि नेपाल इन्भेस्टमेन्ट बैंकले नाफा बढाएको छ। इन्भेस्टमेन्टको नाफा १ अर्ब ३४ करोड ६५ लाख रुपैयाँ पुगेको छ। एभरेस्ट बैंकले १ अर्ब ३ करोड ४३ लाख रुपैयाँ नाफा गरेको छ। सरकारी स्वामित्वको राष्ट्रिय वाणिज्य बैंकले पनि १ अर्ब ३ करोड २५ लाख रुपैयाँ नाफा गरेको छ।

निजी क्षेत्रका अर्को बैंक हिमालयनको नाफा ७१ करोड ८० लाख रुपैयाँ पुगेको छ। स्ट्यान्डर्ड चार्टर्डको गत वर्षको भन्दा नाफा वृद्धि दर घटेपनि ८४ करोड ८१ लाख रुपैयाँ पुगेको छ।

...अझै पनि बैंकहरुको नोक्सानी व्यवस्थाको रकम (प्रोभिजनिङ) उच्च नै छ, प्रोभिजनिङ घट्न थालेपछि नाफा अझ बढ्ने छ,' हिमालयन बैंकका प्रमुख कार्यकारी अधिकृत अशोक राणाले नागरिकसँग भने, ...बैंकहरुले यसपाली ऋण लगानी वृद्धि गरेका कारण पनि आम्दानी बढेको हो।'

नाफा वृद्धिमा सबैभन्दा बढी योगदान ब्याज आम्दानीको रहेको छ। पाँच ठूला बैंकमध्ये ब्याज आम्दानीमा बढी निर्भर एभरेस्ट बैंक छ। बैंकको कुल आम्दानीमा ब्याज आम्दानीको हिस्सा ८१.४ प्रतिशत छ। यसपछि नेपाल इन्भेस्टमेन्ट बैंकको निर्भरता ७८.१२ प्रतिशत रहेको छ। नबिल बैंकको पनि ७६.४९ प्रतिशत छ। स्ट्यान्डर्ड चार्टर्ड र हिमालयनको ७० प्रतिशतको हाराहारीमा छ। यी बैंकले बाँकी आम्दानी भने कमिसन, छुट र शुल्कबाट गरेका छन्। ब्याज आम्दानी ऋण लगानी गरेपछि मात्र हुने भएकाले यसमा जोखिम बढी हुन्छ। कार्ड कारोबार, बैंक ग्यारेन्टी (प्रत्याभूति), अन्य सेवा बिक्रीबाट शुल्क तथा कमिसन आम्दानी हुन्छ। यस्तो आम्दानीमा जोखिम कम हुन्छ।

निजी क्षेत्रका पाँच ठूला बैंकमध्ये सबैभन्दा बढी निक्षेप नेपाल इन्भेस्टमेन्ट बैंकसँग छ। इन्भेस्टमेन्टले ५८ अर्ब ५२ करोड ५३ लाख रुपैयाँ निक्षेप संकलन गरेको छ। यसपछि नबिलले ५७ अर्ब ५९ करोड रुपैयाँ संकलन गरेको छ। एभरेस्टको ५१ अर्ब २९ लाख, हिमालयनको ४७ अर्ब ९१ लाख र स्ट्यान्डर्ड चार्टर्डको ३८ अर्ब २५ लाख रुपैयाँ निक्षेप छ। कर्जा विस्तारमा पनि इन्भेस्टमेन्ट बैंक अगाडि छ।
माथिल्लो कर्णाली ड्यामसाइटमा तनाब

माथिल्लो कर्णाली ड्यामसाइटमा तनाब

दैलेख-माथिल्लो कर्णाली जलविद्युत आयोजना निर्माणस्थलमा आयोजनाविरोधी दलका कार्यकर्ता र स्थानीयबीच तनाब भएको छ। भारतीय निर्माण कम्पनी जिएमआर र सरकारबीच भएको आयोजना विकास सम्झौता (पिडिए) बारे प्रभावित क्षेत्रमा लगानी बोर्डले बिहीबार...

तीन महिनापछि विमानस्थलमा नयाँ राडार

तीन महिनापछि विमानस्थलमा नयाँ राडार

काठमाडौं-त्रिभुवन अन्तर्राष्ट्रिय विमानस्थलले उडान–अवतरण गर्ने सम्पूर्ण जहाजलाई आफ्नो सञ्जाल (नेटवर्क) भित्र समेट्न जडान गरिरहेको नयाँ राडार तीन महिनापछि सञ्चालनमा आउने भएको छ। नयाँ राडार जडानपछि उडान सुरक्षा थप प्रभावकारी हुने...

सिएको उपस्थितिबिना ६ खर्बभन्दा बढी खर्च भइरहेको छ

सिएको उपस्थितिबिना ६ खर्बभन्दा बढी खर्च भइरहेको छ

पहिलो नेपाली चार्टर्ड एकाउन्टेन्ट भएको करिब ५० वर्ष भएको छ। हालसम्म करिब एक हजारको संख्यामा नेपाली चार्टर्ड एकाउन्टेन्ट भइसकेका छन्। १५ वर्ष पहिलेसम्म पनि विदेशमा गएर यो कोर्स अध्ययन गर्नुपर्ने...

अलैँची उत्पादन ओरालो, मूल्य उकालो

अलैँची उत्पादन ओरालो, मूल्य उकालो

भोजपुर-भोजपुरको उत्तरी क्षेत्र दोभाने–७ का कृषक वीरबल राईले सोचेजति अलैँची उत्पादन भएन, मूल्य यस्तरी अकासिएला भन्ने पनि उनलाई लागेको थिएन्।

कागजपत्र नपुगेपछि निगमको दिल्ली उडान रोकियो

कागजपत्र नपुगेपछि निगमको दिल्ली उडान रोकियो

काठमाडौं-सेवा बन्द गरेको तीन वर्ष तीन महिनापछि नेपाल वायुसेवा निगमले बुधबारबाट भारतको नयाँदिल्ली उडान पुनः सुरु गर्न गरेको तयारी अन्तिममा पूरा हुन सकेन। भारतले आवश्यक कागजात नपुगेको भन्दै उडान सञ्चालन...

विकास खर्च फेरि पनि न्यून

विकास खर्च फेरि पनि न्यून

काठमाडौं-बन्द हडताल नभएको र आर्थिक परिसूचकहरु सबै सकारात्मक भए पनि चालु आर्थिक वर्षको पहिलो ६ महिनामा विकासको गति भने अघिल्ला वर्षहरुभन्दा फरक हुन सकेको छैन।यो अवधिमा (साउन–पुस) आन्तरिक र बाह्य...

उखु मूल्य निर्धारणमा उद्योगीको भाँजो

उखु मूल्य निर्धारणमा उद्योगीको भाँजो

काठमाडौं- मूल्य निर्धारण नभए पनि उखु पाइने भएपछि पछिल्लो चिनी उद्योगीले मूल्य तोक्न ढिलासुस्ती गर्न थालेका छन्। जति ढिला गर्योन आफूलाई उति धेरै फाइदा हुने भएकाले उद्योगीले अनेक बखेडा झिकेर...

दूधकोसीमा अन्तर्राष्ट्रिय परामर्शदाता चाँडै

दूधकोसीमा अन्तर्राष्ट्रिय परामर्शदाता चाँडै

खोटाङ-तीन सय मेगावाट दूधकोसी जलाशययुक्त जलविद्युत आयोजनाको सम्भाव्यता अध्ययन स्तरोन्नतिका लागि अन्तर्राष्ट्रिय परामर्शदाता छनोट प्रक्रिया सुरु भएको छ। खोटाङ र ओखलढुंगाको रँभुवास्थित दूधकोसीमा बाँध बाँधेर बिजुली निकाल्ने आयोजनाको सम्भाव्यता अध्ययन...