18 Baishak, 2073 |
Menu

अर्थ

republica-headerdiscount-subscribe1

istl

'आधारहीन आरोप' ले म्यागी तनावमा

  • बिहीबार ३० पुष, २०७२
  • टेकेन्द्र बस्याल
  • Be the first to comment!
(0 votes)
'आधारहीन आरोप' ले म्यागी तनावमा
सुर्खेत- नेपाली बालबालिकाको जीवन बदल्न योगदान गरेको भन्दै विश्वचर्चित सिएनएन हिरो अवार्ड पाएकी अमेरिकी युवती म्यागी डोयन अहिले सुर्खेतमा आफूमाथि लागेको अनावश्यक आक्षेपले तनावमा छिन्। उनीद्वारा स्थापित कोपिला भ्याली सेवा समाजका पूर्वकर्मचारी र केही पत्रकार आफूमाथि खनिएको म्यागीको आरोप छ। उनीहरूको निरन्तरको 'प्रहार' ले आफ्नो ज्यान खतरामा परेको भन्दै उनले सरकारसँग सुरक्षा मागेकी छन्।

nepalipatr-april
समाजका अध्यक्ष टोपबहादुर मल्लबाट यौनदुर्व्यवहारको सिकार भएको भन्दै एक पूर्वकर्मचारीले जिल्ला प्रशासन कार्यालयमा निवेदन दिएकी थिइन्। सोही आधारहीन आरोपलाई मसला बनाउँदै केही मिडियाले आफूमाथि लाञ्छना लगाएको म्यागीको भनाइ छ।

आर्थिक हिनामिना गरेको आरोपमा दुई महिनाअघि जागिरबाट निकालिएकी कौशिला मैनालीले यौनदुर्व्यवहार, आर्थिक हिनामिना, बालबालिकाको किर्ते कागज बनाएर रकम लिएको भन्दै पुस २० गते जिल्ला प्रशासन कार्यालयमा उजुरी दिएकी थिइन्। आरोप मुख्य रूपमा समाजका अध्यक्ष मल्लमाथि लगाइएको छ। 'तर मिडियाले मेराविरुद्ध समाचार लेखिरहेका छन्,' उनले भनिन्, 'हुँदाहुँदा अस्ति १०–१२ जना पत्रकारको समूह आक्रोशित हुँदै आएर जबरजस्ती हाम्रो स्कुलमा पस्न खोज्यो, अनुमति नलिई तस्बिरसमेत खिच्यो, यो कस्तो पत्रकारिता हो?'

पत्रकार महासंघका जिल्ला अध्यक्ष गणेशकञ्चन भारतीको योजनामा षड्यन्त्र भइरहेको म्यागीको आरोप छ। भारतीका जेठान नाता पर्ने कर्मचारीलाई एक वर्षअघि आचरणविपरीत काम गरेको आरोपमा निस्कासन गरिएपछि उनी योजनाबद्ध रुपमा लागेको उनले बताइन्। 'भारतीका जेठानलाई निस्कासन गरेपछि उनले लगातार झूठा र भ्रामक समाचार प्रकाशित गरिरहेका छन्,' उनले भनिन्, 'यसविरुद्ध मैले पत्रकार महासंघ केन्द्रीय कार्यालयदेखि प्रेस काउन्सिलमा समेत उजुरी दिएकी छु तर सुनुवाइ भएको छैन।' भारतीद्वारा सम्पादित स्थानीय पत्रिकाले आफ्नो खण्डनसमेत नछापेको उनको गुनासो छ।

पूर्वकर्मचारी मैनालीले महिला केन्द्रको इन्चार्ज हुँदा १ लाख ५० हजार रुपैयाँ हिनामिना गरेको खुलेपछि जागिरबाट निलम्बन गरिएको समाजका अध्यक्ष मल्ल बताउँछन्। 'पदीय आचरणविपरीत काम गरेकाले कात्तिक १५ गतेदेखि निलम्बन गर्यौं ,' उनले भने, 'तर अहिले आएर ममाथि यौनदुर्व्यवहार आरोप लगाइन्, जसमा कुनै सत्यता छैन।' आरोप सावित भए आफू जस्तोसुकै कारबाहीसमेत भोग्न तयार रहेको मल्लले बताए।

महासंघ अध्यक्ष भारती भने आफूले पूर्वाग्रह नराखी समाचार सम्प्रेषण गरेको बताउँछन्। उनले केही दिनअघि आफूसहित पत्रकारको समूह कोपिला भ्यालीमा जाँदा दुर्व्यवहार भएको बताए। 'यो सब मेरै कारणले भएको हो भन्ने उहाँहरूको सोचाइ छ,' भारतीले भने, 'तर समाचार त मैनालीले पत्रकार सम्मेलन गरेपछि स्थानीय पत्रिकामा आएका छन्, यसमा मेरो कुनै दोष छैन।'

दश वर्षअघि नेपाल आएर सुर्खेत, भैरवस्थानमा कोपिला भ्याली सेवा समाज नामक संस्था स्थापना गरी अनाथ र टुहुरा बालबालिकाको सेवामा तल्लिन म्यागीलाई अमेरिकी टेलिभिजन सिएनएनले सन् २०१५ मा सिएनएन हिरो घोषणा गरेको थियो। पुरस्कारबापत प्राप्त झन्डै १ करोड रकमबाट सुर्खेतमा भूकम्प प्रतिरोधात्मक विद्यालय भवन निर्माण गर्ने घोषणा उनले गरेकी छन्।

प्रतिक्रिया

खडेरीले खेतबारी खङ्ग्रङ्ग

खडेरीले खेतबारी खङ्ग्रङ्ग

झापा–बोटले थामिनसक्नु गरी लागेका आँपका चिचिला धमाधम झर्न थालेका छन् । लिचीको हालत पनि उस्तै छ । सधैँ यतिबेला खेतबारीमा हरियै भएर मौलाउने मकैका बोट ओइलाउँदैछन् । चिया बगानमा अरुबेला...

'नेपालको पर्यटन अकासिँदै छ'

'नेपालको पर्यटन अकासिँदै छ'

उपल मजुमदार मुलुकको सबैभन्दा जेठो र पहिलो डिलक्स पाँचतारे होटल सोल्टी क्राउन प्लाजाका महाप्रबन्धक हुन्। उनी दुई दशकदेखि पर्यटन उद्योगमा छन्। विनाशकारी भूकम्प र नाकाबन्दीमा पनि सोल्टीको व्यापारलाई थामेका उनी...

ग्यास उत्खनन्ः पूरा भएन मन्त्रीको प्रतिबद्धता

ग्यास उत्खनन्ः पूरा भएन मन्त्रीको प्रतिबद्धता

दैलेख-एक महिनाभित्र यहाँ रहेको ग्यास र पेट्रोलियम पदार्थ उत्खनन प्रक्रिया थाल्ने मन्त्रीको प्रतिबद्धता पाँच महिना पुग्दा नपुग्दै सेलाएको छ । खनिज भएकै स्थानमा गएर अवलोकन गरेका उद्योगमन्त्री सोमप्रसाद पाण्डेले पत्रकार...

पूर्वाधार बैंक खोल्ने तयारी

पूर्वाधार बैंक खोल्ने तयारी

काठमाडौं–नेपाल राष्ट्र बैंकले 'राष्ट्रिय पूर्वाधार बैंक'लाई अनुमति दिन आवश्यक नीति बनाउन कार्यदल गठन गरेको छ । जलविद्युत, सडक तथा अन्य ठूला पूर्वाधार आयोजनामा लगानी गर्ने उद्देश्यले बैंक गठनको तयारी भइरहेको...

अभावको मौका छोपेर दोब्बर मूल्य

अभावको मौका छोपेर दोब्बर मूल्य

काठमाडौं–सुक्खायामको मौका छोप्दै खानेपानी ट्यांकर व्यवसायीले पानीको मूल्य दोब्बर बढाएका छन् । पानीको हाहाकार बढ्दै जाँदा उपत्यकामा चल्ने खानेपानी ट्यांकरले दोब्बरभन्दा धेरै मूल्य बढाउँदै कालोबजारी गरिरहेका छन्।

टमाटरसँगै उम्रिए, लहराए, फूले अनि फले उनी

टमाटरसँगै उम्रिए, लहराए, फूले अनि फले उनी

सर्लाही– 'पत्रिकामा छापिएका रोजगारीसम्बन्धी प्रत्येक विज्ञापन नछुटाई हेर्थें,' लटरम्म फलिरहेको आफ्नो कृषि फार्मको टमाटर टनेलबाट बाहिर निस्किएपछि दीपेन्द्रले सम्झिए, तीन वर्षअघि काठमाडौंमा भौंतारिँदाको आफ्नो दैनिकी।

चिनियाँ जहाज नेपाल लाने अन्तिम तयारी

चिनियाँ जहाज नेपाल लाने अन्तिम तयारी

सियान (चीन)-नेपालका लागि निर्मित चारवटा जहाज अब छिट्टै नेपाल ल्याइने भएको छ । यसको अन्तिम तयारी भएको चिनियाँ कम्पनीले जनाएको छ। सन् २०१५ को डिसेम्बरमा नै तयार भएका ती जहाज...

लाङटाङ उठाउँदै गाउँले

लाङटाङ उठाउँदै गाउँले

नुवाकोट–गतवर्ष वैशाख १२ को भूकम्पसँगै हिमपहिरो गएको १ वर्ष पुग्नै लाग्यो। भूकम्पसँगै गएको हिमपहिरोले धेरैको घरमात्र पुरिएन, सँगालेर राखेका धेरै सपनाका पहाड भत्किए। धेरैले आफन्त गुमाए, बाँच्ने टुहुरा भए तर...