Friday 14 Jestha, 2073 |
Menu

अर्थ

republica-headerdiscount-subscribe1

istl

नाकाबन्दीको सार

  • शुक्रबार २४ पुष, २०७२
  • ईश्वरी अधिकारी
  • Be the first to comment!
(0 votes)
२००७ सालदेखि नै नेपालले प्रायः सबै राजनीतिक परिवर्तनमा भारतको साथ लिँदै आयो। योखाले समर्थन कतिपय अवस्थामा बाध्यकारी थियो भने कतिपय अवस्था अनुरोधै गरेर पनि लिइयो। त्यसैले यतिखेर संविधान सभाबाट संविधान बनाउने जस्तो महत्वपूर्ण विषयमा पनि उसले आफ्नो भूमिका खोज्नु स्वाभाविकै पनि थियो। अझ खासगरी ऊ आफूले चाहेको कुरा यो नयाँ संविधानमा राख्न चाहन्थ्यो र त्यसका लागि संविधान जारी हुनु अघिल्लो दिनसम्म प्रयास पनि गरेकै हो। यसअघि उसले जे जे भन्यो, त्यही त्यही मान्दै जानुको कारणसँग जोडिएको थियो उसको यो महत्वाकांक्षा।

nepali-patro-may
भारतीय नेता तथा कर्मचारीले नेपालमा नाकाबन्दी लगाउनुको कारण आफूलाई नेपाली नेताहरुले दिएका प्रतिबद्धता पूरा नगरेको बताउँदै आएका छन्। तर त्यस्ता प्रतिबद्धता कोसँग गरिएका थिए, के के गरिएका थिए भन्ने अहिलेसम्म कसैलाई थाहा छैन। न उताका गुनासो गर्ने नेताले यो बताएका छन् न त नेपालकै नेताले यो रहस्य खोल्न चाहेका छन्। त्यसैले यो रहस्यमयी प्रतिबद्धता नै अहिले नेपालीले भोग्नुपरेको नाकाबन्दीको मूल कारण हो। त्यसैले यो नाकाबन्दी खोलिनु र नखोलिनु यी प्रतिबद्धता पूरा गर्ने वा नगर्ने भन्ने सवालसँग जोडिएको छ। त्यही कारण पनि नाकाबन्दी आमनेपालीले अपेक्षा गरेजस्तो चाँडै खुल्ने वा समस्याले निकास पाइहाल्ने विषय हैन।

नेपालले धेरै वर्षपछिको संघर्षबाट संविधान सभामार्फत संविधान पायो। यो सबै नेपालीको खुसीको विषय हो। तर आफ्नो स्वार्थ पूर्ति नहुने देखेपछि केही मधेसवादी दलले यही संविधान घोषणालाई आधार बनाएर अप्रिय गतिविधि सञ्चालन गरे। नेपालमाथि नाकाबन्दी लगाउने आधार कुरेर बसेको भारतले यिनै असन्तुष्ट मधेसी दलको काँधमा बन्दूक राखेर नेपालतर्फ पड्काएका हुन। त्यसैले यो नाकाबन्दी लगाउन मधेसी दल पनि सहयोगी सावित भए। जसको असर आफ्नै देशका जनतामाथि पर्दा पनि उनीहरु भने चिन्तित हैन, झन् झन् खुसी देखिएका छन्।

अहिले काठमाडौंबासीले ग्यास अभावमा खान पाएका छैनन्। बिरामीले औषधि सेवन गर्न रोक्नुपरेको छ। उद्योग र काम बन्द हुँदै धेरै मानिस बेरोजगार बनेका छन्। यही कारण उनीहरुको भान्सा प्रभावित भएको छ। नाकाबन्दीकै कारण मुलुकमा गरिब वृद्धि भइरहेका छन्। गरिबी बढिरहेको छ। कालाबजारीले जनता ठगिरहेका छन्। सरकार निरीह छ। सडकमा थोरै सवारी कुदेका छन्। तिनले पनि पाएसम्म जनतालाई नै ठगेका छन्। तर पनि भारतलाई नाकाबन्दी गर्न आधारभूमि निर्माण गरिदिने मधेसी आन्दोलनकारी पनि अट्टहाँसमा रमाइरहेका छन्। मानौँ, उनीहरुका लागि यहाँ कसैलाई केही भएकै छैन। अनि उनीहरुलाई लागिरहेको छ– हामीले गजब काम गरेका छौँ अब हाम्रो माग पूरा हुन्छ।

अहिले भारतबाट सामान नआएको हैन, आइरहेको छ तर तस्करमार्फत। मान्छे पनि छिर्न नदिन नाकामा धर्नाकारी बसेका छन् तर त्यही नाकाबाट इन्धन र अन्य सामान कसरी छिर्छन्? त्यसैले अहिले कालोबजारी फस्टाउनुमा सरकारको मात्र नभई आन्दोलनकारीको पनि मिलेमतो देखिएको छ जसको अभावमा यो हुनै सक्दैनथ्यो। अर्कोतर्फ अहिले अभावको मारमा पर्ने र सामानको बढी मूल्य तिर्नुपर्नेमा भने हुनेखाने हैनन्, गरिबहरु बाध्य भएका छन्। गरिब र हेपिएकाका लागि आन्दोलन गरेको भन्नेहरुले यो वास्तविकता बुझेका छन् वा छैनन्? छन् भने उनीहरु किन आन्दोलन गर्दैछन् र त्यसबाट कसलाई फाइदा पुगेको छ भनेर किन सोच्दैनन्? अनि आफूले खडा गरिदिएको पृष्ठभूमिमा लागेको नाकाबन्दीले सबैभन्दा बढी असर कसलाई परेको छ भनेर सोच्नुपर्छ कि पर्दैन? के कहिल्यै यसबारेमा सोचेका छन् उनीहरुले? छैनन्। त्यसैले यो आन्दोलनको आवश्यकतामाथि नै शंका उत्पन्न भएको हो।

प्रतिक्रिया

मलेसियाबाट रेमिटेन्स आप्रवाह स्थिर

मलेसियाबाट रेमिटेन्स आप्रवाह स्थिर

मलेसिया- श्रम स्वीकृति लिएर सबभन्दा धेरै नेपाली कामदार आएको मलेसियाबाट स्वदेश जाने रेमिटेन्स पहिलोपटक स्थिर अवस्थामा पुगेको छ। पछिल्लो ४–५ वर्षयता निरन्तर नेपाल पठाउने रेमिटेन्स वृद्धि भइरहेको बेला चालु आर्थिक...

भएभरका योजनालाई राष्ट्रिय गौरव भनेर हुँदैन

भएभरका योजनालाई राष्ट्रिय गौरव भनेर हुँदैन

काठमाडौं–बजेट आर्थिक दस्तावेज मात्र नभई राजनीतिक दस्तावेज पनि हो । बजेट मुलुकका समस्या समाधान गर्नेतर्फ केन्द्रित हुनुपर्छ । यतिखेर नेपालमा रोजगारीको चरम अभाव छ । गरिबीका कारण ठूलो संख्याका युवा...

गिरान्चौर बस्तीलाई अमेरिकाबाट नुवाकोटे दिण्डुको ६ लाख

गिरान्चौर बस्तीलाई अमेरिकाबाट नुवाकोटे दिण्डुको ६ लाख

काठमाडौं– गिरान्चौर एकीकृत बस्ती निर्माणका लागि दिण्डु लामा ह्योल्मोले ६ लाख ६ हजार ६ सय ६ रुपैयाँ सहयोग गरेका छन्।  

हिमालय एयरलाइन्सले जेठ १८ देखि दोहाको सिधा उडान गर्ने (भिडियो)

हिमालय एयरलाइन्सले जेठ १८ देखि दोहाको सिधा उडान गर्ने (भिडियो)

काठमाडौं— नेपाल चीन संयुक्त लगानीको हिमालय एयरलाइन्सले १८ जेठ (३१ मे) देखि काठमाडौं—दोहा रुटमा दैनिक सिधा उडान गर्ने भएको छ। हिमालयको एयरबस ३२०—२१४ जहाज काठमाडौंबाट राति ११ बजे उड्नेछ भने...

अवरोध पश्चात बैंकहरुको कर्जामा वृद्धि

अवरोध पश्चात बैंकहरुको कर्जामा वृद्धि

२९ वटै वाणिज्य बैंकहरुले चालु आवको तेस्रो त्रैमास (चैत मसान्तसम्म)को वित्तीय विवरण सार्वजनिक गरिसकेका छन्। एक दुई अपावादलाई छाड्ने हो भने सबै वाणिज्य बैंकले विनाशकारी भूकम्पलगत्तै लामो तराई–मधेस आन्दोलन र...

विदेशी कब्जामा बिजुली-नदी

काठमाडौं- अधिंकाश ठूला जलविद्युत आयोजना निर्माण जिम्मा लिएका विदेशी कम्पनीले दशकौंदेखि नदी तथा खोला कब्जामा राखेका छन्। बिजुली उत्पादन नहुँदा नेपाली भने दैनिक १५ घन्टासम्म लोडसेडिङ झेल्दै अँध्यारोमा बाँच्न बाध्य...

पर्यटन प्रवर्द्धन गर्न 'मिसन कोरला–२०१६'

पर्यटन प्रवर्द्धन गर्न 'मिसन कोरला–२०१६'

पोखरा– नेपाल पर्यटन बोर्डको सहयोग एवम् पोखरा पर्यटन परिषद्को संयोजनमा पर्यटन प्रवर्द्धन गर्ने उद्देश्यका साथ पोखरादेखि नेपाल चीनबीचको नाका कोरलासम्मको ५ दिवशीय अवलोकन भ्रमण गरिने भएको छ।  

प्राथमिकता निर्धारण गरी कार्यक्रम ल्याऊ : निजी क्षेत्र

प्राथमिकता निर्धारण गरी कार्यक्रम ल्याऊ : निजी क्षेत्र

वीरगन्ज- पछिल्लो पटक ६ महिने मधेस आन्दोलन र साढे चार महिना चलेको सिमानाका बन्दको प्रत्यक्ष मार खपेको मुलुककै प्रमुख औद्योगिक तथा व्यापारिक नगर वीरगन्जका निजी क्षेत्रका अगुवासँग नेपाल रिपब्लिक मिडियाले...